في موقف الذّل لا لا لا تناديني

[شجاع عمر الأكلبي]

جديدة ليلة البارحة وتتحدّث عن نفسها



يابنت روحي على لاماك مشقيني=والله إن قلبي على لقياك ظمياني
حبّك عن الغير من الخفرات حاديني=أنا أشهد إن حبّك من الخود عدّاني
وغير النقا والصفا ماهوب طاريني=عقلي على طاعة المعبود قدّاني
وإيديك يحرم عليّ تلامس إيديني=وحرام في غيبة الأقراب تلقاني
أخوانك وبوك عندي حيل غاليني=وأنا بعد عندهم غالي ومن داني
في موقف الذّل لا لا لا تناديني=حلفت ما أمشي بدرب ٍ فيه خذلاني
يازين أنا مذهبي من الشين مقصيني=شيمة ودين ٍ عليها العود ربّاني
ماخفت من واحد ٍ مثلي يفاجيني=خوفي من اللي يجازي بنار وجناني
أخاف رب ٍ على الزلّة يجازيني=وأخشى منه في هلي بالعار يبلاني
في معصية خالقي رعديد سميني=وأنا بدرب ٍ يجيب الذنب جاباني
تكفين عما يعيب الرجل صونيني=مابيه يشمت عليّ قاصي ولا داني
ولابيه يفرح عليّ من الناس واشيني=اللي بهرج الخطا والزور تقفاني
واللي من الناس يفخربي ويغليني=يدرا على سمعتي من كل بهتاني