يا هنا عبدالمجيد

[ماجد المهدي]

عذراً لكثرة الغياب والله يعلم بمعزتكم عندي




يا هنا عبدالمجيد = كل يوم يشوفها
عايش بفرحة سعيد = والغذاء ملفوفها
ويسمع أنغام ونشيد = ينطرب لعزوفها
لا طلب ملك او يسيد = ساد فوق كتوفها
ومن يحس انه وحيد = تحضنه بكفوفها
آه ودي به أكيد = وأرتقي لسقوفها
وأخطفه وأبعد بعيد =لين أفوز بشوفها
واعترف أني فقيد = والوله لطيوفها
يشتعل فيني يزيد = هايمٍ بجوفها
بعد ما كنت الشديد = ذبحنَّي سيوفها
وصرت أنا القيصر شهيد = صرت أنا ملهوفها
حبها وسط الوريد = مؤسسٍ ويروفها
كل شيء فيها جديد = وتستجد وصوفها
شعرها ليلٍ سهيد = قد جثى بردوفها
وعينها النجلى تبيد = ويا عسى ما عوفها
وخدها سحرٍ مريد = بضحكها وكسوفها
ضبي والله بعنيد = ويلي من عاصوفها
لو بكت لان الحديد = وانصهر لخسوفها
ولو نوت وردٍ نضيد = حل هو بقطوفها
والخواطر والقصيد = تستمد حروفها
يا هنا عبدالمجيد = كل يوم يشوفها

تحياتي

ماجد المهدي