منتديات الفطاحله - قصيدة من العيار الثقيل موجهه لشاعر ثقيل وهو منصور الرويلي

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

قصيدة من العيار الثقيل موجهه لشاعر ثقيل وهو منصور الرويلي

[poem=font="Simplified Arabic,6,white,normal,italic" bkcolor="green" bkimage="" border="double,9,black" type=2 line=0 align=center use=ex num="0,black"]
يالــرويـلـي ياعـزيـزن بالـغـمـام ابـداعـه=ويـش قولك في نصيـبـن في طبوعـه مالـي
انت بـيـطـار الـقـوافـي لا لويـت ذراعـه=ضاق يامنصور صدري والســبــب عذالـي
لابغيت انسى عـشـيـري بالخلا لـو ساعـه=ماتركني طيف خلي فـي خـلاي الخالـي
من يـفـكـن مـن طيوفـه او يعـرف اقناعـه=لاجل انام ولو دقايق فـي فراشـي سالـي
والبـلاء نـفـسـي قـبـالـه دايـمـن مطواعـه=وهي تعرف انه سبايب كل حوسـة بالـي
قلت له هـذي سبايـب عـلـتـك واوجــاعـه=ماسـمـعـتي نصـح زيـد ومرشـد البذالـي
قالت افـطـن للمـطـوع كيف روحـه ضاعـه=لين مـات لـعـيـن خـلـه ماشكـى للوالـي
والدجـيـمـا صـان حبـه صابـرن ماباعـه=وصب ناره في بـيـوتـن تشبـه الزلزالـي
والـنـفـيـعـي شـف عروقـه بالمحبـه ماعـه=وبالعواشق من يدوهج عن ديـاره جالـي
لاتـحـسـب الروض دايـم زاهـي مرباعـه=بـه مـحـولـن بالمحـبـه تجلـب السلالـي
اعـمـل حـسـابـك تجـرب نارهـا بانواعـه=لين تـبـعد لاجـل تستـر دمعـك الهمالـي
قلت اجل دام المحـبـه لـه جـروحـن ذاعـه=ومات منها ناس قـبـلي ليش نشكـي حالـي
من عـنـودن يالرويـلـي ذايـرن مـرتـاعـه=تزبن عن الخوف رجـمـن في سماها عالـي
يجـفـله غـصنـن تـحـرك لاسـرى ذعذاعـه=او سجع راع العشايـر بالهـوى موالـي
تخـتـفـق خـيـفـة شجاعن من خطيـر سباعـه=او رصاصاتـن تسوقـه بنـدق الزمالـي
عـيـنـها عـيـن الحبيبـه والطبـاع طـباعـه=فرقها المسفع وثوبـه والغطـاء والشالـي
مع نـقـوش الزين كله تسحـرك باصباعـه=او رموشن مـن هـدبـهـا عينهـا بظـلالـي
او ردوفـن بالـمـسـيـر لـثـوبهـا شـلاعـه=يرتفع لو هو طـويلـن زاهـي الـتفـصالـي
ذبحـتي ريحـة جـسـدهـا ريحـة النـعـناعـه=ولو تذوق الريق ريقن فـي مذاقـه حالـي
عـنـدلـن مـنهـا حـيـاتـي دايمـن ملـتـاعـه=وصرت يامنصور منها في جحيمن صالي
لو تجـيـبـه لي وجاهـه والذهـب واطماعـه=كان اسوق لشوف عينه حيلتـي واموالـي
بس درب الزين عاضب ماعرفت اسناعـه=مع دروبن فـي حـيـاتـي صعـبة المـعدالـي
صار مرماعي بعيدن عن هوى مرماعـه=مـثـل فـرق اللي رحـيـل وصاحبـه نزالـي
كيف كل انصاف حظي ماتـنـول ارباعـه=وهي عـقـوبة من يطـارد من ثمنهـا غالـي
اوجس بصدري جحـيـمن تلتهـب باظلاعـه=مـن عـقـودن يـالـرويـلـي مـالـهـا حـلالـي
مثل مـضـروسـن يـلولـج مالـقـى مقلاعـه=وكل ضرسن ذقـت ناره لازمـن يـنـشالـي
ومثل من يـفـقـد وحـيـدن بالـبحـور شراعـه=والبحر هـايـج ومـوجـه للـعـقـول هبالـي
من عشق يصبح سهيرن فوق روس اكواعه=وفي نـهـاره مع ربوعـه يـشـكـي الولوالـي
لـيـت يامـنـصور روحي للـعـرب منصاعـه=تايـبـن عن حمل غيـري مـكـتـفـي باحمالـي [/poem]

[align=center][size=5][color=#00008B]
المطوع هو عبدالرحيم المطوع التميمي الذي مات من العشق في نقى المطوع الذي سمي باسمه0 وهو القائل:

الاقفى جزاء الاقفى ولا خير في فتى000 يتبع هوى من لايريد هواه

الدجيما هو عبدالكريم الدجيما العتيبي الذي مات عشقا وهو صاحب قصيدة:واجر قلبي جر لدن الغصوني000

وغصون سدرن جرها السيل جرا000

النفيعي هو عيضه النفيعي العتيبي مات عشقا والقائل:الا واهني اللي اليا من بلي صبر00 صبورن على الفرقا

الياغاب مظنونه00[/color][/size][/align]

رد: قصيدة من العيار الثقيل موجهه لشاعر ثقيل وهو منصور الرويلي

تعاد الأحد 2 سبتمبر

رد: قصيدة من العيار الثقيل موجهه لشاعر ثقيل وهو منصور الرويلي

ابو عبدالله

اعتقد ان الفارق الزمني بين المشاركات يجب ان يكون اكثر من 3 ايام

واقترح 7 ايام او 10

رد: قصيدة من العيار الثقيل موجهه لشاعر ثقيل وهو منصور الرويلي

كتبت فأبدعت في الوصف والحرف

تألق عانق عنان السماء

رد: قصيدة من العيار الثقيل موجهه لشاعر ثقيل وهو منصور الرويلي

كلمات رائعة

الله يعطيك الف الف عافية

ولك منى فائق التقدير والاحترام

رد: قصيدة من العيار الثقيل موجهه لشاعر ثقيل وهو منصور الرويلي

صح لسانك مليون ولايكفون
كعادتك شاعرنا القدير/الراوي ابن غسلان
الابدااااااااااااااااااااع :
ولا غير الابداع أجده في هذا النص
وكل نصوصك الشعرية الجميله
وبإنتظار رد أبو نايف
وتفضل بقبول تحياتي
أخوك / بن ماضي

رد: قصيدة من العيار الثقيل موجهه لشاعر ثقيل وهو منصور الرويلي

كلمات جميله و اسلوب راقٍ

سلم فكرك الرائع و بوحك المميز