منتديات الفطاحله - الا يا عين قرّي وارجهنّي

[quote=الطائر المهاجر;305704][rams]http://www.fatahilah.com/up/alaya3eengurry.mp3[/rams]
[poem=font="simplified arabic,5,darkblue,bold,normal" bkcolor="transparent" bkimage="http://www.fatahilah.com/images/toolbox/backgrounds/41.gif" border="groove,4," type=0 line=0 align=center use=ex num="0,black"]
الا يا عين قرّي وارجهنّي = ونامي الليل باحلام سعيده
وصلي شكر لله وتهنّي = فشكر الله من واجب عبيده
حبيبك ردّ من بعد التعنّي= بعدما عشتي ايّامٍ شديده
هلا به عدّ ما عيوني جزنّي= وطار النوم بجفونٍ سهيده
هلا به عدّ ما طيفه فتنّي= سجدت السهو مراتٍ عديده
اهوجس به وكنّه ضاع منّي= ونا ادري سفرته ماهي بعيده
وافكّر كيف بالحبّ امتحنّي = ونا اللي في العشق نفسي زهيده
احسب إنه إذا ماغاب عنّي= ابسلى عنه لين الله يعيده
وثاري الحب جنّي ولد جنّي= تسلل داخل الروح العنيده
لقيته نايمٍ فيها متثنّي= زرع بالدم جيناتٍ جديده
يقول لي الطبيب "إن صح ظني"= ترى حالتك في الدنيا فريده
تجي بالعمر مرّه ما تثنّي= إذا قلبين تحكمها العقيده
بحب الخير ما تعرف تجنّي= تراعي الله تخشى من وعيده
بلا كذبٍ على غيره تغنّي= بخبث القول لاجل إنّه تصيده
فكم من قلب عمره ما ارجهنّي= يعيش الغيّ واحواله نكيده
بلا ايمان مافيه متهنّي = ولا به حبّ او نفسٍ سعيده
الا يا عين جاء لك من تمنّي = فهلّي به وعلّي من رصيده[/poem][/quote]

من جمال القصيدة ومن قوة ترابطها ماعرفت وش اقتبس .. كلها مترابطه وقوة في المعنى والجمال ..
أبو عبدالله .. صح لسانك ملاييييين ولايكفوووون على هالجزاله والحكمه ..

حفظك الرحمن ..

إعجابي الدائم ..