الليالي ما اتعبتني

[ابو أنس]

للتواصل المحبب لقلبي معكم .ولقلوبكم الطيبه
ادع هذا النص ومنكم القبول والعذر عن الحلل والنقص

الليالي مااتعبتني ماتعبتني =بس كل اللي تعبني حب صوره
صورة في القلب حطت وسكنتني=واصبحت في الذاكره وشم محفوره
جيت ابرسم طيفها الحالم بذهني=واثر رسام الوشم ثبت حضوره
في ملامحها تفاصيل تعسفني=كل ماشاغلت فكري جت تزوره
ليتهابس بصلاتي سامحتني=وتركت قلبي مع الله بشعوره
اتعوذ من وساويسن غشتني=وارجع اهوجس وافكر في اموره
واتخيل كفي بكفه مسكني=تهت اناواياه في الحب وبحوره
واعترف له انه بنظره شبكني=في عيونه مع براءتهاخطوره
والحديث العذب من فمه سلبني=مابقى من قدرتي ياكود جوره
صرت اشيد له صروح الحلم وابني=مير حلمي ذاب وانهدت قصوره

سعد 16/10/1430هـ