عطلتنا في ربوع النعيرية
 

[size=4][size=5]السلام عليكم ورحمة الله وبركاته
انا اليوم جايبة لكم قصة جديدة حقيقية..بس مو أي قصة
لان احداثها تدور في منطقة "النعيرية"....بالسعودية....
هذي الرحله كانت في اسبوع العيد الوطني وعيد التحرير لدوله الكويت في سنه 2007شهر فبراير

البداية

قررنا في هذي الرحلة إنا نسافر للسعودية عشان نخيم مع عماني كالعادة في كل سنه....في بداية المشوار كنا مقررين إنا نسري بالليل بس أبوي الله يحفظه رد تعبان وأجل السفر لليوم الثاني"ويا ليته ماأجله":(
المهم عماني سروا بالليل ووصلوا للنعيرية الساعة 4 الفجر
بس إحنا عقب ماحملنا الأغراض بالسيارة مع الخيام نمنا............لما قعدنا الساعة6 الصبح توكلنا على الله ومشينا
لما وصلنا منفذ النويصيب" بين الكويت ومنطقة الخفجي بالسعودية....انصدمنا....لأن أغلبية أهل الكويت مسافرين للسعودية بعد.... وصرااااحة كان زحمة....الناس هجيج للسعودية كأنهم منحاشين..خخخخخ:D
إحنا طبعا تنقعنا....بالمركز من الساعة 7 الصبح إلى الساعة 5 العصر....واقسم بالله العظيم اني ما بالغ...كان يوم مو طبيعي:mad:
أنا وأمي وأبوي وخواتي الصغار منحشرين بالفان مع الإغراض....بس اختي وأخواني الثلاثة"عسى ربي يحفظهم: مرتاحين لآخر درجة بالمرسيدس...وأنا ابتلشت بالورعان....
المهم بعد ماطلعنا من المراكز....مشينا للنعيرية ووصلنا لها أنا بالضبط ماأذكر الساعة جم؟؟
لما وصلنا كانوا عماني في استقبالنا ولما يسلمون علينا يواسوووونا بعد الغثة اللي حصلنا عليها:confused:
وقعدنا نبني الخيام...صح كان ظلمة شوي بس بنيناهم
المشكلة الكبيرة اللي ابتلشنا فيها" خاصة احنا البنات" ان هالسنة أهلنا ماجابوا الخدامات معانا بسبب الفيزا
من الصبح نقعد نخم الخيمة ونسوي الريوق وبعد الغدا كل البنات يتوجهون للتنكر عشان نغسل المواعين والله اشكالنا تضحك....خااااااااصة لما يمرون عماني...ويضحكون علينا بالذات عمي الصغير الله يهداه كان يقول
"" يالله ياخدامات غسلوا واشتغلوا عدل والا اقطع عنكم المعاشات" وحنا في حال لا نحسد عليها" مصخررررة":mad::mad:
ولا البلاااا لما يجون عيال عماني ويتطنزووون علينا ولا بعد كل وحدة فينا مسمينها على اسم خدامتهم...
وانا في حال يرثى لها...كل خمس دقايق داشة الخيمة وأحط الكريم على وجهي وايديني عشان لا يصيرون سمر بس ماكوا فايدة... ?:(
لما تصير الساعة 4 العصر نتجمع لانه وقت الراحة لنا وناكل بطاط كتكو مع بيبسي مع كاكاو والا حلاو
ولما يأذن المؤذن نبتلش بالوضوء لان الماي بااااااااارد حيل....بعد صلاة المغرب نتجمع كل يوم عند وحدة والبنت الجيدة اللي تزين الخيمة وتحط القهوة"اهم شي" والجاي والفصفص والبسكوت والحلويات من شتى الانواع ونسولف ونصور...ونعلق ونسوي مقالب.....:D

المهم ثاني يوم رحت أنا وأختي اللي اصغر مني نطلب ابوي وانترجاه عشان يخلينا نسوق السيارة...وبعد الحاح طويل وحنْه...وافق ابوي....ورحنا بجولة ع المرسيدس...كنت انا الاولى ولما جاء دور اختي قلت حق ابوي ينزلني عند المخيم لما نزلني وراحوا....لقيت بنات عمي يدوروني صارلهم ساعة لأنهم بيروحون لسوق النعيرية
رحت بسرعة للخيمة ولبست عبايتي ونقابي وأخذت فلوس من امي ورحت مع عمي اللي مودينا ع السوبر وأنا والبنات كلنا قاعدين ورا....وعمي والحريم جدام
لما وصلنا السوق ابتلشنا لأنا لازم ننزل من الباب الخلفي....والسوق كان كله شبـــــــــاب....كان موقف محرج واحنا ننزل من ورا خاصة اشكالنا لأنا 10 بنات
واحنا ننزل كان في شباب واجد بسيارة ورانا وفي واحد منهم يصورنا
بس احنا لفينا وجيهنا وما عطيناه فرصة
..
المهم....احنا قعدنا نتحلطم وكنا معصبين وكل وحدة فينا تقول:ياليتني مارحت

بعده دشينا السوق....اللي كأنه سوق الجمعة...وكل ماجينا عند هندي قعدوا بنات عمي يكاسرونه على السعر ولما يوصلون للسعر اللي يبونه ينحاشون....لأنهم مايبون يشترون شي...."حراااام مو كاسر خاطري الا الهندي"
وصراااااحة السوق مو شي ولا اللي زاد البلااا هالشباب اللي مايستحوووون....ولا في بعضهم كبير كبر ابوي...يغازل...الحمدالله والشكر الله لاتبلانا
بعد ماخلصنا من التجول في السوق الباريسي ردينا للسيارة....بس توقعون وين كنا نمشي؟؟؟؟
بنص الشارع....خاصة احنا واجد وزود علينا حريم عماني....ولفتنا الانتباه....وبعدين مشينا وحدة ورا وحدة كأنا طابور بالروضة....كنت انا قبل الاخيرة....فجأة والبنات وهم يمشون مروا جدام جيب وكان في واحد داخل الجيب وكل مامرت وحدة اللي داخل الجيب يتكلم....لما جا دوري امر جنب الجيب توقعوا من داخله؟؟؟
كان رجال مطوع وجنبه شرطي...قال لي المطوع: لو سمحتي ياأختاه المشي على الرصيف
اول ماقال لي الكلام والله العظيم تفشلت...وبنت عمي لما كلمها المطوع من زود الخرعة قالت له شكرااااا...خخخ
وبعده رحنا لأحلى سوق بالنعيرية......ســـــــــــــــوق المواعين" عشق كل عجوز...هههههه
وبعده ردينا للمخيم وحصلت زفة من اختي لاني رحت وماعلمتها
لما جا بالليل ماكان فينا نوم وكان ودنا نقعد في وحدة من الخيام....بس أهلنا ماجابوا خيمة زايدة...وعمتي الله يجزاها خير....سوت لنا من بقايا بعض الخيام مكان دائري مفتوح على طرف عشان الباب ومغطينه بكنبل بس مو مغطى من فوق عبرنا فيه لآخر يوم
كنا نشوي فيه وكل وحدة تفنتك بالأكل اللي تجيبه
كانت بنت عمي تجيب لنا قهوة فرنسية" الله يهداها تالي الليل قهوة تبي تطير النوم عنا"
وورق عنب ونشوي دجاج ولحم ونقعد نسولف وخططنا للمخيم بعد 5 سنوات وشلون راح يصير
وهذي حالنا كل ليلة
في آخر يوم كانوا عماني رايحيين للسوق عشان يشترون فقع ولما ردوا لقوا عيالهم" الشباب" معفسين الدوانية والمواعين مو نظيفة وقاموا عليهم وزفوهم.....لما كنا احنا"البنات " نتمشى...شفناهم يغسلون المواعين....ماصدقنا؟؟؟
رحت بسرعة للخيمة عشان اجيب الكاميرا.... خذتها بنت عمي مني ونادت اخوها وقالتله: كومـــــــــــــار:D:D
لما التفت شاف معاها كاميرا وانحاش
قالت بنت عمي بصوت عالي: ابتسمــــــــــــــوا للكاميـــــرا... وصورتهم كانوا واجد بس اكثرهم انتبهوا وانحاشوا ماصورنا الا اثنين:cool:...........المهم انهم تفشلوا
بعدها ردينا للكويت وكنا خايفين من زحمة المراكز بس انصدمنا وطلعوا فاضييين "اشواااااااااا"
وردينا لديرتنا الحبيبة الكويت بعد مااستانسنا بالعطلة..........وردينا للدراسة من جديد... ?


بس صراااااااااااااحة كانت من أحلى الرحلات اللي سافرتهم للسعودية....مع اني رايحة السعودية مليون مرة
هذي القصة باختصاااااااااااااار وكتبتها لكم

وأنتظر ردوودكم وتعليقاتكم ونقدكم....

وشكرا....تقبلوا تحياتي
عنـــــــــــــود الصيــــــــــــد[/size][/size]

رد: عطلتنا في ربوع النعيرية
 

[QUOTE=عنود الصيد;380819][size=4][size=5] [size=4][align=center]لما تصير الساعة 4 العصر نتجمع لانه وقت الراحة لنا وناكل بطاط كتكو مع بيبسي مع كاكاو والا حلاو[/align][/size]
[/size][/size][/QUOTE]



[align=center]
[color=#800080]>>تفكر في بطاط كتكو :D

عنود يعطيك العافيه يالغلا
عشت معاك جو الرحله

وأكيد أحلى شيء بالرحلات مثل كذا المواقف اللي تصير فيها
والمقالب مره شيء
وكل رحلة وانتي بخير [/color][/align]

رد: عطلتنا في ربوع النعيرية
 

[size=5][color=#FF1493]انا اعجبنى اسلوبك فى سرد القصة حسيتك قاعدة قدامى تكلمينى
روح مرحة ههههههههههههههه اعجبنى وخاصة كومار يستاهلوا هههههههههه


متابعه للاحداث
ما طلعتوا السنه فى العيد الوطنى من كم يوم بانتظار الجديد يا حلوة


صعوبة[/color][/size]

رد: عطلتنا في ربوع النعيرية
 

هههههه....مشكور ع التعليق..والله ماحصلنا الا على هالبطاط.هههههه

رد: عطلتنا في ربوع النعيرية
 

متابعه للاحداث
ما طلعتوا السنه فى العيد الوطنى من كم يوم بانتظار الجديد يا حلوة



[color=#FF1493]
لا والله ماطلعنا هالسنه مافضينا مشغولين في بني البيت.....حسااااافة:(....كنا ناطرين العطلة على احر من الجمر بس شنسوي السنه الجاية ان شاء الله:D[/color]

رد: عطلتنا في ربوع النعيرية
 

[size=6][font=Comic Sans MS][color=#800080]العنود
أسلبج متميز في السرد

بس اخلا شي سوق المواعين ماادري ليش النسوان تموت عليه ,,[/color][/font][/size]

رد: عطلتنا في ربوع النعيرية
 

شفتي شلون يحبون هالسوق......عندهم هالحب بالفطرة سبحاااان الله:d

رد: عطلتنا في ربوع النعيرية
 

ابدعت بارك الله فيك
وبالحيل استمتعت احبالقصص الواقعيه
شكرا لك

رد: عطلتنا في ربوع النعيرية
 

مشكووووووووور أخوي....

رد: عطلتنا في ربوع النعيرية
 

عنود الصيد

شكرا على القصة

وكنت اتمنى انكم تروحون يم السعيره او تروحون يم حدى الفياض اللي بالصمان

عشان تستانسون اكثر


بس مالحظتي ان برنا يختلف عن بركم بعض الشي

ماعندنا بنشرجيه ،،، ولا كهربجيه،،،، ولا فيه هارديز:)

على العموم رحلة سعيدة وموفقه ولا تنسينا السنة الجاية تخبرين الربيع السنه

لك عليه

رد: عطلتنا في ربوع النعيرية
 

ياهلا ...اي بلى احنا كنا مخيمين بالصمان قبل 4 سنوات صراااااحة على قولتكم حلووووة مرة....الظاهر انك تعرف الكويت عدل خاصة البر اللي عند المطاعم و "النويصيب" الكويت حلوة والسعودية بعد حلوة....مشكور ع الرد

رد: عطلتنا في ربوع النعيرية
 

يسلموا على القصة

ابداع وانشالله تزورون السعودية السنة الجاية مرة ثانية وخصوصا منطقة النعيرية

بس ليه مازوتوا الطايف والباحة ولا لانها بعيدة

رد: عطلتنا في ربوع النعيرية
 

هلا بصديقتي العزيزة على قلبي ملاك...انت تدرين اني زرت السعودية...وخاصة المناطق اللي ذكرتيهم أكثر من مرة....بس مابقى الا انكم تزورونا بالكويت...وحياكم الله

رد: عطلتنا في ربوع النعيرية
 

[color=#000000][font=Simplified Arabic][size=4][align=center]


عنود آلصيد ..؛
قصة جميلة لـ آخر درجة و فكآهية : ) ..؛
شكر1 لك على هيك طرح ..؛
ننتظر آبدآعك ..؛

[/align][/size][/font][/color]

رد: عطلتنا في ربوع النعيرية
 

مشكووووووووووور أخوي وكلك ذوق

رد: عطلتنا في ربوع النعيرية
 

وينكم ياأعضاء المنتدى؟؟؟

رد: عطلتنا في ربوع النعيرية
 

[size=4][COLOR="DarkOrange"]عنـود ،،

اخيتي في الله

صراحه قصه حلوة

و الاحلى الطريقه العفوية

اللي انكتبت بها

الف شكر لك

دمتي برعاية الخالق[/COLOR][/size]

رد: عطلتنا في ربوع النعيرية
 

مشكووووووووورة ياأحلى امورة....

رد: عطلتنا في ربوع النعيرية
 

[size=4][color=#008080]عنود الصيد

استمتعت هنا بما وجدت
من أسلوب روائى سلس و طبيعى

سلمت يداك و دام لنا إبداعك[/color][/size]

رد: عطلتنا في ربوع النعيرية
 

شكرا لكم...وعلى مروركم
تقبلوا تحياتي
عنود الصيد

رد: عطلتنا في ربوع النعيرية
 

امممممممممممممم

رد: عطلتنا في ربوع النعيرية
 

[font=arial black][size=4][color=slategray]ههههههههههههههههههههههههههه[/color][/size][/font]
[font=arial black][size=4][color=slategray][/color][/size][/font]
[font=arial black][size=4][color=slategray]يالبيه جد..انبسطت مهاك بالقصه[/color][/size][/font]
[font=arial black][size=4][color=slategray][/color][/size][/font]
[font=arial black][size=4][color=slategray]ويكفيك جمعه البنات تغطي عليك اى تعب[/color][/size][/font]
[font=arial black][size=4][color=slategray][/color][/size][/font]
[font=arial black][size=4][color=slategray]تسلمين يالغلا..[/color][/size][/font]

رد: عطلتنا في ربوع النعيرية
 

العفووووو ولوووو
أنا أشهد هههههههههه يالبى قلبنا يالبنات ههههههههههه

رد: عطلتنا في ربوع النعيرية
 

الحقيقة لأنا أعيش آلان بالنعيرية
ويا لها من مدينة جميلة رائعة المنظر معتدلة المناخ
واجمل ما فيها أنها خليط لا تدري كيف تفرق بين الأجناس إلا باختلاف لهجاتهم
رحلة موفقة والمرة الجاية تنزلون ضيوفا علينا

رد: عطلتنا في ربوع النعيرية
 

[font="comic sans ms"][size="5"]ههههههه
رووووووعه هالرحله ربي يعطيك العافيه
ويتمم لكم بالمتعه الدائمه [/size][/font]

رد: عطلتنا في ربوع النعيرية
 

ع خير ان شاء الله

وحياكم الله

رد: عطلتنا في ربوع النعيرية
 

يسلمووووووووا عالطرح

تحيتي

رد: عطلتنا في ربوع النعيرية
 

شكرا عنووووووود

اسلوب سلس ورااااااائع

سلمت ودام حرفك