منتديات الفطاحله - أحدٍ يصوم ومطمئن بداره

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - أحدٍ يصوم ومطمئن بداره (http://ftahilah.com/showthread.php?t=17714)

[QUOTE=المشرف العام][poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
احدٍ يصوم ومطمئنٍ بداره = واحدٍ يصوم وداخله خوف يغشيه
من غارةٍ بالجو تحرق صغاره= وتهدم عليه البيت لاشي يحميه
واحدٍ يصوم الشهر عنده فطاره= واحدٍ يصوم العام فالجوع حاديه
احدٍ على اليمّه صلاته اشاره= واحدٍ معافى لكن الدين ناسيه
يصوم عاده مثل ربعه وجاره = قلبه حجر مالان وابليس مغويه
متناقضاتٍ في زمان الحضاره= والكل تايه ما لقى من يقدّيه
والقدس راحت مننا يا خساره= وهذا العراق اليوم بانت مواريه
والبعض منّا لو عياب جداره= ياثق بخصمٍ يضمر الشر ناويه
الخصم واحد عارفينٍ مساره = ما له امان ولو بعضنا وثق فيه
من يوم جانا النفط ياللخساره = الدين قفّى ما لقى من يراعيه
فاللي تمسّك به خطير انهياره = مما يشوفه فالزمن ما يدانيه
يبيه يترك ما بقى من شعاره = ولو قاوم التيّار يخسر تحديه
لا با عرب وش لون صرتوا حجاره= يلعب بها العادي على كيف يبغيه
لا انتم ملكتوا علم فيه المهاره= ولا انتم حميتوا دينكم من معاديه
ماشوف غير البهرجه والنظاره= نعيش وهمٍ والمعادي يغذيه
يستنزف الثروات باحلا قماره= قمّر علي عيونٍ تحبّه وتغليه
يسرق ذهب بابخس عروض التجاره= ويعطي قشورٍ تفرح اللي انخدع فيه
وهذي النتيجه وضعنا في انحداره= والغير روّح يبني صروح تحميه
المجتمع بالفرد يرسم مداره= وراسٍ بليّا اطراف ماعاش راعيه
واجب علينا لو نحس المراره= نبدا نتكاتف بالعزم فرض نبنيه
بالدين وحده نسترد الصداره= لا من هدر كالسيل محدٍ يوافيه
ماعندنا غيره أمل للبشاره = كلش تلاشى ما بقى شئ نخفيه
من لازرع ما ينفعه زرع جاره= ومن لاحسب للدرب تاهت خطاويه[/poem][/QUOTE]

[CENTER][SIZE="5"][COLOR="Sienna"]
اااااااااااااالله واكبر يا ستاذ الشعر

المشرف العام

وقفه هنا مع الابداع

واثبات لتواجدى بهذا المتصفح

والشهاده فيك تبقى مجروووووحه

ما مهما قلت وقلت لن اصل الى ما اريد

قوله فقد يخون التعبير ولا اريد ان اخدش

هذه الباذخه بكلمات اقل من حجمها

صح السانك وسلم بنانك

ولاهنتي[/COLOR][/SIZE][/CENTER]

من لازرع مـا ينفعـه زرع جـاره ومن لاحسب للدرب تاهت خطاويه

ابوعبدالله

صح لسانك على هذا النزف الصادق النابع من وجدانك

[COLOR="Purple"][B]المشرف العام

د. عثمان العبدالله ..

صح السانك يالقرم ولاهنت ..

تحيتي لك / مشاعر حالمه ..[/B][/COLOR]