موقف طريف
 

[SIZE="3"][COLOR="Indigo"]السلام عليكم ......


أود بطرح هذه الفكره عليكم .................. وهي ان كل عضو يذكر موقف طريف أو مخجل مر هو فيه.......



سوف أبداء بنفسي............


في يوم من أيام الإمتحانات ألي راحت.............

كان عندي إمتحان .....إنجليزي ................


طبعآ سهرانه ومواصله................


وبعد أن دخل ا لجميع لقاعة الإمتحان ...........


دخلت أنا .......وبعد المراجعه الأخيرة للمادة ..........أتخيلو معي الموقف..........أنا الكرسي الذي أجلس عليه في


أخر صف بجنب الجدار.................


وضعت حقيبتي ....عند باب القاعه لأنه ممنوع الدخول بها ........وما أطول عليكم .....

الموقف .........عندما دخلت القاعه ووصلت للكرسي ........نبهتني زميلتي التي تجلس خلفي ....ان كتاب لإنجليزي

معي ........

فقمت من الكرسي لإخراجه ........خارج القاعه ..وبعد أن دخلت مرة أخرى أجد جميع القاعه فاطسين من الضحك ........:D [/COLOR][/SIZE]

انا موقفي ماينحكى ولاينقال بس لعيونك بقوله

مره وانا بثاني ثانوي كنا مجتمعين باستراحه وابوي كان توه جاي من السفر ولي اسبوعين ماشفته

وجاء من المطار على طول على الاستراحه

المهم يوم خفو الناس بالليل والشباب راحو يلعبون كوره ولابقى الا ابوي وعماني بالمجلس رحت اسلم عليه

وانا اسلم لاحظت ابوي يناظرني نظرات شينه

ورحت قلت له وش فيك بابا ؟ قال مب كن تنورتك يابنيتي قصيره شوي ؟

وفعلا تنورتي كانت قصيره يعني لمن اجلس تطلع ركبتي

بس وانا امشي لا عادي تغطي الركبه

وجيت انا طبعا برقع السالفه قلت لا والله بابا بالعكس طويله وامطها ابي اطولها والتنوره كانت حرير

زلقت على طول وطاحت

وعماني فيه اللي مات ضحك وفيه اللي صد وابوي تلطم بغترته وقعد يضحك

ومن يومها ماعاد شافو عماني وجهي الا بعزاء جدتي بشهر رمضان هالسنه

لان بصراحه ماكان لي وجه اشوفهم خخخخخخخخخخخخخخخخ

إيه والله موقفي أهون.....

خخخخخخخخخخخخخخخخخخخخخخخخخخ

لوووووووووول اهممم شيييي ثاار من جددد تنرحمين يااحيااتي :D

والا اصاالة تميم كووم ثااااني:p

تسلمووون على المواقف الرهيبه:p ;)

وانا يا كثر مواقفي بس الحين ماادري مااتذكر شي ,,اول مااتذكر بقولكم :p

ههههههه...وش ذا يا ثار..انا احتري تقولين "واحد من عيال عمي كان موجود" ^_____^

=============

كنا في غرفة الخزانات و كنت باحط اغراضي في خزانة و البس جزمتي و اطلع اشوف شغلي...و الا اخونا في الله قاعد يفصخ سرواله -فيه غرف مخصصة لتغيير الملابس بس الظاهر انه ما نتبه لها- قدامي مباشرة و طلع ابو الشبابا لابس كلس انا وجهي صار مثل اللي في الصورة
[IMG]http://www.lucasoman.com/images/funny/wtf.jpg[/IMG]
نزلت راسي، كملت لبس الجزمة و انحشت -____-"

[B][COLOR="Indigo"]انا راح اقولكم عن موقف حصل معي موقف يضحك يا اخواني هذه وانا كنت في سنة ثالثة في الجامعة وفي آخر يوم بالامتحان كان عندنا محاسبة ضريبية ويومها كنت حامل بالشهر التاسع وكنت تعبانه كثير وعندي مغص فنهدت على دكتورة كانت مشرفة علينا وطلبت منها حبوب مسكن للمغص وقلت لها تعبانه جدا حاسة اني راح اولد فراحت الدكتورة تجري علشان تجيب الحبوب وخلاص صار كل الدكاترة والمشرفين رايحين رادين يطمنوا على حالي وكنت كثير تعبانة وبأن بهمس من وقت للثاني وكان جنبي طالب مسكين يمتحن تعب من حالي وما عرف يركز في الاجابة فقام قال امسكي حلبلتك لغاية ما تروحي لا تسويها هنا بالامتحان وصارت اللجنه كلها تضحك علينا الاثنين وبجد خرجت من قاعة الإمتحانات للمستشفى وولدت ثاني يوم وجيبت ولد[/COLOR][/B]

والله المواقف الله يعينكم

تاركه حقيبتها عن باب القاعه من الأدب وحب التقيد بالتعليمات والطامه داخله بالكتاب بكبره ..

والثانيه بتكحلها عمتها يا ليتها ما سوت شي كان ما قطعت صلة الرحم بسبة تنوره .. كل هالمده ما شافت عمانها ..

والثالث مذهول من اللي شافه الله لا يفضحنا والله يستر على الرجا ل اللي شافه ، بس هو صرواله أكيد وألا حق الم.........(عيب) ..

والرابعة مطينتها مره اشغلت هالمشرفين بنهنهتها والمسكين الطالب اللي جنبها يمكن سقط بسبتها ..

لكن موقفي أخف بكثير والحمد لله ، يوم كنت في الصف الثالث ثنوي حسيت بحر ومتضايق من نفسي في الحصه الأخيره ، المهم جيت أحط رجل على رجل يوم لمحت شي أسود تحتي وناظر ألاه قميص النوم ما فصخته ، ومن زود الطبايع أوريه المدرس ..

أنا الي عندي مواقف قسم بالله تسجل بكتاب

بس المشكله كل واحد أطين من الثاني وأستحي صراحه أقولها علشان كذا رديت ليعلم مروري من هنا فقط وقراءتي لخبالكم لا عدمتكم أما ذكر المواقف فلن أذكر

شكراً ميرسي ثنكيو ثريما كاسي

[CENTER]أما أنا عندي لكم موقف مضحك
مرة واحنا رايحين لحديقة الخور في دبي وكان فيها مدينة ثلج وكانت يعني فيها أشياء تصاميم فنية وحركات
رهيييببة المهم كان فيه زحليقة ثلجية وماتقدر تتزحلق عليها الابشي كذا زي الاسفنج المهم
أنا جيت ابغى اتزحلق واخذت الاسفنجة اللي معي واتزحلقت بس مامداني اجلس زين قبل لااتزحلق فكنت نصي جالس على الاسفنجة
والنص الثاني على الارض المهم كان فيها دحديرتين الاولى مرت بسلام والثانية نشبت فيها واحاول احرك
نفسي ماقدرت واخواني كانوا قاعدين يضحكون علي ولما شفتهم غشى علي من الضحك وكل ماحاولت اقوم اطيح من الضحك والثلج جمد ايديني وابوي يحاول يطلعني بس ماكان فيه فايده واخواني ميتين من الضحك ولااحد عطاني وجه المهم بعد مامت من الضحك ويديني قلبت زرقا
وبعد طلعت الروح طلعت :p :p[/CENTER]

بصراحه تسلمين يا اصاله على الفكره الرائعه

اما انا موقفي غير :mad:

في رمضان اللي فات كان الفطور في بيت اختي وبعد ما أفطرنا وعينا من الله خير , وصلينا العشاء

( طبعا كان فيه اهل زوجها)

دق زوج اختي وقال والله الوالد يبغى يسلم على امك خلي اخواتك يطلعون او يتغطون

(وابوه رجال كبير في السن يعني لازم احد يمسكه ) عشان كذا هو ناداها

انا واخواتي تعيجزنا نتغطى , وقلنا للوالده بما انك لابسه العبايه وقاضيه روحي انت وسلمي

فجأه وبدون احم او دستور الا اختي مدخلته (على بالها متغطين) وعينك ما تشوف الا هالي

مناقزين على الاقل هم كانوا جنب بعض وتغطوا بشرشف الصلاة اما انا فكنت على كنبه

بدايتها باب المقلط (اللي داخل معه) ونهايتها باب يودي على قسم الرجال وكان مسكر

واتوزا من عند الباب المسكر ويوم انه انفتح وانحشت للمقلط (طبعا له بابين) ابسكر الباب

اللي عنده الشايب وكلما اسكره يدفه بعصاته >>>توهقت :rolleyes:

في هذه الاثناء ادق على اختي ابقولها اذا جت تطلعه تدق ,وما أدري الا ورجل اختي

داخل من الحوش والا انا في وجهه >>>>>>>> جيت انحاش من الابو جاني الولد :eek:

واللحين اقول مار الابو ماكان يشوف زين ليته هو اللي شايفني :o

خخخخخخخخخخخخ :)

أجل مناقز خخخخخخخخخخخخخ :)

ياكوكوبوبو طاااااااااااااااااط

<<<<<<<<<<<<ناشب يبي يسوي إزعاج:)

شكرا اصالة تميم على الفكره

أما أنا موقفي كان عندما سافرت للدراسه الى بريطانيا وبالتحديد في مدينه اسمها اكستير فقلت خل اسكن عند عائله على شان اتعلم بسرعه المهم الجماعه رحبو فيني وقعدنا نتكلم عن الاسلام وعن المسيحيه طبعا انا عندي خلفيه بالانجليزيه على خفيف وبعض المرات أصير من جنبها المهم كانو يتكلمون عن واحد سعودي كان ساكن عندهم ماراح الا من شهر ويقولون انه يسوي حركات ودايم يروح للحمام ويغسل وانا عرفت انهم يقصدون يتوضا ويصلي واللي يبغون يوصلونه لي ان الرجال السعودي كان يغسل رجلينه بالمغسله ما أدري وش لون اكتشفوه بس ما أطول عليكم يوم جاء الصبح وقمت اتوضاء وأنا أرفع رجلي أبغسلها بالمغسله وأطيح طقم أسنان العجوز كانت حاطته على المغسله ويوم قضيت غاسل رجلي اليمنى وانزلها وأرفع رجلي اليسرى وأسمع طقطقة طقم الاسنان واثري وطيت عليه يوم غدا ماله معالم من قوة الوطيه والمشكله اللي تخلي الواحد يغسل رجلينه بالمغسله ان الحمام مفروش ولاعندهم شطاف يعني الله يكرمكم مافيه الا مناديل والمروش مافيه الا دش وثابت يعني الواحد لاجاء يغسل رجليه لازم يغسل راسه قبل يعني يتروش المهم شلت طقم الأسنان بمنديل وحطيته على المغسله على أني أبعلمها لاقضيت من الصلاه يوم دخلت غرفتي واسمع الحلطمه واثرها دخلت الحمام عقبي وشافت الفرش رطب والطقم مكسور وكل اللي كانو خايفين منه صار وزياده يوم صليت طلعت وأنا في غاية الحرج وقلت لها أنا أسف وقلتلها اللي حصل بالضبط وانا مسلم ولابد أتوضأ وأصلي ولامن طريقه لغسل الأرجل الا بالمغسله واللي تامرين فيه أنا مستعد قولي لي بكم الطقم وانا أعوضك أحسن منه .
تدرون وش قالت: قالت تعجبني صراحتك والتزامك في عقيدتك وصارت علاقتنا ممتازه جداوالى الآن كل شهرين أو ثلاثه تجيني رساله أو مكالمه منهم وأرسلت لهم كتب عن الاسلام وعن عاداتنا وصور عن الحرمين وكانو معجبين بالدين الاسلامي
ولو كنت متمكن بالشريعه والحجه القويه وحافظا للأحاديث ربما لكانو الان مسلمين .
ولكن للأسف اني كسره بالحفظ .
آسف على الاطاله ولكن الموقف يتطلب ذلك . شكرا لكم

سناعيس أحلى موقف

لبى قليبك وأن شاء الله ربي يبارك في صدقك ذيك المرة ويسلمون ويقبل دعوتي هذي ربي ويشركني معك في الأجر

احكي لنا موقف محرج صار لك ...
 

[CENTER][COLOR="Purple"][FONT="Tahoma"]السلام عليكم و رحمه الله و بركاته ...


هلا اخباركم عساكم طيبين و مرتاحين ؟؟؟

مممممممم

اكيد كلكم مريتوا بمواقف محرجه و عمركم ما تنسوها :D

كل حد مر بشيء يذكر لنا موقف ...

و يضحكنا معاه .........


الامورة[/FONT][/COLOR][/CENTER]

رد على: احكي لنا موقف محرج صار لك ...
 

الفاضله الأموره
يوجد موضوع مشابه لموضوعك في قسم الدردشه وسعة الصدر ياليت لو دمجتيهم سواء
وعلى العموم هذا الموقف طريف ومحرج بنفس الوقت حصل لي
.
[url]http://www.fatahilah.com/showthread.php?t=1337&page=2[/url]

رد على: احكي لنا موقف محرج صار لك ...
 

[QUOTE=سناعيس]الفاضله الأموره
يوجد موضوع مشابه لموضوعك في قسم الدردشه وسعة الصدر ياليت لو دمجتيهم سواء
وعلى العموم هذا الموقف طريف ومحرج بنفس الوقت حصل لي
.
[url]http://www.fatahilah.com/showthread.php?t=1337&page=2[/url][/QUOTE]


كويك

تامر امر

شكرا لك

رد: احكي لنا موقف محرج صار لك ...
 

ياحليلكم انتم ومواقفكم من جد وسعتو صدري اضحك لحالي والله ودي اشارككم بموقف بس ما اذكرشي الحين لي عوده اسمع مواقف جديده قولو تم تسلموون حبايبي لاهنتو

استمتعت بالقراءة
شكرا جزيلاً
تحياتي الطيبه