علامات الزوج الخائن...
 

[CENTER][B]علامات الزوج الخائن...

* الجوال في حالة (قفل الهاتف) يعني لو وصلت رساله ما يقدر يقراها الا هو بعد ادخال الرقم السري.

* وضع الجوال على حالة(صامت او اجتماع) يعني ما يرن ابد في البيت.

*اذا نسى الجوال في السياره ونزل مثلا للبقاله اوالصيدليه وتذكر ان الجوال في السياره يرجع مسرع جدا وياخذه.

* اذا تصادف ورن الجوال بسرعه يقول هذا واحد ما ابي ارد عليه رغم انك ما سالتيه نهائيا..رد استباقي

*يفتح الجوال ويسوي نفسه يحسب او يطرح كأنه يحسب سعر شراء سياره او بيع اسهم.. وهو قاعد يرد على رساله

*لو نسى الجوال والقفل مو مفتوح وشاف انك انتي او احد الاولاد شايله في يده
تقوم قيامته ويرغي ويزبد.....

*بعد تلقيه الرساله او (missd call) يتعذر باي شي بس علشان يطلع من البيت بسرعه.

* واذا كان في الطريق السريع ودخل يشتري اشياء من المحطه...يطول اكثر من اللازم .

*الفاتوره مثل الغرفه اللي في قصر الغول اللي ممنوع دخولها نهائيا

ومستحيل يجيبها للبيت ابدا.............

*يغلق الجوال وقت النوم ولا يتركه عالصامت حتى...(قد تكون توصيه من الحبيبه)..تغاااار وتشك فيه...

* اول شي يسويه في الصباح يشيك على صندوق الوارد في الجوال.

* اسماء غريبه في جواله...على سبيل المثال:

ابو غاده....ابو ملاك.. ابو نوف...ابو زهير

والاصل انهم :غاده ...ملاك..نوف..عبير

الخلاصه:

اذا توفرت 3 من ال 12 خافي علي زوجك وابتدي شكي

اذا توفرت 5 من 12 اكيد خائن...

اذا توفرت 12 من 12.....اقطع يدي من اساسها انه خائن


والله أني خايف على مصلحتكم يالحريم هههههههههههههههههه

وانشاءالله مايتوفر أي شي من المكتوب في المعادله

تحياتي للجميع بحياه مليئه بالحب والأخلاص ...............؟ ايه هين
[/B][/CENTER]

رد على: علامات الزوج الخائن...
 

ههههههههههههههههههههههه

الله يستر منهم بس الرجااال مصايب عليهم حركات وطرق ملتويه

بس اقولك عند زوجي اسمين ابو شهد وابو ندى تهقى حريم تسرب الشك على قلبي بطين عيشته خخخخخخخخخ

يعطيك العافيه العمده على الموضوع

رد على: علامات الزوج الخائن...
 

ههههههههههههههههههه

والله أنكم يالرجال ينخاف منكم وماتعطون أحد فرصه لا والواحد إذا شك في زوجته
يكرها في عيشتها ألين يتأكد من اللي في راسه ودائماً يطلع خطأ.........
وهي إذا شكت فيه يقلب الدنيا عليها ويجلس يهوش ومايعطيها فرصه أبد حتى لو بتتناقش معه.


يسلموووووووووووووو عمدتنا

مع التحيه

رد على: علامات الزوج الخائن...
 

هذا أول واحد اكتشفناه خائن
الله يكون في عونك يالسفيره وينصرك على شهد وندى والخافي أعظم ههههههههههه

شاكر مرورك وتراها مزحه
تقديري

رد على: علامات الزوج الخائن...
 

هههههههههههههههههههههههههه
ولله موضوعك كثير حلو
اخ العمدة مشكوررر

رد على: علامات الزوج الخائن...
 

[quote=العمده]هذا أول واحد اكتشفناه خائن
الله يكون في عونك يالسفيره وينصرك على شهد وندى والخافي أعظم ههههههههههه

شاكر مرورك وتراها مزحه
تقديري[/quote]

اكيد مزوووووووح ليت كل الرجال مثل زوجي شيخ قد الدنيا

رد على: علامات الزوج الخائن...
 

[quote=أميرة الليل]هههههههههههههههههههههههههه
ولله موضوعك كثير حلو
اخ العمدة مشكوررر[/quote]

أميرة الليل شكلك ناويه نيه على الرجال اليوم أقول الله يساعدك وينصرك على الظالم وعطينا النتيجه بأسرع وقت وجاهزين للفزعااااااات

رد على: علامات الزوج الخائن...
 

[quote=احساس أنثى]ههههههههههههههههههه

والله أنكم يالرجال ينخاف منكم وماتعطون أحد فرصه لا والواحد إذا شك في زوجته
يكرها في عيشتها ألين يتأكد من اللي في راسه ودائماً يطلع خطأ.........
وهي إذا شكت فيه يقلب الدنيا عليها ويجلس يهوش ومايعطيها فرصه أبد حتى لو بتتناقش معه.


يسلموووووووووووووو عمدتنا

مع التحيه[/quote]

الله لايهينك فتشي الجوال واكتشفي الحقيقه قبل لاتنصدمين وقارنيها بالمعادله علشان تتأكدين ولازم يعترف
تراني راعي فزعااااات المهم ننتظر النتيجه بكره

رد على: علامات الزوج الخائن...
 

[QUOTE]الله لايهينك فتشي الجوال واكتشفي الحقيقه قبل لاتنصدمين وقارنيها بالمعادله علشان تتأكدين ولازم يعترف
تراني راعي فزعااااات المهم ننتظر النتيجه بكره[/QUOTE]
هههههههههههههههههه
أفتش جواااااااااال مين؟:confused:
أنا ماني متزوجه بس قلت هالكلام من القصص اللي أسمعها من حولي:D
مشكووووووووور عمدتنا ماتقصر كلك خير وبركه:D

مع التحيه

رد على: علامات الزوج الخائن...
 

كل إناء باللذي فيه ينضح ، واضح عندك خبرات ماهي بسيطة ، ويوم عقلت ، تبي تخرب على غيرك ،
اصبر كم سنة ، وتحتاج هاالطرق ، إلا اذا انك واثق من اكتشافك لطرق بديله. تغش الحريم وتزرع عندهن
الشك في ازواجهن ، ولا يستبعد موضوعك الجاي عن كيف يكتشف الزوج خيانات زوجته ، هذا اللذي
يفرقون به بين المرء وزوجه ..

رد على: علامات الزوج الخائن...
 

[B][COLOR="RoyalBlue"]الله يبعدنا عن الخيانه

ويبعد الخونه عنا

شكرا لك يالعمده الا الى الان انتم يالعمد اذا جاء واحد

من حيكم ويبي تعريف لازم من عمدة الحي تقولون مانعرفك0

تراني امزح يالغالي

دمت بخير[/COLOR][/B]

رد على: علامات الزوج الخائن...
 

[COLOR="DarkOrchid"][SIZE="5"]ههههههههههههههههه تسلم يا عمدة حارتنا هههههههههههههه
حلوة واللي جواله مقفل برقم سري من أصله:confused: ههههه:p وش تسوي زوجته
أنا عندي طريقة بس بعطيها للي محتاجينها:rolleyes: خخخخخخخخخخخخخ:D :p

أنا بالنسبة لي جوالي يعتبر من خصوصياتي وجواله من خصوصياته
لاأفتح جواله ولا يفتح جوالي لكن أنا إذاجاني رقم غريب أو رسالة من رقم غريب وهو موجود أقوله رد وشف منهو :cool:

خاصة إذا الرقم مزعجني بس غير كذا كل واحد عارف حدوده واللي بيدور غيري وأنا قايمة بواجباتي على أكمل وجه عزالله بسحب عليه وماراح أتهاوش ولا أتناقش يحط لي بيت أنا وعيالي ويصرف علينا وهو دربه خضر:rolleyes:
مع السلامة ونكسر وراه خمسين جرة خخخخخخخخخخخخخخخخخخ:D :p [/SIZE][/COLOR]

[COLOR="Red"][SIZE="5"]على كذا ثلاثة أرباع الحريم بيشكون في رجالهم[/SIZE][/COLOR]

رد على: علامات الزوج الخائن...
 

أنا ماأقفل جوالي ودايم يفتشونه حتى ولدي لأني مخلص وواضح .......... والخ ههههههههههههه

عموما شاكر جميع المشاركات والمداخلات

وكان موضوعي من باب المزح ووساعة الصدر والله يسعدكم دنيا وأخره ولايفرق بينكم الا الموت ( بعد عمر طويل )

الله يخليكم لبعض ويسعدكم ويسعد أولادكم.

بس اللي يبي تعريف للجوازات أو للزواج تراني جاهز وأمام المسجد صديقي مايرد لي طلب لأنه مأذون أنكحه

يعني زواج أو طلاق أنا حاضر يابو عبدالله وخل الناموس ينفعك

تحياتي

رد على: علامات الزوج الخائن...
 

هاهاهاهاهاهاه
أخوي عثمان " الطائر المهاجر "

عندك أياه تولاه !!
قفل عليه !!
حطه تحت المراقبة الشديدة !!
لاترحمه !!
هاهاهاهاهاهاه
تعرف لو قرت نون النسوه الموضوع وش بتقول !!!
حنا واو الجماعة مافينا خير !!
يد الله مع الجماعة ومن شذا شذ في النار
وأخونا العمده طلع عن شورنا وقام يفضح فينا
هاهااهاهاهاهاه
وش رايكم يارجال " نسوي عليه حظر "

ههههههههههههههههه

رد على: علامات الزوج الخائن...
 

أرجو من العمده
تقبل مزحتي مع الشكر على الموضوع
تحياتي لك وتقديري

رد على: علامات الزوج الخائن...
 

افا يالواهم والله أني معاكم بس ابو عبدالله مزعلني شوي وجالس أبرد قلبي فيه بصراحه عنيد وراسه يابس جيته بالطيب مانفع جيته بالحيله مانفع

قلت لازم أروح لخواتي يفزعون لي بس مافيه فايده ... مارده بيحتاج تعريف والله لو يحب الثريا ماينوله

ههههههههههه

رد على: علامات الزوج الخائن...
 

"وأمام المسجد"
والله كل البلى من تحت روسكم يا أئمة المساجد ، خادعين الحريم بالرهبله
ومن شفتوها زينه ، قرقتوا عليها الين تطلقونها من زوجها ، وتاخذونها ، ثم تدورون غيرها
وبعض الشيبان يثق فيكم ويعطونكم بناتهم هدو ، حتى ما تدفعون شئ
المطوع لو يشوف خديد نوره = اطبق المصحف وعجل بالصلاة
مطوع وبالخفى ان شاف شن لشه...

رد على: علامات الزوج الخائن...
 

هههههههههههههههههه
أصبر يالعمدة لين نشوف رأي المحكمة الدولية في امرك
ونطلع سيدنا القاضي " الطائر المهاجر " على أخر التطورات
يمكن يحكم على أشغال شاقه !! هههههههههه
ويمكن يخليك عند البوابة للمنتدى تفتح وتقفل للزوار !! هههههههههههههه

لاعاد تخزينا مع هالحريم الله يقطع شرهم
عاد هم ماصدقوا شافوا واحد عطاهم سر من أسرار واو الجماعة إلا هيصوا ....

شف مين اللي رد عليك " نون النسوه وربعها "

آخ منك قهرتني وانا جالس ألمع في صورة واو الجماعة من سنين
ههههههههههههههههههه

رد على: علامات الزوج الخائن...
 

أقول لاتخلوني اقلب عليكم خليتوني سراق الحريم وأمام مسجد ومأذون أنكحه بصراحه أنتو ماتنعطون وجه وأنا من اليوم ورايح مع نون النسوه وخلو واو الجماعه ينفعكم وانشاءالله تصيدكم ان ... وأخواتها وعندي فضايح على الرجال بس اصبروا شوي وشوفو وشلون أخرب سمعتكم أو تغيرون طريقتكم معي ونسوي هدنه خليتو الناس تضحك علينا

رد على: علامات الزوج الخائن...
 

هاهاهاهاهاهاهاها
يالعمدة أنتظر اللي بيجيك !!!

حنا بنجتمع في مجلس الأمن وبنقرر القرارات المناسبه لك

وبصراحة نبيك تركد وتفكر قبل ما تفضح ربعك هههههههههههه

أصبر قبل ماتشنع فينا ترا اللي بتروح لهم " اعظم من التماسيح "

يضحكون في وجهك وهناك شابين الضو " علشان يطبخونك "

هههههههههههههههههههه

رد على: علامات الزوج الخائن...
 

[COLOR="Red"][SIZE="5"]هههههههههههههههههههههه:)

كررررررررررررررررر كررررررررررررررررررر:p

خخخخخخخخخخخخخخخخخخخخخ:D

حيــــــــلهم بيــــــــنهم ههههههههههههههههههه:p






































صــــــــــــــــادوه[/SIZE][/COLOR]

رد على: علامات الزوج الخائن...
 

أفا والله أم زياااااااااااااااااد

ليه الشماته بدال ماتلطفين الأجواء هذا جزاي أعطيكم فضايحهم وتخلوني لحالي

حريم مالكم أمان

الظاهر بنرضى بالحكم الصادر من المحكمه الدوليه

والظاهر بيحولوني من عمده الى كاتب ضبط في مكتب العدل هههههههههههههههههههه

رد على: علامات الزوج الخائن...
 

هههههههههههههههههههه

قلنا لك ماصدقت
شفت أخرتها ضحكوا عليك " مافي فايدة "

الظاهر معاي خط تلفون
أبو مياس نائب القاض
تفضل وش رأيك
وش رايك في العمدة وسواته
هههههههههههههههههه

رد على: علامات الزوج الخائن...
 

[COLOR="Green"][SIZE="5"]ههههههههههههههههههه والله مو الحريم اللي ما لهم أمان

المثل يقول ((يا مآمنة للرجال يا مآمنة للمية في الغربال ))


هههههههههههههههههه:D

وماظنتي عقب هالمثل كلام ههههههههههههههه

وكلٍ يشوف مصلحته أنا ومن بعدي الطوفان:cool:

هههههههههههههه:p

تراها مزووووووووووووح تجي وتروح لاأحد يا خذ في خاطره ;) [/SIZE][/COLOR]

رد على: علامات الزوج الخائن...
 

نون " النسوه !!! هماش ذيك المره أعترفتي !!
وأقريت للرجال بالقوامه والريادة ...... وش بلاش غيرتي رايك
حنا الظاهر مع خوينا الغلبان اللي غررتو ه وخدعتوووه وخليتوووو
يقر ويعترف تحت التشويق والترغيب وحنا مانرضى هالأسلوب !! يانون النسوه
أظن أني راح أرفع شكواي متضمنه الأدلة الدامغة اللي دمغتي فيها خوينا على راسه وخليتوه يفضح ربعه !!!
هههههههههههههههههه
والقاضي بيننا وبينكم

مع الإعتذار " لا أحد يأخذ في خاطره على أسلوبي "

هههههههههههههههههههه

رد على: علامات الزوج الخائن...
 

حلوه منك يالواهم خلك منصف في الحكم
وابو عبدالله شبها وهرب
احنا نخلص من هالسالفه وبعدين يحلها الحلال واعرف أتصرف مع الذيابه ( نون النسوه )

وخلو الحكم برساله خاصه علشان ميتشمتون فينا ال..............؟

رد على: علامات الزوج الخائن...
 

يامدافع عن الحريم ... ياغرقان في البحر اللطيم..... ما تنفعك وحدة من تميم

رد على: علامات الزوج الخائن...
 

[COLOR="DarkOrchid"][SIZE="5"][QUOTE=محمد بن عبدالله السلمان]نون " النسوه !!! هماش ذيك المره أعترفتي !!
وأقريت للرجال بالقوامه والريادة ...... وش بلاش غيرتي رايك
حنا الظاهر مع خوينا الغلبان اللي غررتو ه وخدعتوووه وخليتوووو
يقر ويعترف تحت التشويق والترغيب وحنا مانرضى هالأسلوب !! يانون النسوه
أظن أني راح أرفع شكواي متضمنه الأدلة الدامغة اللي دمغتي فيها خوينا على راسه وخليتوه يفضح ربعه !!!
هههههههههههههههههه
والقاضي بيننا وبينكم

مع الإعتذار " لا أحد يأخذ في خاطره على أسلوبي "

هههههههههههههههههههه[/QUOTE]

هههههههههههههههه إسمعوا يا واو الجماعة :mad:

نحن نون النسوة فاعلات رافعات راية السلام بثبوت النون :cool:

والرجال الخاين هذا ماله قوامة ماله إلا جمع تكسير يكسر عظامه هههههههههه
اللي مثله دائماً في محل نصب ما له إلا
يرفع بحذف النون والوا و:rolleyes: ههههههههههههههه:p
وليس له مكان من الإعراب
ههههههههههههههههههه[/SIZE][/COLOR]:D :p

رد على: علامات الزوج الخائن...
 

بعد المرافعات والمداولات في كلا من مجلس الأمن والمحكمة الدولية :
أصدرنا الحكم التالي :
1- وقف الإتهامات المتبادلة بين كلا من نون النسوه و واو الجماعة وإعلان هدنة فطحولية مع عدم توجيه إتهام لأي منهم
وذلك لأننا وجدنا بان كلا منهم مكملا للأخر ،، .
2- يقف العمدة على رجل وحده لمدة نص ساعة إعترافا منه بالذنب اللي سواه بحق ربعه !! هههههههههههه
3- يقام حفل خطابي من كلا الطرفين نون النسوه " يمدحن في واو الجماعه وربعه " وكذلك ، على واو الجماعة وربعه " يثنين ويمدحن النون وربعها ".
4- أي خرق للإتفاقات المبرمة والتي سيوقع عليها الجميع ، سوف تؤخذ على أنها إعتداء ومنها سوف نحرك " قوات مجلس الفطاحلة " على طرف المعتدي .
5- نون النسو ،،،،،، أبدعت بالقول
والرجل الخاين هذا ماله قوامة ماله إلا جمع تكسير يكسر عظامه هههههههههه
اللي مثله دائماً في محل نصب ما له إلا
يرفع بحذف النون والوا و ههههههههههههههه
وليس له مكان من الإعراب
ههههههههههههههههههه
هاهاهاهاهاهاهاههاهااهاهاهااهاهها

والله أبدعتو .....وأنا أرى أخوي عثمان " الطائر المهاجر " ياقاض القضاة
إن هذا الحوار يصلح أن يكون نصا ...... لمسرحية

والسموحه ياأخواني ويا أخواتي نون النسوه والله قدركم عالي ومصون ومكانه هينا في العيون
هههههههههههههههه

رد على: علامات الزوج الخائن...
 

المحاكمة والمرافعة والمداولة لم تنتهي بعد فلابد من سماع شهود الإدعاء
والمحامون ، وقد يتطلب رفع الأمر لمحكمة العدل الدولية في لاهاي ، للنظر
في امر الإتهامات التي كالها جزافا الأخ العمدة ومن بعده ام زياد ، وماقام به الأخ
الواهم من رد فعل استخدم فيه حرف الشين في خطابه لأم زياد ، مما قد تعني
رجوعه لأصول عجمية او مرية اوياميه او قحطانية بوجه عام ، وهي ليست كذلك
مما يعيد إلى الذاكرة اغنية السنيدار او محمد مرشد ناجي
ألا يامرحبا بش ، وبأهلش ... الخ

رد على: علامات الزوج الخائن...
 

متابع

والعمدة له حساب خاص الان يقول راسه يوجعه بس بكرة لناظره قريب

شفت ياعمدة محد معاك والله العالم ان جوالك مسحوب منك صح

رد على: علامات الزوج الخائن...
 

[QUOTE]والله كل البلى من تحت روسكم يا أئمة المساجد ، خادعين الحريم بالرهبله
ومن شفتوها زينه ، قرقتوا عليها الين تطلقونها من زوجها ، وتاخذونها ، ثم تدورون غيرها
وبعض الشيبان يثق فيكم ويعطونكم بناتهم هدو ، حتى ما تدفعون شئ
المطوع لو يشوف خديد نوره = اطبق المصحف وعجل بالصلاة[/QUOTE]

[COLOR="Red"][SIZE="5"]هههههههههههههههههههه وشاهد شاهدٌ منهم
مع اني صعب اصدقه معقـــــــول وصل الحال بنا إلى هنــــــــــــــا:confused: :(

[/SIZE][/COLOR]:D :p

رد على: علامات الزوج الخائن...
 

[QUOTE]وقد يتطلب رفع الأمر لمحكمة العدل الدولية في لاهاي ، للنظر
في امر الإتهامات التي كالها جزافا الأخ العمدة ومن بعده ام زياد ، وماقام به الأخ
الواهم من رد فعل استخدم فيه حرف الشين في خطابه لأم زياد ، مما قد تعني
رجوعه لأصول عجمية او مرية اوياميه او قحطانية بوجه عام ،[/QUOTE]

[COLOR="Purple"][SIZE="5"]وااااااااااااااااي:eek: وانا مالي تضيعوني معكم في المعمعة :confused:
تبوني أروح معيس تحت الرجلين أنا ورايا كوم عيال بربيهم ههههههههههههههه:D :p

وأنا إتهاماتي ليست إتهامات بل أصبت بها كبد الحقيقة:p ههههههههههههههههه

أما أخوي محمد وحرف الشين هذا سبب لي ألم نفسي ولا زم يدفع لي تعويض إشتراك DSLمدة
خمس سنوات قادمة :rolleyes: :p
وأرجو أن تكون الأحكام عادلة ومنصفة[/SIZE][/COLOR]

رد على: علامات الزوج الخائن...
 

[quote=الطائر المهاجر]المحاكمة والمرافعة والمداولة لم تنتهي بعد فلابد من سماع شهود الإدعاء
والمحامون ، وقد يتطلب رفع الأمر لمحكمة العدل الدولية في لاهاي ، للنظر
في امر الإتهامات التي كالها جزافا الأخ العمدة ومن بعده ام زياد ، وماقام به الأخ
الواهم من رد فعل استخدم فيه حرف الشين في خطابه لأم زياد ، مما قد تعني
رجوعه لأصول عجمية او مرية اوياميه او قحطانية بوجه عام ، وهي ليست كذلك
مما يعيد إلى الذاكرة اغنية السنيدار او محمد مرشد ناجي
ألا يامرحبا بش ، وبأهلش ... الخ[/quote]


ههههههههههههههههههههههههههههههههههه
ههههههههههههههههههههههههههه

والله أني ماخطيت يوم أقول أنك قاض القضاه

عندك إستماع جيد للمرافعين ،، وتحليل قوي في هرجهم ،، وملم بكل كبيرة وصغيرة تخص حيثيات القضية

ههههههههههههههههههههههه

رائع والله ردك

ههههههههه

رد على: علامات الزوج الخائن...
 

ياألله وش السالفه ياجماعه كل هذا يصير من وراي وأنا ما أدري خلاص ياجماعه ياجماعه أنا علي السلطه

كل واحد يصلح سيارته ويروح في حاله والتسامح زين يأخوان

تحياتي

رد على: علامات الزوج الخائن...
 

أما أنت " نونو النسوه " !!!
الحكم الأول وصدر وحنا مانا متراجعين " حنا رجال وعند كلمتنا "
ودام أنكم طلبنوا الترافع في الحكم " هذا يا نو نوه " ما ينهي الحكم بطلب تعويضات !! أصبري نشوف الحكم النهائي !!
وبعدين يصير لش خير
وأهلا فيش
وبدارش
وبين أهلش
ويامرحبا بش
ههههههههههههههههههههههههههههههههه

رد على: علامات الزوج الخائن...
 

الحمد لله على السلامة
يعني ماسبق كان بسبب الصداع ، وبعد معرفة السبب ، واخذ العلاج صحيت
فاعترفت بالخطأ الجسيم ، وهالحين تدور مخرج ، لا.... دخول الحمام مهو زي الخروج منه

رد على: علامات الزوج الخائن...
 

ههههههههههههههههههه أكيد نه منقع له كيلو مرة وشربه مرةٍ وحدة ههههههههههههههه

هاه شفتوا المرة رجعت له عقله ههههههههههههههههه

رد على: علامات الزوج الخائن...
 

هههههههههههههههههههههههههههه
أنت ياالعمدة أسكت وخلك مكانك
بعد ماطينتها جاي تقول التصالح زين !!!

هههههههههههههههههههه

الجبهه مفتوحه مع نون النسوه !!

وطلق النار فيك إحتار !!
أما تطب معنا وإلا نون وراك بتكون تصفق وتضحك

رد على: علامات الزوج الخائن...
 

ياجماعة الخير أنا يوم كان راسي يعورني نصحني واحد أدهن راسي بفكس وأنا ماقصرت دهنت راسي كله وشعري وتوهقت قامت عيوني تدمع طول الليل وصرت ماأشوف الكيبورد ولا أدري وش أكتب وكل من جاني الصاله وشم الفكس أنحاش وخلاني لحالي في الصاله وبعدين عشت حاله نفسيه سيئه

[B]مع [COLOR="Red"]الوحده[/COLOR] [COLOR="DarkRed"]والدموع[/COLOR] [COLOR="DarkOrchid"]وصوت أم [/COLOR][COLOR="darkorchid"]كلثوم [/COLOR][/B]وقمت أكتب بدون شعور بس ألحين لو تسألوني وش السالفه ترى ماأدري ياحضرة القاضي

واحد يوقف معاي الله يهديكم مافيكم خير