منتديات الفطاحله - صوت وصدى بين الأمير / سلطان بن عبدالعزيز

منتديات الفطاحله (http://ftahilah.com/index.php)

- الشعر المنقول(خاص بالشعر النبطي) (http://ftahilah.com/forumdisplay.php?f=334)

- - صوت وصدى بين الأمير / سلطان بن عبدالعزيز (http://ftahilah.com/showthread.php?t=30716)

صوت وصدى بين الأمير / سلطان بن عبدالعزيز

[frame="13 70"][size=2][color=#000000][b][align=center]كتب الأمير/ يزيد بن محمد السديري
المصدر جريدة الجزيرة مدارات شعبيه
13495في 13--8--1430هـ[/align][/b][/color][/size]
[poem=font="traditional arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا طيري اللي مالقينا مثيله =أللي على جول الحباري يهدي

لاشافه الحفال ضيّع دليله =عطب المخالب صاملٍ ما يصدي

نادر نداوى والموامي طويله =لياما خذينا برقعه مستعدي

لو هو ولد عدا على كل جيله =لازم على كل النشاما يعدي

وليوم كن الكبد فيها مليله =طيري غدا مني وأبو زيد سدي

لو ان خالي فيه كان اشتكي له =اعلمه باللي جرى واستجدي

والله ما ألومك يا زبون الدبيله =يومك بزينات المثايل تردي

ماشفت شفنا مالنا فيه حيله =أمر الولي لامن مضى ما يردي

مانيب اقوله قصدي ابغي بديله =ما كل طير في شلاح بيسدي [/poem]

[color=#8b0000][b][align=center]سلطان بن عبد العزيز آل سعود
رد الأمير محمد السديري - رحمه الله - [/align][/b][/color]
[poem=font="traditional arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حي الكتاب اعداد وبل المخيله =وميه هلا من خاطرٍ مجرهدي

من خاطرٍ صافي ودادك يشيله =يالفيصلي ضيمك لقلبي يضدي

ياشيخ ياراع الفعول الجميله =يا منتهى شكواي وان باح سدي

يا درعي الضافي الياشفت ميله =محكم حلق ضافي بالاردان قدي

يا سيفي الصمصام عز القبيله =يا للوذعي يالنادر المستهدي

يالليث شيال الحمول الثقيله =شبرك على شبر العيال متعدي

أصبر بصبري عن ذياب وحصيله =والصبر يا سلطان ما عنه بدي

ذياب قبله ضيّع الله دليله =اللي على الفرقا تحدا تحدي

مالي جدا الابس بالعين أخيله =لين ارتفع فوق السحاب المسدي

أنشهد ان الطير غادٍ دليله =ينحاش لو تنعم عليه وتكدي

أشلاح منه الصيد يكثر جفيله =نادر وفارق نادر ٍ له يودي

طير السعد يا حيف خلا عميله =على الوفا ما له قرين يقدي

ما يذكر انك فوق كفك تشيله =وعز الله انه صار منه التردي [/poem]

[color=#8b0000][b][align=center]محمد الأحمد السديري [/align][/b][/color]س[/frame]