أفضل وأمتع وقت لديك
 

هنا على الجميع طبعا اللي يبغى لأننا هنا ديمقراطيين :cool:
كل عضو يقول وش أفضل وأمتع وقت لديه وعلى شان تستمتع وش لازم تسوي في حياتك اليوميه الاعتياديه

طبعا أنا أببدأ بنفسي على شان توضح الصوره للجميع:confused:

بالنسبه لي أمتع وقت عندي وبالذات في هالشتاء
أني اشتري أبو فروه ;) كلكم تعرفونه ( كستناء ) وطبعا عندي الدفايه
وأشوي عليها واقشر واكل وأنا أشاهد وأشارككم التصفح في منتدانا
وأستانس:D بعد لالقيت أحد يبدا معي بالمساجل أو الرديه أو المحاوره:)

[COLOR="DarkOrange"][SIZE="3"]خخخخخخخخخخخخخخخخخخخخخخخخخخخخ

حلوة ابوفروة،،،،،،،،،،،،،،،،، ماقد جربته مسلوق:)

شف بعد صلاة الفجر احب امشي عشان اسولف مع روحي

واموت اموت اموت في الشتاء عشان طلعات البر والقنص احب السفر عن طريق البر ايام الشتاء

وتعجبني شبت الضو والسواليف والمقالب اللى تصير في البر خصوصاً اذا كانو منسجمين الشباب في السواليف واكون متفق مع واحد من الشباب نسوي مقلب وخذ ضحك

واحب اسولف مع اللى اعرفه واللى ما اعرفه بالكنود


في الصيف ما احب اطلع من البيت يعني عمل بيت ،،،، بيت عمل


يسرقني الوقت مع الافلام الكومديه والبوليسية والاكشن

كنت احب البلوت بس في يوم من الايام تهاوشت انا وزميل لى وبعدها حلفت ماعاد العبها

طبعا احب النت اضيع وقتي واغسل همومي من خلال الردود على المواضيع

واذا المزاج رايق وعال العال تلقاني في المطبخ مسنتر ،،،،، واذا دخلت ايكيا انسى اني بطلع فاضي تعجبني مواعينهم اهم والسيد والشوكة الذهبية ليه مدري

مدري كذا كافي ولا ،لا:)[/SIZE][/COLOR]

غريب الآه

انا عارف ان فيه أوقات حلوه كثيره في حياتنا لكن
أنا أبغى واحد منها تمارسه يوميا وتستمتع فيه يعني في حياتك اليوميه فقط
على شان اللي يشاركون مانتعبهم .

[COLOR="DarkOrange"][SIZE="3"]خخخخخخخخخخخخخخخخخخخخخخخخخخخخخخخخخ

انا جالس اعدل في المشاركه

تئبر البي>>>>>> اقراها بالبناني تخبر الوالده مصرية:)[/SIZE][/COLOR]

والله لا ني عارف ابو فروة ولا الكنود ..
امتع الأوقات عندي لما اصك لي بيعة طيبة ، واشوف الدراهم زادت ..
بر .. ما بر...ضو ... بلوت ... هذي بالنسبة لي مرحلة عدت من زمان ،
كنت احب البحر وانا اتسدح على الشاطئ مع خلق الله ، لكن الظاهر مع كثرة
اسفاري في الماضي ، وما فيه ديرة إلا رحت لها ، حتى السفر هالحين طلع مع خشمي لدرجة لي أكثر من 12 سنة ما سافرت. لدرجة اني شريت شقة في القاهرة ومن ذاك الوقت مادخلتها ، العيال يمكن استفادوا منها بعض الشئ فقط .

[COLOR="DarkOrange"]وش عليك اللهم لاحسد ابشرك مع دحدرت السوق امس واليوم خسرت كل شي يعني مولاي كما خلقتني:)

ابوفروة اللى يكون لونه بني ويشونه الكستناء

الكنود اللى يركبونه في السيارات وفيه موجات ممكن تتفق انت وشخص تكون لكم موجه معينه وهاتك ياحش

يعني تتسلون في الطريق وموصول بمثل جهاز الاسعافات يسمونها الريشه فيها ارقام واذا جيت تحكي لازم ترص على زر

مدري وصلت ولا من جنبها يا ابو عبدالله:)[/COLOR]

قلت لك كم يوم ، يوم تكلمت عن الكهرب ، بع ، لا تنتظر ، ارجع وتلقى توصيتي لك.
بالنسبة لي دائما نصف السيولة على الأقل جاهز للطوارئ ، ولكني ما انتظر اول مكسب
آخذه ولا انتظر ..وامس كانت السيولة بكاملها معي ، وشريت اسهم قليلة ، واليوم شريت شوي
ويمكن بكره وبعده شوي ، ثمٍ انساهن كم يوم ، واصرفهن بمكاسب معقوله.. لو قليلة ..

الكنود وصل ، لكن ابو فروة ما بعد ، يمكن له اسم آخر ..

أبو فروه يامشرفنا اسمه المتعارف عليه شعبيا و اسمه العلمي الكستنه أو الكستناء وهو على فكره مفيد جدا ولا يحتوي على دهون كثيره وليس له أي مضار وبامكانك أن تستخدم قوقل وسوف تعرف الكثير عنه وهويؤكل مشويا أو مسلوقا أو مطهيا وفي القدم يسمى غذاء الملوك ويوجد الآن بكثره في محلات بيع الخضار والفواكه انت ماعليك الا تقول أبي أبو فروه وبيعطونك اياه وجربه وادعي لي .

ماتلاحظون انكم قلبتوها دردشه تداول
لكن بالمناسبه يقولون انهم شالو جماز السحيمي وحطو بداله آل الشيخ هل هو صحيح .

يالله أتركو عنكم الأسهم وعطونا طلبنا .

[COLOR="DarkOrange"]انا اشهد انك قلت بس وش نسوي العنيد عنيد

اكيد انك جيت العزيزية اللى بتخصصي وفي قسم الخضار ماشفت شي بكيس اخضر مشخل

فيه شي بني تقل سنه بندق بس كبير

مثل البندق بس انه ماهو بقاسي واجد اذا شويته يطرطع ويتفكك فيه ناس يحبونه مسلوق

اهل الغربية يسمونه ابو فروة والرياض كستناء او كتان

مدري وصلت ولا لا:)[/COLOR]

مشكور اخوي سناعيس على الموضوع


انا افضل وقت

اذا دخلت المنتدى الظاهر اني ادمنت عليه ما اصدق
متى اخلص ويسمح لي بدخول المنتدى واتنقل بين مواضيعه واقسامه :)



وشكرا لك

يقول سناعيس خلونا من الأسهم ، وهو رايح يركض
وراء اشاعة تغيير جماز السحيمي ، على فكرة انت الآن ماسك هامور مع اي سهم؟؟
لأنك بعد ما جيت ذاك اليوم ورشيت السهم اللي انا ماسكه ، كنت تعتقد إنه طاح ،
ما دريت إنه جايني الخبر عن نيتك قبل ما ترش ، واتخذت الإحتياطات اللازمة..

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ا شب ضوّي على طعموس=باعواد رمث(ن) مجمعها
مع وجه خير(ن) مهو منحوس=وحلو السواليف نسمعها
مع غيبة الشمس بين طعوس=والليل توّه مودعها
ثم احكر الشاي حكر بقوس=مع طبخة البن اسنعها[/poem]

ابو فروه هو المارون قلاسيه

وانا احلى الاوقات عندي تبدا اذا كان يومي من بدايته حلو بااني اهم شي اكون نايمه كويس واعصابي هاديه بدون اي مشاكل ولا تعب ولا ضيقة صدر :p

اكثر شي اسويه اذا كنت مروقه اتفرج على التلفزيون او اجلس على النت :P

مشرفنا
أخاف أتكلم في الأسهم تحوم كبدك لكن بغيت أعلمك ان اللي رش ذاك اليوم ماهوب أنا تراه اللي أنت وكلته على محفظتك الثانيه هو اللي نكبنا أنا وياك

أما أنت يابو أنس يومك تصور لنا هالصوره شكلك تبينا ناخذ اجازه ونعيش ماصورت في قصيدتك واقع
عموما صح لسانك وعزالله انك جبتها

كل الأخوان والأخوات اللي شاركوا شكرا لكم جميعا واللي ماشاركوا ياليتهم يشاركون تراها الدعوى فضفضه

[COLOR="Green"][SIZE="3"]أفضل أوقات وأجملها وقت مابعد الصحيان (الظهر)وأتناول وجبتي المهمة جدا جدا واللي تونسني في بداية يومي
القهوة العربية المزعفرة مع نوعي المفضل من التمر ،طبعا مع وجه سفر ياالوالد ياالوالدة وهات ياسواليف تنعنش
ويليه في الجمال حين أنطلق للطبيعة بخضارها وهواها البكر ...
--------------------------------------------
مشكور أخوي / سناعيس
وهذانا شرفنا موضوعك وحليناه:)
ألف شكر لك[/SIZE][/COLOR]

أمتع وقت عندي >>>>>>>>>>>والله أحترت
فترة العصر علشان هي وقت الرائحه بالنسبه لي (النوم)
وفترة فتح المنتدى وشكلي أنا بعد أدمنت عليه



وأمتع أمتع لحظات عندي إذا شفت فيها أبوي وأمي مبسوطين وبصحه وسلامه

ومتع وقت عندي بعد وأنا أكل خخخخخخخخخ

امتع وقت عندي بالليل اذا جلست بالظلمه قدام التلفزيوم واسترجع شريطي اليومي واظحك شوي واخطط شوي واعدل شوي واقرر كثير ^_^

اما امتع وقت عند صياف صعب مره انكان اللي بالاحمر

اما انا فامتع وقت عندي ما اشوفه لاني اصير نايم
بس بشروط ما اصير مزكوم والا المخدة رفيعة عشان ما اشخر وانكتم
ولو اني بعض الايام (ابحل=ابتلش)بيديني مادري وين اوديهم

اني بعض الايام (ابحل=ابتلش)بيديني مادري وين اوديهم


هههههههههههههه والله انك صادق

يا كثر ما تصير هالحركه ما ندري وين نحط يدينا ههههههههه

يعطيك العافيه :)

اما انا فامتع وقت عندي ما اشوفه لاني اصير نايم
بس بشروط ما اصير مزكوم والا المخدة رفيعة عشان ما اشخر وانكتم
ولو اني بعض الايام (ابحل=ابتلش)بيديني مادري وين اوديهم


اللهم لاحسد كل هذا خوف من العين يابوزياد

ماودك تقول بكيفك لكن لاتغير الموضوع وأحسن شيء للحاله هذي هي انك تنام بمهاد

تحياتي

امتع وقت عندي بعد الساعه10ونص بالليل

احب اطلب لي اكل واقعد اقابل التلفزيون

وافضل يوم الثلاثاء عشان ام بي سي تو فيها فلم مرعب

احسنت
ولاهنت
تحياتي

جزاك الله خيراً
على ما افدتنا به
ودي واحترامي

مشكور
على جهودك الطيبه
تحياتي

مشكور
على جهودك الطيبه
تحياتي

رد: أفضل وأمتع وقت لديك
 

[color="slategray"]بالنسبه لي كان امتع وقت لي

اهو يوم الأربعاء لأنه جمعتنا انا وخواتي عند الماما

من جد افتقدت هالشئ

اما بهيوستن،،مااحس بمتعه يوميه ممكن بالويك اند ومو دايم استمتع بالطلعه

اذا فيها اكشن واااو
[/color]