قالوا ان الفار طيّح سدّ مارب

[الطائر المهاجر]

http://up.ftahilah.com/up/uploads/mysongs/Ma'aribFd.rm

قالوا ان الفار طيّح سدّ مارب= قلت شوفوا من وراه وتعرفونه
كم وكم من عرش طاح بفعل تارب= وكم نوادي انتهت من هالنمونه
من ورا الكيبورد تغرق اي قارب= وبالمسنجر تسحب الرجل لجنونه
وباللسان الحلو تأسر للمحارب = يرمي سلاحه ويبلش في طعونه
ينعمي فكره ويضرب في المقارب= لو هو من دمه لعيناها يخونه
ولو قدر ياصل الى عند المضارب= شاف وجه ابليس في وجه المصونه
ياخساره يا طويلين الشوارب = العقل والدين ضاعت بالرعونه
يركض الواحد يدور للعقارب= مطفي نوره ويبحث عن مجونه
يحسبه صياد في الصيدات ذارب= ويصبح المصيود في ذل ومهونه
يخترب بيته ويفغر منه غارب = ملوي ذراعه ومكسوره عيونه
ولو بغى يهرب الا ياويل هارب= الدلايل ثابته عند الفتونه
العقل نعمه واذا من صار ضارب = ينزل الرجال من عالي حصونه