كشكول غريب الآه(بدون ردود)
 

[B][I][CENTER][FONT="Fixedsys"][SIZE="4"][COLOR="SlateGray"]
بدون مقدمات

افتتح صفحة بعنوان [COLOR="red"]رتوش[/COLOR] راح تكون بأسلوبي الخاص وان كان غير معتاد علية في الفطاحلة ولتكن برؤية جديدة و أتمني تكون ذو رسالة هادفة وذو فائدة تعم الجميع

صفحة [COLOR="Red"]رتوش [/COLOR]

لا تلزمني بأي موضوع قد اعبر عن ظاهرة أو عن إحداث وبالطبع [COLOR="red"]رتوش[/COLOR] لن تمس أي عضو من أعضاء الفطاحلة أو تنتقص من أي موضوع مملوك حصرياً للفطاحلة او كتاب الفطاحلة

[COLOR="red"]رتوش [/COLOR]

سوف تكون ضمن الاتفاقية المبرمة بين المشرف العام كطرف أول وغريب الآه كطرف ثاني

[COLOR="red"]رتوش[/COLOR]

سوف تعمل ضمن التعليمات والقوانين اللي سنة في الفطاحلة وضمن المعاير والمفاهيم متماشية مع العادات والتقاليد

[COLOR="red"]رتوش[/COLOR]

سوف تملك الحقوق الفكرية والأدبية المعمول بها في كشولك الخاص وسيكون غريب الآه مسئول مسئولية كاملة وشاملة إمام المشرف العام كونه المالك الرئيسي والرسمي للموقع او من ينوب عنه

يحق لصفحة [COLOR="red"]رتوش[/COLOR]

إن تطالب بحقوقها الفكرية والأدبية إلا إذا كان هناك تصريح معتمد وموثق من المالك الرسمي والرئيسي ل[COLOR="red"]رتوش[/COLOR]

كما تحذر صفحة [COLOR="red"]رتوش[/COLOR] بان اي تعدي على اي طرح خاص بها ستكون هناك مطالبة عبر القنوات الرسمية وحسب الانظمة والقوانين المعمول بها

وان من حق ارباب المنتدى ، ومن حق منتسبي المنتدى ان يقتبسو ولكن مع ذكر المصدر

والله ولي التوفيق[/COLOR][/SIZE][/FONT][/CENTER][/I][/B]

رد على: رتوش
 

[B][I][CENTER][FONT="Fixedsys"][SIZE="4"][COLOR="SlateGray"][COLOR="red"]مسرحية[/COLOR] : المسرح الكبير

[COLOR="Red"]المكان[/COLOR]: منتدى الفطاحلة

ترفع الستارة في تمام الساعة الخامسة والنصف من مساء يوم [COLOR="Red"]الثلاثاء07\ 03\27 [/COLOR]إن شاء الله

تعرض يومياً من السبت إلى يوم ألجمعه وذلك على خشبة مسرح كشولك الخاص

من [COLOR="red"]روائع [/COLOR]الكاتب المسرحي : الواقع

يقوم بأدوار البطولة حسب[COLOR="red"] الظهور [/COLOR]: أعضاء الفطاحلة وكل إنسان على وجه الأرض

[COLOR="red"]مدة العرض[/COLOR] : مفتوح
[COLOR="red"]
ملاحظة[/COLOR] : يمنع استخدام الهواتف الخلوية إثناء العرض ، كما يمنع اصطحاب الأطفال من هم دون السن القانوني;) [/COLOR][/SIZE][/FONT][/CENTER][/I][/B]

رد على: رتوش
 

[B][I][COLOR="SlateGray"]ذكرتيني باغنية ناسي اسم الفنانه اعتقد مي نصري

تقول خلينا بالجو تعجبني كثير:)

وطالما التلفون من جده سلميلي عليهم وقوليلهم غريب بيجي [COLOR="Red"]جده[/COLOR] يوم 11 ابريل:)[/COLOR][/I][/B]

رد على: رتوش
 

[RIGHT][I][B][FONT="Fixedsys"][SIZE="4"][COLOR="SlateGray"]
في يوم من الأيام سألني إحدى الأصدقاء قال لي الحياة تشبها بوشهو يا الغريب

بصراحة كان سؤال مفاجأ ترددت في الإجابة حس بضياع التعبير في وجهي وشاف حيرة على ولكنه لمح من خلال بعض الأسئلة إني عرفت بان السائل يقصد شي كبير وابعد مما كنت أظن ، قالي بكره نتقابل و أتمنى إني اسمع إجابتك في وقتها ما أعطيت الموضوع أي اهتمام يذكر واعتبرته سؤال عابر في جلسة من جلساتنا ألعامه.

في الليل وفي غرفة النوم وقتها كنت استعد للنوم لاستقبال شمس يوم جديد ولكن ماهو قبل ما اجلس مع صديقي العزيز والحميم الكتاب هيئت الجو المناسب من أنوار خافته وكان الهدوء يخيم على أجواء الغرفة

إثناء القراءة شرد الذهن واستذكرت سؤال صديقنا ولكن سرعان ما عدت إلى أعماق الكتاب وكان بعنوان[COLOR="Red"] لا سكوت بعد اليوم [/COLOR]للكاتب الكبير بول فندلي.
وللمرة الثانية يشرد الذهن ولكن عدت إدراجي وان كانت ها المرة بمعانات كوني أوقعت نفسي بين إشارة [COLOR="Red"]الاستفهام[/COLOR] وعلامات [COLOR="red"]التعجب[/COLOR] ، وقتها قلت لازم استئذان بول واقفل الكتاب لأني ما راح استفيد وبالفعل قصرت على النور بزيادة لدرجة إن الواحد لو دخل عليا يشوفني بصعوبة ممكن تكون احتياطات أمنية(( اعشق الأنوار الخافتة والشموع ، وأجوائها الحلوة ومن خلال نورها الضئيل جداً جدا ، اقنع نفسي بان الأمل موجود طالما هناك نور بغض النظر عن كمية النور))

ومن على سريري أبو نفرين واللي يستخدمه نفر واحد دارت بي الدنيا والهواجيس والأفكار وتقيم[COLOR="red"] قراراتي [/COLOR]هل هي في محلها أو لا ، هل [COLOR="red"]أتنازل[/COLOR] أو لا ، هل ابدءا حياة جديدة بدون خوف وبدون تردد وان [COLOR="red"]فشل[/COLOR] تجربة واحده لا يعني فشل ابدي وبعد عمق التفكير
تذكرت سؤال صاحبنا ورجعت لدوامه ثانية وهواجيس وتخيلات وربط وكلها كان حول [COLOR="red"]السؤال[/COLOR]
وبعد جهد جهيد وقبل أذان الفجر توصلت لرأي يقنعني شخصياً قد لا ينفع ولا يروق لحضرتكم ولكن تضل وجهة نظر تعنيني و[COLOR="red"] لا[/COLOR] تلزم الآخرين

وجهة نظري [COLOR="red"]الشخصية [/COLOR]حيال الدنيا والبشر

أشبه الدنيا بالمسرح وينقسم من المسرح عدت مسارح وإحنا البشر ننقسم إلى أقسام جزء منا منتجين وجزء مخرجين والجزء الأكبر ممثلين وفي ها المسرحية مسموح دخول العنصر النسائي وان كان يعارض توجهات المحافظين أو توجهات هيئة الأمر بالمعروف والنهي عن المنكر يعني المسرحية فيها اختلاط وفي بعض المسارح المتشعبة من المسرح الكبير يلعب العنصر النسائي الدور الرئيسي ويأخذ دور البطولة المطلقة و ممكن تلقون دور الرجل مهمش وإذا كان هناك رحمة ممكن نشوفه كومبارس أو مساعد رابع للكومبارس من حقهم بطولة نسائية مطلقة!
وفي مسارح أخرى ممكن يحدث العكس تماما، وبعض المسارح تكون معتدلة

طبعاً ما راح اكتب سيناريو المسرحية وأتكفل بتوزيع الأدوار أو إني أروح أدور على منتج منفذ يدفع وهو مغمض مثل منصور. ....

ولا راح أدور على مخرج أو مساعد مخرج وإبطال للمسرحية وبعدين لازم أجيب تصريح من وزارة الإعلام ونحتاج إلى فسح وموافقة الجهات المسئولة وإخطار مكاتب هيئة الأمر عشان لا يعتقدون إننا نشتغل بدون تصريح مع العلم الأمر بالمعروف ما يحتاج لتصريح
وبعدين يبلي أدور على شركة منتجه و احتمال أوقع عقد مع روتانا سينما وروتانا خليجية وادخل في تنافس مع قنوات فضائية وغير فضائية
ما راح ادخل في معمعة كبيرة ومزعجة راح اتركم انتو تضعون السيناريو المناسب كلاً حسب رؤيته وكلاً حسب ظروفه المعيشية وحسب إمكانياتكم وقبل هذا وذاك حسب نظرتكم للحياة

بعد ليلة كان التأمل ذو حضور متميز وفي هدوء غرفة النوم اللي من المفترض لا يوجد بها هدوء طالما هناك شخصين يسكنون الغرفة إلا انأ في غرفتي المتواضعة ذات المساحة البالغة 5 في 6 واللي ما يسكنها غيري خيم هدوء غريب وشرود ذهني وصل إلى ابعد الأماكن لا لشي فقط ليربط مابين الإعمال المسرحية ألمقامه على المسرح الصغير با لمسرح الكبير.

إما أهم الإعمال و ما تحتويه من إعمال [COLOR="red"]غرامية[/COLOR] إعمال [COLOR="red"]سياسية[/COLOR] أو حتى إعمال [COLOR="red"]كوميدية[/COLOR] الخ الخ الخ الخ.
وصبها بالعمل الدرامي في المسرح الكبير

من الممكن نشوف الرضاء بالعمل المسرحي على وجوه [COLOR="red"]الحاضرين[/COLOR]..

ممكن نشوف ابتسامات وامتعاض الحاضرين
ممكن نشوف [COLOR="red"]دموع[/COLOR] وعبرات

ممكن نشوف [COLOR="red"]فرح[/COLOR] وترح
ممكن [COLOR="red"]الم [/COLOR]وحسرة ، فوز و[COLOR="red"]خسارة[/COLOR] ذكاء و[COLOR="red"]غباء[/COLOR] إبطال المسرحية

ممكن نشوف كيف [COLOR="red"]المرأة[/COLOR] تتقبل ماضي الرجل بينما [COLOR="red"]الرجل[/COLOR] يرفض ماضي المرأة.

[COLOR="red"]يحق[/COLOR] لك واحد يفسر سيناريو المسرحية على [COLOR="red"]كيفه[/COLOR]!!!!![/COLOR][/SIZE][/FONT][/B][/I][/RIGHT]

رد على: رتوش
 

[COLOR="Red"]مجرد حلمــــ[/COLOR]
[COLOR="Blue"][B][I]
بعد غربة موحشة في طريقها للعام الثاني على التوالي إلا إني كنت أعيش على بصيص أمل في حياة جديدة مرتاح البال هدئه
رغم الأسوار التي أوجدتها حولي ، ورغم تشديد الحراسة على قلبي ، ورغم فرض حظر جوي وبري وبحري على كل ماهو وارد وصادر
رغم تقنية الإنذار المبكر ورغم الاستشعار عن بعد، ورغم نظام الأشعة تحت الحمراء وفوق الحمراء وجنب الحمراء

رغم كل التحصينات الدفاعية

قبل نهاية العام المنصرم استطاع احد الأشخاص من اقتحام واختراق جميع الأنظمة وقفز جميع الحواجز وتجاوز جميع نقاط التفتيش ، رغم التقنية العالية المستخدمة في جميع النقاط ، استطاع الوصول إلى قلبي ، وبمجرد وصولة استطاع إن يحكم قبضته ، استطاع إن يعزلني عن العالم الخارجي بكل كفاه وبكل اقتدار

حينها اكتشفت ضعف الأنظمة وقصور كبير في أداء عملها واكتشفت أنها ضعيفة للغاية.
حينها لم يكن بوسعي إلا ، الاستسلام رغم محاولات المقاومة إلا إني سرعان ما استسلمت وسلمت جميع مفاتيح القصر وسلمت المفاتيح الخاصة وسلمت الأرقام السرية لصناديق الأمان سلمت خرائط القصر وسلمت جميع الوثائق الرسمية كاملة سلمت الأصل لا الصور وكان ذلك بدون أي نقصان. وبمحض إرادتي

وبعدها وبدون نكران للمعروف أو جحود عشت فترة زمنية قد تكون من أجمل الفترات على الأقل نسيت معها سنين الحرمان والضياع سنين مضت لا يعلم بها إلا الله سنين قست على وبدون رحمة أو شفقه ، انغمست في أفراح وحينها نسيت ما معني كلمة ترح

عشت حلم جميل رغم كل التحديات التي كانت تحاصرني وعنفوان المتسلل إلى قلبي

لدرجة إني فرضت رأي على كل من حاول إن يبعدني ولو لبرهة عن من تسلل إلى قلبي وعن أحلامي وعن الآمال المعقودة ضربت عرض الحائط بكل الآراء ورغم كل التحذيرات والفشل المنتظر ولكن أقنعت نفسي ومن حولي بان النجاح والفشل يعتمد علينا نحن معشر البشر نحن من يصنع الفشل ونحن من نصنع النجاح ، وقتها طلقت العنان لكل عواطفي ومشاعري وجوارحي وأحاسيسي للضيف العزيز على قلبي تكلمنا في صغائر الأمور قبل كبائرها تكلمنا في ايجابيات كل شي بدون إن نعطي للسلبيات أي اهتمام يذكر تكلمنا بلغة الضاد تكلمنا من الإلف إلى الياء تارة بحركات وتارة بدون حركات لم نعر الشدة والضمه والسكون أي اهتمام يذكر طالما هناك قلبين تعلقا بعضهم البعض وبعد كل جلسة مصارحة كان الاقتناع يزيد و في داخلي الأمل يكبر حينها اشتعلت نار في سويدات قلبي لا يمكن لها إن تنطفي أو تطفي بأي حال من الأحوال وكان لابد من ترجمة كل المشاعر والأحاسيس إلى رباط وثيق مقدس حينها تحملت عنا السفر وذهب وكان كبير الأمل والشوق يحدوني وبالفعل ثم لي ما أردت وزادت معها قناعاتي وزاد كل شي ، إلا وزني يبدو إن السعرات الحرارية تحترق بفعل دقات القلب وتدفق الدم بمعدلات غير اعتيادية
وفي لحظة صفاء وتفكر قلت يجب إن لا اظلم من أحببت وشرحت جميع الملابسات والفوارق وكان هناك اقتناع واتفاق وان كان ذلك غير مقنع لقلبي وعقلي،

كان هناك غياب لمدة يومين اكتشفت إني أعيش بوهم الأعذار والفوارق

استغليت الفرصة وعقدت اجتماع حاسم مع كل من حولي ، اتخذت قراري وهو قرار لا رجعة فيه رغم خسارتي كوني سأقدم تنازلت كنت ارفض مناقشتي فيها وليست محل تفاوض أو مساومة وكانت تنازلات لطرف ثالث تخلى عني في أحلك الظروف وأصعبها ، حينها حسيت باني قدمت كل ما عجز عنه في سنتين إن يقدم على طبق من ذهب وبدون ما أتفوه ولو بكلمة واحده غير كلمة لك ما تريد.

وقتها كنت اعد العدة لمفاجأة كنت اعتقد أنها سارة
كوني شخص اعشق عنصر المفاجأة تحينت الفرصة فوجدت إن الساعة السادسة فجراً أفضل الأوقات ليكون أجمل خبر وأجمل يوم على إنا شخصياً وعلى من سكنا الحنايا ، كنت في قمة سعادتي كنت أتخيل ردة الأفعال كنت أتخيل الصرخة ممكن أنها تقوم النايمين أو حتى الجيران وجيران الجيران قلت أكيد إنا مشتاق لهل الصرخة تخيلت الفرح على محيانا ، تخيلت إننا أول شي بنتكلم في الترتيبات اللازمة لإتمام الموضوع دارت أسئلة كثيرة كيف؟ ومتى؟ و وين ؟

وقتها ما كنت ادري إن القدر محضر مفاجأة مغايرة لمفاجأتي تماما

أهازيج الفرح كانت تدق في قلبي من بعد صلاة العشاء وفي تمام الساعة 11:36 دقيقة بالتحديد قبل الساعة الـ 6 صباحاً بساعات تلقيت رسالة جميلة ومن ثم اتصال أجمل اتصال ، على الإطلاق في نظري ، وإثناء الحوار مع من كان معقود عليه الآمال والأحلام والأماني

يقول لي سبب الغياب رجوعي لعشقي القديم !!!!!! عشيقي المظلوم !!!!!!!!!

وقتها تمالكت نفسي بكل بسالة وان كان داخلي انهيار تام يفوق ما تعرض له مركز التجارة الدولي في نيويورك

وقتها حسيت إن دقات قلبي تهدي من سرعتها

وقبل النوم

وبعد ما تذكرت كل شي ،،، قلت اليوم تجرعت مرارة ،كاس العشق وبدون أي رحمة أو أي شفقه

حسيت اني كنت مُسكن لا غير......

وكانت أخر جملة على لساني،،

أعيش بدنيا ما صفت لي يوم [/I][/B][/COLOR]

رد على: رتوش
 

حوار













أجمل شي في حل النزاعات هو أللجو للحوار

بالحوار ممكن الواحد يأخذ حقه وزود

بالحوار ممكن تتنازل عن أشياء كنت تعتقد أنها تمس مصالحك وتكتشف أنها لا تقدم ولا تأخر

الحوار يجب إن يكون لغة العصر ، و تقديم التنازلات من خلال مبدأ لا ضرر ولإضرار شي جميل

متى ما بغينا نبعد عن المشاكل وإثارة الفتن يجب إن نقنن العملية الحوارية.

عن نفسي أؤمن بمبدأ الحوار والأخذ والعطاء وتقريب وجهات النظر

و ما أحب الغي دور الطرف المقابل بأي حال من الأحوال ليقيني إن لكل إنسان معتقدات وقدرات ينطلق من خلالها

كل إنسان فينا باستطاعته إن يتكيف ويتأقلم مع الجو المحيط به

ولكن أحيانا تتعطل لغة الحوار

التنازلات موضوع لا يسمح النقاش فيه

وحينما يتوقف العطاء تتوقف معه الحياة

سؤالي لنفسي هل الحوار يعتبر مهاترة؟

وهل التنازلات تعتبر ضعف وجبن ؟

وقفه

خلال ثواني أو جزء من الثانية تستطيع إن تجرح انسان صادق ولكن يبيلك وقت طويل عشان تداوي الجرح

رد على: رتوش
 

إعجاب رجل بمشرفة القسم الإسلامي





من سنن الحياة إن الله عز وجل خلق المرأة للرجل وخلق الرجل للمرأة أي نعم العبادة هيا أساس الخلق

لقوله وما خلقت الجن والإنس إلا ليعبدون

إنشاء أسرة نوع من أنواع العبادات تمارس ضمن القوانين الألهية

يوجد صديق عزيز مطلق منذ عامين تقريباً رزق بأبناء وبنات لم يدخل عقده الرابع من العمر يعني مازال شباب

في ليلة من ليالي الجبيل الصناعية والباردة كنت أتعلل عنده وعلى شبت الضو والقهوة وعقب ما دار الفنجان

قلت: له ممكن سؤال بكل لطف قال قول كل اللي في خاطرك أيها الغريب

نص الحوار

قلت: له ممكن اعرف وش لون عايش بدون زوجه بعد رحيل أم عيالك

بعد زفرة و حسيت إن العبرة خنقته وبعد سكوت لفترة نوعاً ما طويلة

قال: ما في شك إن الرجل بدون زوجه تعتبر

حياته ناقصة والعكس صحيح....

قلت: حلو طيب ما فكرت انك تعاود الكره وترتبط بأمراء

قال: بصراحة ما فكرت أحس إني عايش حر طليق وقتي ويومي وحياتي ملكي أتحرك متى ما أبي و أتوقف متى ما أبي لاا احد يسالني وين رايح ومن وين جاي

وبيني وبينك إنا أبي اسخر ما تبقى من عمري لعيالي

قلت: له حاول ترى هناك الكثير من الحريم اللي فيهم خير ومستعدين يشيلونك أنت وعيالك وتخدمك بعيونها

وها النوعية من الحريم كل طلبهم شي واحد تبي تحس أنها عايشه مع رجال بكل ما تعنيه كلمة رجل يعني تبي تحط راسها على صدر رجل حنون وطيب

قلت: له ممكن اشوف وجهك شوي من جهة اليمين

قال: خير وش فيك

قلت: ابي اشوف فيك حنية ولا لا

قال: والله ادري ونظرتي للحريم ماهية تشاؤمية بس للأسف ما عاد لهم في حياتي مكان ولا إنا اعرف ها الشي

اللي لفت انتباهي في الجلسة إن الرجل كل شوي يناظر في الساعة وقتها أيقنت إن الرجل على موعد ما استأذنت بدون ما أحسسه إني أثقلت على الرجل وانسحبت

دارت الأيام وقبل أسبوع تقابلنا

قال: وش عندك الليلة؟

قلت: عندي دوام أخر ليل

قال: وبكرة

قلت: راحة

قال: اجل نتقابل بكره وش رأيك ،،،،،،، كون الرجل يمون عليا ويعتبر صديق عمر

قلت: بس وش يضمن لي ما تقعد كل شوي تناظر الساعة

ضحك من وسط قلبه وقال حسبي الله على إبليسك ياغريب ما تترك ألعياره.

تقابلنا من بكره وزينت هاك القهوة لأني عيت عليه يسوي شي


يتبع

رد على: رتوش
 

قلت اسمع أبي اسويلك قهوة مو مثل قهوتك المروحة، وانأ اللي أصوغ له هاك الفنجان العذب شرابه و وزنه غدير وعقب ما الكيف طاب وانأ اللي أسوقه بالثاني.

قلت ها وش رأيك

قال يا رجال تراك ذبلت سبدي بشربها والله لو هي بور هورس

قال يا غريب

قلت: له سم ، وعلى ريحه القهوة وصفق الفناجين فتح موضوع ما يخطر ببالي

قالي بحكم خبرتك في المنتديات وش رأيك في بنات المنتديات ،،،، ما اكذب عليكم يوم قال بحكم خبرتك وانأ اللي أتسند والعب با ألسبحه وبابتسامه كبرياء يعني ضحكة شموخ مو قصدي شموخ سدير يعني اعتزاز :)

قلت: ايو الله عندي خبره ضحك الرجال

قلت: يا أبو فلان خش في الموضوع تخبر إحنا يا أهل المنتديات نحب اللي يخش في الموضوع لان وقتنا من ذهب

هم جلس يضحك

قال: لو تصادفت أنت وبنت من بنات المنتدى تتزوجها ............

قلت شف الدعوة فيها منتديات وفيها زواج وأنت قبل فترة تقول رافض الزواج وش السالفة طبعا بحكم خبرتي شميت ريحه عطر بنت من بنات المنتدى بس وش اسم المنتدى أو وش الاسم الحركي للبنت الله يعلم

المهم حاصرته بالأسئلة ومشكلتي إذا حاصرت احد بالأسئلة أصير لزقه

قلت له بحكم معرفتي فيك من سنين طويلة وجهك مو وجه منتديات لا تقل إن أسلوبك مثل أسلوبي أو انه مقارب لأسلوبي أو لبرستيجي ولا معلوماتك مثل معلوماتي يعني أحس ما فيك شي مني او من خبرتي
قال بذمتك ها الحين أسلوبك هذا تسميه أسلوب وشويت المعلومات اللي عندك تسميها معلومات قم أنت وجهك قم

قلت انت وجهك مو وجه تقنية او تكنلوجيا حديثة اصلاً انت اناشيد عدنان ولينا وياطيبة وتخب عليك

وإذا طردوك من المنتدى تجي لمي وتقلب راسي وتقول والله نزلت موضوع وكلاً أعجب وإنهم في المنتدى يحبونك والله العالم أنهم طارد ينك وعشاني ما اعرف تحاول تسوي نفسك يعني انك عضو مميز قال والله لو إنا مدير المنتدى وربي ما اخليك تشترك ولا في اي موضوع اجمدك في الأرشيف وإذا بغينا موضوع أرسلنا لك وغير كذا تنطق في البدروم

قلت له أنت وش عرفك بها السوالف أنت و ها الضروس اللي تقل سنهم خكاريه جالسين في بوفيه

قال الله يقطع سوا ليفك ومن زين سنونك الا تقل كنه سنون بزر توه يحبي

أبي أقولك شي

قلت تفضل

قال تعرفت على بنت في المنتدى

قلت له طيب وش الغريب في الموضوع ثلاث ارباع شباب المنتديات يعرفون البنات;)




يتبع

رد على: رتوش
 

قال بصراحة البنت ساحر تني

قالت له جهز نفسك أبي أخذك للي يقرون عسانا نقدر نساعدك ونفك السحر

قال: يا ابن الحلال ساحر تني بأسلوبها وبطريقة محاورتها وبردها على الأعضاء

قلت: طيب وش شعور البنت ناحيتك تحس أنها حاسة فيك أو محسستك بأحاسيسها

قال: ياغريب أشوفك قلبت الجلسة تحسس

قلت :ها عيل شنو بعد

تقول ساحرتك

قال: والله لي فترة وانأ معجب بها البنت

قلت: تأكدت أنها بنت لان كثير من الأسماء النسائية رجال والعكس بعدين شفت لان خبرتك متواضعة طرت في العجه

قال: وش لون

قلت: يا الفاهي ترى بعض البنات أو الشباب يقتبسون ردود من منتديات ثانية ويقتبسون سوالف حلوه وأنت وطقتك تطيرون في العجه ولو قابلتها تحس أنها ما تعرف تعبر عن عصفور طاير بجناح واحد

وفي المنتدى تصف صف لك ها ألحكي وأنت وجهك من تقرءا ها ألحكي سعا بيلك تقطر عندي وتقول ساحر تني وحابتني وهي والله ما دقت لك خبر

قلت: بس ما يمنع هناك بنات مميزات جداً لا في الأخلاق ولا في الأسلوب ولا في تعاملهم الراقي بس المشكلة ما تقدر تكتشف حقيقة بنات المنتديات لسبب بسيط انك تتعامل معها من خلال شاشه وأحرف وهنا مكمن الصعوبة

قال: وش لون يعني مكمن


يتبع

رد على: رتوش
 

قلت: له شفت الفرق اللي بيني وبينك يبه ها ألحكي يدرسونه في الجامعات وها الكلمات مو أي احد يقولها ما ني قا يلك لا أسلوبك و لا ثقافتك مثلي

قلت: له طيب طلبت انك تقابلها على الما سنجر

قال: لا يعني لازم ماسنجر

قلت : وش هوله ماسنجر الله يحيك مرهم في بيتهم وطلعها من قدام أهلها تخبر إحنا عا يشين في اوربا
واطلع أنت وياها في مقهى وحل موضوعك على أنغام الموسيقي بس انتبه لا تكب العصير وتبلش مع راعي المقهى ويطالبك بالدراهم وما يكون معك ولا ريال وتقولها ممكن سلف حق ألكاس أردها لكي إذا جاء الراتب

ياحبيبي عشان تقول هذا من أولها......

قلت: اجل وش لون تبي تفتح أنت و ياها حوار لازم ماسنجر إلا إذا أنت رجال تبي تخش بالتلفون بسرعة هذا شي ثاني.

بعدين أنت تبي تتعرف على البنت بدافع معرفة عادية صداقه زواج لازم تحدد موقفك

قال: هذي ماهي مشكلتي ها الحين

قلت: اجل وش تبي بالضبط




يتبع

رد على: رتوش
 

قال: أبي اعرف مشاعرها نحوي ومن خلال المشاعر إنا انطلق واحدد موقفي ،،

قلت له أبيك تعرف شي واحد طالما هناك بعد بينك وبينها لا تقول مشاعر وأحاسيس ممكن تعجب في أسلوبك في طريقة إدارتك للحوار في المفردات اللي تستخدمه في مواضيعك إما سالفة عمق وحس وجداني هذي ما تجي إلا مع الحوار تتعرف على أفكارك وعلى ثقافتك وبعدين يحصل التجاذب بينكم وهاك الساعة إذا تبيها زوجه ممكن تصارحه وتفتح موضوع الزواج ويدك مليناه إما من البداية تقولها زواج صدقني راح تشك فيك وتقول هذا يبي يلعب وهاك الساعة أنت وحظك إذا أهي تبي تلعب راح تمشي معك في نفس الخط وإلا راح تنسحب أو إذا أهي معجبة يعني ميته على خشتك، توجهك وتحطك في الطريق الصحيح .

فهمت ولا أعيد

قال : والله مدري وش أقولك
قلت مافي وش أقولك لازم تحسم امرك من البداية تبي تلعب المباراة ولا تبي تجلس في المدرجات وتتفرج الين مايجي غيرك ويشيل وأبيك تعرف التعامل مع بنات المنتديات والنت تراه شي خطير انتبه مو تعتقد كلهم بنات صغار او بنات ثانوية أو يدرسون في معاهد للكمبيوتر لا ترى فيهم دكتورات فيهم بنات يملكون شركات ومؤسسات وفيهم مديرات بنوك وموظفات في قطاع خاص وقطاع حكومي ومدرسات وإذا أهي مدرسه لازم تنتبه لنقطه مهمة إذا طلعت مدرسة ابتدائي اعرف أنها كبيره يعني تدخلك من هنا وتطلعك من هنا واللي تشوفها سهرانا على النت 80 ساعة في اليوم يعني تحس كان سرها مقطوع في ألنت اعرف أنها بنت جامعه أو كلية أو معهد وحافظه كلمتين وجاية تذبل سبود الأعضاء بس ما يمنع أنهم متعلمات ويعتمد عليهم
بس تبي الصدق أبي أقولك شي وبدون زعل أنت وجهك مو وجه جامعية أحس وجهك وجه معلمة ابتدائي ورائدة فصل من الفصول الدنيا بعد و تكون في منطقه نائية عشان كل يوم توصلها بعدين تكون خبره أو دكتورة وطبعاً أفضل شي لك ربة الأسرة عاد أنت وحظك تطلع مطلقه أو أرملة حظ يانصيب

قال: طيب وش تشوري عليا فيه



يتبع

رد على: رتوش
 

قلت: أرسل رسالة وجس النبض ولا تدري اكتب قصيده شعرية وأرسلها لها قوله أبي اخذ رأيك في الأبيات ممكن أو الموضوع اللي تبي تطرحه

قال: هي ماهي شاعرة ولأكاتبه هي مشرفة القسم الإسلامي

قلت: يعني مطوعه ، بسيطة أرسل له حديث واسألها هو ضعيف ولا صحيح ومن الراوي و وش المناسبة

أو اسألها عن مسألة فقهية

قال: مثل شنو

قلت: شف أنت مالك إلا انك تسألها وتقولها إذا إلام خافت على جنينها من الجوع في رمضان تفطر ولا تصوم

وهل الرضاعة تفطر ولا ؟

قال: وربي منت بصاحي يا الغريب هو وقت رمضان ها الحين

قلت : له اسمع هما الصحابة كانو يستعدون لرمضان من ستة شهور اعتبر نفسك إنسان مقتدي با لصحابة بعد الرسول وتبي تستعد لرمضان

قال: طيب إنا وش لي وشل الرضاعة

قلت: له يخوي هذا مجرد سؤال عشان تجس النبض وإذا وافقت قولها انك رجل مطلق وأبي استفسر ، عندي بزر رضيع!

قال: لا والله خوش سؤال عز الله جسيت النبض وش عرف البنت بسوالف الأمهات وبعدين وش لون اسألها سؤال عن الامهات و اقولها انا مطلق وش الرابط في السؤال

بسيطه اذا كشفتك قولها ابي ارضعه صناعي

وش عرف البنت ، أنت وش لون عرفت أنها بنت وش يدريك احتمال تكون متزوجة

قال: متزوجة !!!!

قلت: إيه ولا على بالك كل البنات اللي قدامك قصر يبه فيه المطلقة وفيه الأرملة وفيه المعلقة وفيه المخطوبة والخالعة

خالعه!!!!!

قلت إيه خالعه

قال : يا بن الحلال وش لنا وش الخالعات





يتبع

رد على: رتوش
 

قلت له يا مسلم هما الدين يسمح للمرأة إن تخلع زوجها ، المطلق وش يقاله رجل مطلق أو امرأة مطلقه واللي زوجها يموت يقالها أرمله صح طيب واللي تخلع زوجها يقالها خالعه لأنها أهي اللي خلعت الرجل

يعني المفروض انك ما طلقة مرتك المفروض انك طلبت منها عمارة قدام الحرام في مكة او شقة في القاهرة مقابل انها تفدي نفسها وهذا الشي أجازه الإسلام ليش ما تستغله ، شفت الفرق

قال صحيح

قلت خلاص هذي تعتبر خالعه والزوج مخلوع

يعني ممكن أنت تحب ها البنت وتتزوجها وتذبل سبدها وتجيب لها قرحه في الشبكية ما تدري إلا وهي خالعتك وممسكتك الباب

قال: افا

قلت: افا ولا جبها كل شي وارد أنت قوي قلبك وأرسل وماعليك

وخلنا على اتصال عشان أقولك وش تسوي في الخطوة الجاية طبعاً أنت إنسان محظوظ لأنك جالس تتكلم مع إنسان عنده خبره ومعرفه مو أي احد وهذي فرصة لا زم تستغلها مثل الاستشاري العالمي إذا جاء زيارة عندنا فرصة للي يبي يسأل ويستشير أنت ألان في فرصة عظيمة ما سبقك عليها احد والكل يحسدك على اللي أنت فيه

وهذي ميزة المميزين إذا اعطو وقتهم وجهدهم للناشئين أنت تعتبر نشاء في رحاب المنتدى وانأ راح أحطك على الطريق الصحيح أبي أتبناك يعني بالعربي أبي أدرسك أصول لعبة المنتديات وهذا الشي يبيله ناس تعرف من وين تأكل الكتف

ما اقول الا الله يستر لا خبرتك تودينا في داهية

و تقابلنا بعد أسبوع

ها بشر

قال أرسلت الرسالة

وحسيت بحجم الاهات اللى في صدره!

حلو بشرني وش قالت و وين وصلتو أكيد استلطفتك البنية

صدقتني اي شي بتخطيط وتكتيك نتايجه مذهلة ماني قايلك

بس مبين من عيونك انك أعطيتها أيميلك وبصراحة حاس انك خشيت في العميق

كل شي مبين في عيونك بالذات اليسار

قال أبي أسألك سؤال

ممكن اعرف في منتداكم وش لقبك؟!!!!

رد على: رتوش
 

وقفو عضويتي عقب ما شهر فيني المدير

والبنت راحت مشرفه على التصاميم

قلت تمام تمام تمام

جات وجابها الله

قال وش عندك يا وجه النكبة

مايخالف هذي اخرتها صرت وجه نكبة لكن لو شبكت مع البنيه بتقول ياوجه الخير

قلت شف يبيلك تمر على أي منتدى متخصص في التصاميم وتلطش لك تصميم وترسله لها وتقولها إني شغال عليه

صار لي أسبوعين وبما انك مشرفه ومسئولة عن قسم التصاميم قبل ما انزله حبيت أستشيرك في تمازج الألوان وإبعادها وأبي اعرف هل الخلفية جيده ولا يبيلها تغميق أكثر.

قال وش هوله كلمة تمازج

قلت اسمع الكلام أنت وش عرفك بها السوالف وبها المفردات ما ني قا يلك الخبرة تلعب دور

قال بس إنا موقف ها الحين وش لون

قلت بسيطة عندك خيارين لا ثالث لهم

قال وشهو

قلت إما انك تطلب عفو من المدير أو انك تسجل باسم جديد ومن كمبيوتر جديد عشان الايبي لا يعرفه المدير

قال وإذا عرف الايبي

قلت يا حلو راح يعرف انه جهازك وبعدين يتابع تحركاتك

قال تدري اطلب عفو بس وش أقوله

قلت له لا تشيل هم إنا الليلة امخ مخ لك على صيغه اخلي المدير يعفو عنك ويتنازل عن الحق العام بعد واحتمال اهو اللى يعتذر لانه تسرع وش تبي أكثر من كذا




يتبع

رد على: رتوش
 

قال يا بعد قلبي والله يا الغريب ، إنا لازم ارجع للمنتدى بأي حال من الأحوال ولا ودي إن البنت تطير حاس إن روحي

تعلقت فيها واليوم اللي ما أشوفها في المنتدى يضيق صدري أحس أنها مريضه أو أنها تعاني من شي مكدر حياتها

قلت له أرجوك هذي خبرة وعطاء سنين

المهم وازين هاك ألصيغه اللي خلت المدير بعد ثلاث أيام من الإيقاف يعفو عنه ويقدم له خطاب شكر

ودخل المليح للمنتدى وبداء يركز نشاطه في قسم التصاميم ومن بعيد لبعيد يراقب ردود البنت

المهم مدري من وين جاب تصميم وأرسله لها برسالة خاصة عشان يأخذ رأيها

قلت له شكلك استعجلت بس تدري أرسل رسالة ثانيه

و قولها إن البرنامج نسخة أصلية عشان تركيب الألوان والإبعاد ما حبيت اشتري نسخة مقلدة حبيت كل شي يبان على

طبيعته وبنفس العمق الوجداني والبعد الفني للتصميم عشان تحس انك موهوب وانسان مرهف الاحساس

وش دعوه بتصميم اصير مرهف الاحساس

يبه انت وش عرفك ماني قايلك هذا كلام يدرسونه في الجامعات وها السوالف لها ناسها انت وش عرفك انت حدك كلمة

منقول وتخب عليك بعد اذا ما اغير من نمط حياتك ، برستيجك هذا لازم يتغير يبه انت مقبل على حياة جديده حياة مابعد الاربعين انت تنتظرك احلام ورديه بمشورتي لك راح تلامس النجوم يبه انا بخلق منك انسان مامر على المنتديات

المهم طلعة هناك مفاجأة في الموضوع



اتصلت فيه هلا أبو فلان

قال الله لا يهليبك يا وجه النكبة تصدق اللي يمشي ورآك يا الغريب لازم يستخير ربه اول

شي لان المصايب بتنصيب عليه من كل حدب وصوب

قلت سلامات وش السالفة صار شي جديد

قال وقفو عضويتي

لاحول ولاقوة الا بالله ثاني مره

قلت له ليش أكيد غلطت على المدير أو نزلت موضوع يخدش الحياء

قال المشي معك اهو اللي يخدش الحياء لعن ابودارك ذبحتني كل ما اطقها عوجه وانت

ماغير تزعط عندي قال ايش قال يدرسونه بالجامعات شف ابي اقولك شي تعرف زمان وش لون كان التعليم *(( الكُتَاب ))

او يرسلونك عند مطوع اقسم بالله انه اصرف منك ومن خبرتك بذمتك هذا كلام يدرسونه في الجامعات

شفت كلمة منقول والله انها ابرك من افكارك ، شفت لو اني استشرت راعي غنم او وحده من عجايز سوق المعقلية او

سوق الحب في الدمام ها اللى باسطين وربي سان ابرك من افكارك انت وجهك وجه خبرة ومعرفه وكله كوم يوم تقول

انت انسان محظوظ انك جالس تستفيد من خبرتي يلعن ابوها من خبره قم بس قم

يا ابن حلال وش فيك عسى ما شر انت علمني وش صار ترك خذتني بشراع ومجداف فهمني وش السالفه

قال شفت التصميم اللي لطشته..........



يتبع

رد على: رتوش
 

من ابها اشكركم على الحضور واقولكم الاجواء عندنا رووووووووووووووووعه امطار وضباب وبرد

بصراحه اجواء تصلح لابوعبدالله يقدر يكتب فيها كم من بيت :)

على العموم اخليكم مع الحلقة الجديدة

هماني أرسلته لها وجلست انصب عليها قلت لها إن البرنامج اللي

استخدمته جايبه من ايطاليا مخصوص عشان الألوان والإبعاد وصورة البنت

اللي في التصميم هذي تصوري لشكلك وعشان البعد الفني والعمق

الوجداني


التصميم طلع لخويتها وش في البنت ما تشتكيني للمدير وثاني مره

يوقف العضوية بس ها المرة عقب ما فضحني ونشر نص الرسالة اللي

أرسلتها للبنت يوم كانت مشرفه للقسم الإسلامي ويوم صارت مشرفه

للتصاميم . هذا اللى صار

إنا لو يفكني الله من فلسفتك ومفرداتك وجملك وتعابيرك اللي مالا أم

أمها داعي وربي إنا بخير

تصدق أنت ذكرتني با الرقاصة اللي طلعت من المرقص ورأسها كله جروح

ليش

لان اللي في المرقص حـ........... كانوا ينقطون عليها بهلل( قطع معدنية)

لا والله ها اللي يبي يبط كبدي أحر ما عندي ابرد ما عنده

بصراحة اضحك على حظك بعد أنت ما جيت تعجب إلا بمشرفة قسم إسلامي

وش السوات ها الحين

من ايطاليا لعن أبو دارك اكبر غزلنجي ولعاب في المنتديات ما قال

إني جبت برنامج من ايطاليا لعن أبو دارك قل شريته من جرير قل انه

برنامج أصلي مكلفني 2741 ريال و39 هلله ، من ايطاليا مرة واحده

إلا على فكرة جفنشي مايقربلك بالمره انت وجهك وجه ايطالي لعن

ابودارك فيضة السبسب بالصمان وتخب عليك

ولا يكون قايلها إن ها الألوان أهي نفسها اللي استخدمت في الموناليزا

بعد، الله يستر لايكون قايلها انك تتقمص شخصية فنسنت فان جوخ ولا

بيكاسيو وماتحب تشتغل الا على انغام السمفونية التاسعة لبيتهوفن

لعن ابو دراك تبي تشوت خل شوتاتك خفيفه اما انك تشوت

من نص الملعب وتبي البنيه تصدقك والله لو انها مدمغه

لاحول ولاقوة الابالله......


بس لا يهمك وهذي تعتبر من ابسط الأمور في عالم المنتديات

أقولك عضويتي موقفه تقول بسيطة

قلت لا تهتم كلها أيميل جديد وكمبيوتر جديد الله

يخلي مقاهي ألنت وكل شي يصير تمام

بس ها المرة بأسلوب جديد وستا يل يختلف عن القديم

وش رأيك تمرني وأعلمك وش تسوي

أنت فاضي ها الحين

مر هو عندنا غيرك نطقطق عليه


هلا والله با الرومنسي

وش عليك يا الغريب تطنز يحقلك

قهوة ولا شاهي

يابن الحلال إن بغيت حلتيت بس شف لنا صرفه في ها الموضوع

شف إنا لازم أغير من ستا يلك أول شي أبي أغير اسمك الحركي أبيه اسم

جديد ورنان ولوك مختلف وأسلوب خرافي إنا لازم أتبناك

تتبناني ، وش دعوه شايفني جاي من الشارع

اسمع وأنت ساكت وخلى عنك ألبربره

ولازم اصنع منك عضو خرافي كل المنتديات تتكلم بتميزه وبجمال أسلوبه

قال إلا ما ودك أحط مكياج بالمرة

قلت اسمه مكياج بذمتك هذا اسلوب واحد متعلق

شفت الخبرة وش تسوي يبه صار اسمه ميك أب بعدين خطوط وجهك ما تسمح

وصغر عينك ما تعطي مساحه لبروز الضل وألا سان سويتها

بعدين أنت مو يبيلك تنظيف بشرة وبس أنت يبيلك سمكره من جديد

ومنتجات شنيل ماتجيب معك نتيجه انتي يبيلك شغل وهذا مكلف


قلت خل عنك الفلسفة أبيك تحفظ كم كلمة من

كلمات الحب وهذي أمرها بسيط اشتر كم من ديوان واقعد أقراءة

قال أنت وش ناوي عليه

قلت أبيك ها المرة تخش قسم الأدب وتكتب خواطر وأبيات شعرية وأبيك

تخش في مساجلة شعرية بين الشباب والشابات يعني أبي اصنع منك شاعر

يا ابن الحلال إنا ما اعرف اكتب ربع بيت عشان أصير شاعر

لا يهمك ثلاث أرباع الشعراء والشاعرات قصا يدهم فيها عجز وتلقى

بيوتهم مكسورة وأمورهم ماشيه أخر حلاوة والمشرفين والشباب بس يجون

ويسجلون حضور ولا من شاف ولا من دري رأس مالها صح لسانك وجزلة من

رأس جزل ومن ها الحكي والهدف الأساسي رفع عدد المشاركات ومجاملات

عشان اذا نزلت قصيده يجون يتواجدون على العموم مو بس الشعراء ثلاث

ارباع منتسبي المنتديات كذاوبسلامة الطيبين

بس المشكلة اللي تواجهنا إني أبي أدور لك على اسم فيه اكشن وإثارة

وفي نفس الوقت يكون اسم جذاب ورنان ابيه اسم موسيقي

حشا مو شاعر شكلي بصير ممثل

وش رأيك اسميك خزان الإحزان

بذمتك هذا اسم

اجل الله خيرك بين اسمين المنسم او قاهر فتيات المنتدى

الله واكبر ياوائل كفوري على غفله

اقول خلنا على خزان الاحزان اصرف

رد على: رتوش
 

يا ابن الحلال لازم يكون اسمك مميز وفيه جاذبية ولازم تحس انه اسم موسيقي يعزف نفسه بنفسه

لازم الاسم يوحي بشي من الواقع وأنت إنسان مليان إحزان وكتلة مشاعر ولازم تفضي الخزان

فهمت القصد ولا لا

والله مدري وش أقولك يا الغريب

شكل العالم بتضحك على وأنت تقولي إثارة واكشن

ما عليك أنت اسمع كلامي وكل الأمور بتصب في صالحك

من عرفتك ما شفت شي صب في صالحي

خل عنك ألبربره واسمع الكلام

شف ها الحين أبيك تحفظ كم من بيت وتحفظ عندك مواقع الشعراء وتحاول انك تتفهم المفردات وتستوحي قصيدة من خلال مشاعرك يعني الخزان أبيه يصب مشاعر أبيه يغرق المنتدى أبيه يخلي قسم الأدب ربيع أبيك تصير وسم المنتدى

وبدءا الأخ يغدق على المنتدى بخواطره

كان هناك بعض الكتابات اللي ادري عنها وبعضها كانت بدون استشارتي ، وكنت أتخوف من اللي تنشر بدون علمي أو اخذ رأي فيها بحكم خبرتي ومعرفتي المسبقة



تقابلنا بعد فترة

قال أبشرك في قسم الأدب كان ميلادي، بصراحة أحس الكل يتفاعل مع كتاباتي

قلت اتركني من الكل البنية رأس المال وش ردود الأفعال عندها

قال أبشرك تتجاوب معي وتشجعني وتقولي بانتظار المزيد وفي احد الردود قالت خزان الإحزان والرومانسية وجهان لعملة واحده

شف ياغريب وش رأيك أبي أرسلها رسالة خاصة واكتب لها كم من بيت وأقولها هذي الأبيات تصورك وتعبر نيابة عني

قلت بهواك بس انتبه لا تجيب شي من برا وتقولها كلماتي

قال لا تخاف المهم أبي أبيات تهز مشاعرها وتفجر عواطفها وتثور إحساسها

قلت وش دعوه بتدخلون حرب شكلك بتنتق البنت ولانت مخلي فيها قطعه

قال إيه حرب

حرب الحب والآهات

حرب العواطف وتحريك السكنات

الله الله وش ها الكلام والله وصرت تعرف تعبر أتريك منت بهين يا الدب أسف قصدي يا خزان



قال آه ه ه ه ه ه ه ه ه ياغريب لو تعرف وش اللي في قلبي كان علوم

بسم الله على قلبك، هذا وأنت ما بعد شفتها، عيني يا عيني والله قمنا نتكلم عن القلوب والحب

خلها على ربك

ما يخالف اكتب لك بيتين واعرضهم على ويصير خير
بعدين أبيك تعرف شي مهم لازم تفهم إن تعبيرك يدل على شخصيتك ويترجم أحاسيسك وهذا راح يكون نابع من حياتك ومعاناتك في الحياة يعني أبيك تعبر من ذاتك عشان يكون كلامك معبر ومؤثر مو مثل بعض الشعراء والشاعرات يكتبون أي شي بس أهم شي أنهم يظهرون على الساحة إنا مآبي ظهورك يكون سطحي أو وقتي أبيه راسخ وابدي فاهم ولا لا بعدين أبيك تصير ثقيل ممكن تشوف المدير ومجلس الإدارة يجوون ويمدحونك بزود اعرف أنهم يرفعون فيك وهذا شي معمول فيه في كثير من المنتديات يرفعونك وبعدين يهمشونك انتبه وخلك ثقيل وحاول انك تلعب معهم بأسلوبهم انتبه مو تطير في العجه

الأخ ما قدر يتحمل الانتظار بعد محاولات فاشلة ما قدر يعبر ببيتين تفجر العواطف ما دريت إلا والأخ لطش من ديوان مليحة الفودري وأرسل


بعد سهرة مع الدلال وشبت الضو في خيمته ما دريت إلا والأخ مولع شموع شي بريحه وشي بدون ريحه

إنا انصفقت وقلت يا ولد أنت وش سألفتك

قال ياخي مدري وش في البنيه كل يوم والثاني تسألني وش رأيك في الشاعرة الفلانية والشاعر الفلاني

وأكثر شي تركز على الشاعرات الظاهر انها معجبة وتبي تعرف انا امشي على خطى من ، من الشاعرات والشعراء

والله مدري بس احتمال أنها تكتب باسم مستعار ولا علمت احد واحتمال انها تبي تكشف لي حقيقتها الشعرية

إلا على فكرة وش سويت بالأبيات اللي قلت تبي تكتبها وترسلها

قال أبشرك راحت والبنية أعجبت بالأبيات

بعد إصرار وإلحاح

قلت له سمعني وش كتبت خلنا نتعلم منكم يا الحبيبة وش يدريك احتمال الله يرزقنا ببنت حلال تعجب أقوم أعطيها من أبياتك

حسيت الرجال يتهرب

قلت طبيعي أكيد الأبيات مكسرة وحالتها حاله بس مو مشكله البداية دايمن تكون كذا وكل الشعراء والشاعرات ابتدو صغار واليوم محد يفكر انه يعطيك وجه

بعد إصرار ومعاناة عشان أشوف واسمع وش كتب


طلع ديوان للشاعرة مليحة الفودري بعنوان(( بقايا كحل من عيون سود الصادر عام 2000))

قال بصراحة حاولت بس ما قدرت وقمت وأرسلت لها أبيات من الديوان وقلت هذي من تأليفي

بصراحة جلست فترة أناظر فيه وارشف من القهوة وأناظر فيه وارشف من القهوة

وأناظر و أقوله صب شاهي ولا يكثر حكيك



يتبع

رد على: رتوش
 

قلت له تدري ليه البنية تسألك عن الشاعرات

قال لا

قلت صدقني أنها كشفتك وتبي تصيدك

يخوي أنت متى تتعلم، متى تفهم

الواحد إذا يبي يسرق أو يقتبس يجيب شي ما يخطر على بال احد يعني دور لك من ها المبتدئين الصغار والطش منهم

مالقيت غير مليحة ، لعن ابودارك هذي أشهر من نار على علم

قال وش السوات

قلت مالك إلا حل واحد تقولها إنكم على صلة ونسب مع الشاعرة مليحة واهي اللي أهدتني ها الأبيات وأعطتني حقوق النص الأدبي

والله مدري وش أقولك

طيب بعد الأبيات وش قالت البنيه

بصراحة ياغريب أعجبت كثير فيها وقالت أنت إنسان مرهف الإحساس ومبين عليك عاطفي وشفاف

طيب أنت وش سويت

قال على طول أرسلت لها الرد وقلت لها إنا معجب فيكي من زمان من قبل القسم الإسلامي

قالت إنا حسيت بها الشي بعد التصميم اللي جبت ألوانه من ايطاليا مخصوص.

قلت بصراحة ما عرفت وش لون أوصلك بحكم إني مالي تجارب سابقه ما عرفت وش لون أتقرب منك واستشرت صديق وشار على

على العموم انسي اللي راح واعتبريه مجرد طريق للوصول لقلبك

قالت قلبي مرة وحده

طيب وش رأيك نتقابل في مكان ثاني ونتكلم

قال ما عندي مانع حددي المكان والزمان

ها وبعدين قال ما جاني رد

قلت له بذمتك أنت شفاف، أنت حساس، أنت عاطفي ،بذمتك هذا وجه واحد عاطفي هذا وجهك وجه بيبي فيس لعن أبو دارك أنت بينك وبين الرومانسية والعاطفة والشفافية مجرات لعن أبو دارك أحاسيسك تعتبر من مواليد ق.م

وش ق.م ذي بعد

يعني قبل الميلاد

قال وش فيه وش فيك انقلبت على يا غريب

يا بني أدام افهم تبي أيميلك عشان تتقابلون على الماسنجر وتأخذ راحتها في السوالف الخاتره تبي تفتح قلبها تبي تفضفض تبيك تحتضنها بحنانك وعواطفها لعن ابودارك البنت تبي تحس بأنوثتها مع رجل خلقت من اجله وخلق من اجلها تبي تشم عبق رجولتك الصافية فهمت يأبني ادم

يعني وش السوات

وش السوات

جب الكمبيوتر ها الحين وأرسل أيميلك

وأرسل الايميل وبعد ساعتين جات بشاير ألإضافة

وتقابله على الماسنجر
هلا

مين أنت

خزان الإحزان

ههههههههههههههههه
دوم يأرب مو بس اليوم

تدري إن اسمك حلو

عيونك الحلوة

ما شاء الله عليك تعرف تتكلم وتعبر

والله وش أسوي اللي يعرفك لازم يعبر

رد على: رتوش
 

خزان أبي أسألك سؤال وأتمنى تجاوبني عليه بصراحة
أتفضل

لو حبيتها وطلعت مقطوعة من شجره وتأكدت أنها إنسانه صادقة وإنسانه محترمه واكبر شي سوته ماسنجر ومنتديات وأنت عارف ها الحين مافي بنت إلا وما تقابلت مع رجال بالمسانجر بذمتك هل النظرة تتغير أو تضل مثل ماهي أو تنسحب

شف ياغريب

ما تصدق لو أقولك إني استمر متى ما كانت صادقة وصريحة ، صدقني إنا اللي راح ازرع فيها الثقة

طيب سؤال

تدخل ألنت لبيتكم ولا لا

قال سؤال صعب الإجابة عليه ، ولازم ها الموضوع ينفتح معها وبناء عليه اقدر أجاوب

شف إنا ما أقولك إن كل بنات المنتديات سيئات لا والله بس ترى فيهم مثلهم مثل الشباب فيه اللي يدخل ويتصيد وفي اللى يدخل يضيع وقت ومحترم نفسه يعني الكفتين متعادلتين وبعدين لاتنسا انت تتكلم على زواج صح ولا انا غلطان يعني بمجرد ما تتزوجون وتدخلون غرفة النوم كل واحد راح يبان على حقيقته يعني مافي مجال للتغير
يعني كلام الماسنجر والكلام المعسول راح تكتشف ان كلامك كان من منطلق عواطف وكلام معسول وحلو يعني ممكن لو أحطكم في منحل بتنتجون عسل سدر درجة أولى بس مشكلة إذا فكرت انك تسوي نفسك بطل فلم مع الملكه تعرف وش العقاب

إما على ارض الواقع كلامكم ونبرة صوتكم راح تتغير لا نكم تتكلمون من واقع مصير مشترك

صحيح بس انا محتار والبنية شاغله تفكيري بالحيل

يا خزان ممكن تكون مرحلة من مراحل المراهقة المتأخرة خصوصاً وانك انت منفصل عن زوجتك واحتمال انك اشتقت للحياة الزوجية طبعاً انا مقصد بحياة زوجية عند نقطه معينه او لحظه بذاتها واعتقد أنت فأهمني ، انا اتكلم على الحياة بصفة شاملة من الف الى الياء

لاتنسا أنت أب وهي أم تقدر تقولي كيف راح توفق بينها كزوجه وبين عيالك وبين بنتها لاتنسا إن البنت عايشه معها يعني لو الأب يبي البنت كان خذها مع العلم إن البنت تجاوزت مرحلة الحضانة
تقدرون تتجاوزون مراحل الحرمان اللى عشتوها انتو الاثنين بدون ما يكون على حساب سعادة عيالكم

خزان إنا ماني جالس احبطك لا والله بس ابيك تفكر بعقلك لا تفكر بقلبك ، ابيك تستخير ربك وتدرس الموضوع صح لاتنسا ان المرأة مطلقه لو فشلت في تجربتها الجديدة أهي اللي بتدفع الثمن الاكثر ماهو انت ، وأنت عارف مجتمعنا ينظر للمطلقة نظرة فيها الكثير من التجاهل او الظلم او الاستغلال من قبل البعض اذا حصل وتطلقت منك اعرف انك دقيت اخر مسمار في نعشها ولاتنسا أنها مازالت قادرة على العطاء 30 سنة تعتبر في عز الشباب يعني أنت ألان في وقت القطف وجني المحصول
وش دعوه لا يكون إن البنية مزرعة وانأ مدري

لا مو القصد بس أرجوك فكر وأفضل شي أبيك تاخد إجازة وتسافر بعيد عن المنطقه احتمال انك توصل لحل

معليش ابعد عنها أسبوع شهر بس إذا رجعت خل رجعت حاسمه للموضوع و وقتها إذا فشلت أنت من راح يتحمل نتيجة قرارك وإذا نجحت راح تقطف ثمار ما بذرته

مدري وش اقولك بس انت قلبت راسي

خزان انا ما نصحتك إلا إني ابيلك الخير وصدقني انا ماني ضد الفكرة او ضد البنت انا اعرفك ولا اعرفها يعني مابيني وبينها أي شي بالعكس اول من راح يفرح لكم هو إنا

على العموم يصير خير اذا صار شي راح اتصل فيك

يوم الاربعاء الساعة 10 مساءً


هلا وغلا هلا بالزين كله

هلا خزان وش لونك

بخير يا عمري
وش إخبارك وينك ما شفتك لي كم من يوم لا يكون مسويا بلوك

بخير لا و الله لا بلوك ولا شي بس كنت مشغولة

الله لا يشغلنا إلا بطاعته

امين كوارع ممكن سؤال

تفضل يا خزان

اقدر اعرف ليه تطلقتي

شف لو أقولك ما تصدق لكن الشاهد الله إنا كنت مخلصه لزوجي وكان هو كل شي في حياتي

بس للأسف زوجي كان إنسان أناني وما يحب إلا نفسه ومع هذا صبرت ثلاث أرباع الراتب على الشراب وكان

يضربني وإذا عطاني ريال بعد ساعة يجي ويأخذه وخليها على ربك

طيب ليه ما علمتي اهلك

اهلى الله يسامحك هم وين اهلى أبوي بعد ما طلق أمي تزوج من أجنبية وما تبيني اسكن عندهم وأمي متزوجة ورجلها قال ما تدخل بيتي عماني كل واحد مع مرته وحريمهم ممشينهم على كيفهم

ولد عمي رجال كبير اهو أحسن واحد استأجر لي بيت وسكني فيه إنا وبنتي وشهر يعطيني مصروف وشهرين ما أشوف ريال بيض الله وجه ما قصر رغم انه عند عيال وفاتح بيت

طيب وشلون تدبرين نفسك وين إخوانك

إخواني والله ما فكر واحد فيهم يمرني بس يخلوني اخدمهم وحريمهم ما يدانوني

أحيانا اشتغل في العروس مره قهوجية ومره سفرجيه وأحيانا اطبخ للعزايم في البيوت و بعض الامهات يخلون بزا رينهم عندي إذا راحو للعروس واللى تدفع عشرة ريال واللى ما تدفع وش أسوي الحياة صعبة

الله يكون بعونك تصدقيني ما كنت أتخيلك كذا

وش اللي خالك ما تتخيلني بها الشكل

يعني مجرد إحساس بعدين يعني معقولة ولا واحد من اهلك مافي قلبه رحمة

يابن الحلال خلها على ربك الحمد لله إن ربي ساتر علي وحا فظني إنا وبنتي

الحمد لله وطالما أنتي ماشية في طريق الرحمن لا تخافين محد يقدر يقرب منك

خزان اتكلم معك براحه أكثر

رد على: رتوش
 

الساعة 9:30

الساعة 10

الساعة 10:15

الماسنجر يسجل دخول ان ما عشت لك تري حياتي بدونك مالها معنى



قبل ما تسلمين وتهلين ممكن اعرف وينك من أسبوع

السلام عليكم ورحمة الله وبركاته

عليكم السلام ليه ماجا وبتي

أنت وشلونك يا خزان أول شي وش اخبارك

اخباري زفت ممكن اعرف سبب الغياب

ابشر بس ممكن اعرف انت ليه معصب

يعني اللى سويتيه ما يستحق إن الواحد يعصب له

يابن الحلال بنتي مريضه وكنت مقابلتها

سلامات ما تشوف شر طيب ليه ما علمتيني كان جيت و وديتها المستشفي

ما تقصر بس ما حبيت أزعجك

يا بنت الحلال أي ازعاج وأي خرابيط المهم وش لونها إن شاء الله احسن

ابشرك صارت طيبه الحمد لله عدت الأنفلونزا

وش عطاها الدكتور

أي دكتور

انتي ما وديتيها لدكتور

يابن الحلال احنا وين والدكاترة وين الله يخلى ام عمشه جارتنا لقيت عندها مضاد حق بنتها يوم انها تمرض قبل شهرين وعطتني الباقي والحمد لله البنت طابت

باقي دواء!!!!

ايه باقي دواء ماهي اول مره

طيب ليه ما رحتي مستشفي نور خان

يابن الحلال خلني اصرف علي وعلى بنتي بعدين اروح لمستشفي نور خان

طيب ليه ما مريتي مستشفي المللك خالد

بعيد عننا المهم انت وش لونك تصدق انك وحشتني يا خزان

حتى أنتي يا كوارع وحشتيني موت ابي اطلبك طلب وأتمنى توافقين عليه

اذا اقدر ابشر

مافي اذا اقدر ابيكي تقولين تم

طيب وإذا ما اقدر

لا تقدرين

يصير خير اطلب

ابي اشر يلك جوال وشريحة

الله واكبر شريحة وجوال مره وحده

ايه جوال وش فيها على الاقل اذا بغيتك لقيتك

الله يسامحك بذمتك وجهي وجه جوال وها الجوال ما يبيله تسديد فواتير

لا تشيلين هم انتي وافقي ويوصلك لحدك

لا مشكور ما تقصر

ليه يعني خايفه من شي معين

لا والله ماني خايفه منك بالعكس انا احس انك منى وما تعرف قد ايش فقدتك الاسبوع اللى راح

خلاص طالما انتي واثقة إني ما ابي أي مقابل خلاص وافقي ، قبل ما انسى وين رقم الحساب

خزان لا تكلف على نفسك انا ادبر اموري ارجوك

يا بنت الحلال ما من كلافه ولاشي

يعني كل هذا وله

بصراحة إيه ونفسي اني اتعرف عليكي اكثر بالعربي ابي اقرب من قلبك

يا الله قلبي مره وحده بس اخاف اني ما اكون قد المقام

يا بنت الحلال كلنا عيال تسعه

اخاف بعد فترة تغير رأيك

ليه أغير رأي فيه شي ما اعرفه عنك

رد على: رتوش
 

والله مو القصد بس انا عايشه على احسان الناس وأنت ابن ناس وعايلة ولك جماعة واهل وشكل الله منعم عليك يعني في فرق بيننا

يعني اخاف يكون اندفاع وبعدين تمل وتتحسف ، وإذا رحت إنا اللي بدفع الثمن

ثمن شنو

يعني بفقدك ومحد يكون جنبي اشتكيله و افتح له فلبي انا اشوف نكون كذا احسن

فكري بالموضوع

يصير خير

بشرني وش لون عيالك

ابشرك بخير

الحمدلله

الا وش لون بنيتك ها الحين

ابشرك زينه يارب لك الحمد يؤؤؤؤؤؤؤؤؤؤؤؤؤؤؤؤؤؤؤؤ اذن الفجر

بتدخلين بعد الفجر

عشانك يا الدب بدخل




هلا كوارع

ما شاء الله أشوفك جيت بسرعة لا يكون ما صليت

لا أبشرك صليت وسننت بعد

الله يتقبل منك

تسلمين وش قلتي بخصوص الجوال

يابن الحلال لا تكلف على عمرك

طيب وين رقم حساب الفاتورة

خزان ارجوك

إلا ارجوكي أنتي ولا إذا ما تبين خليني أتوكل على الله دام احنا تونا على البر

يا الله لها الدرجة انت مهتم

وأكثر بعد

طيب يا الدب هذا الرقم 159842357

طيب اقدر اطلبك طلب

وش فيه بعد كثرة طلباتك يا خزان

أنتي وين ساكنه في الحفر

في منطقه يقالها العشيش

حولكم مسجد او سوبرماركت او شي مشهور

مسجد الصحابه بيتنا جنبه

تمام إلا ما قلتيلي وش اسم بنتك

اسمها فهده

حلو يعني انتي ام فهده

ليه تسال وش السالفة

لا مجرد سؤال

لو قلتلك اني ابي اشوفك وش تقولين

افا هماك تقول ما تفكر بمقابل

يا بنت الحلال ما ابي منك شي ابي اشوفك على الطبيعة ليه فيه شي معين يدور براسك قله وانأ أريحك

لا مو القصد بس أبي أشوفك عن قرب

شف إنا ما اقدر اطلع ولا أروح ولا أجي وكل اللي حولنا يعرفونا وأخاف احد يشوفك او يشوفني وتصير مشكلة

على العموم أتمنى إن تقرب منك أكثر وأكثر

حتى انا ودي اتقرب منك واتعرف عليك اكثر ماتتخيل قد ايش انت صرت تعنيلي ونقطة تحول مهم في حياتي

طيب ليه ماتخليني اشوفك وش اللى مخوفك بعدين انا سبق وقلت ما انتظرمنك أي مقابل ولا افكر في أي شي

مدري وش اقولك

لاتقولين ولا شي انتي وافقي ويصير خير

والله اني خايفه

قوي قلبك وكلها شوفه لااكثر ولااقل

رد على: رتوش
 

طيب اسمع وش رايك الاسبوع الجاي احنا عندنا عرس وبنروح نصب قهوة ونخدم فيه تعال واذا طلعت اخليك تشوفني

وش دعوة اقط وجهي في عرس واذا احد سألني اقوله جاي ابي اشوف وحده من القهوجيات

هههههههههههههههههه

وانا صادق

طيب وش اسويلك ظروفي صعبة وهذا المكان المناسب لي

يصير خير

هلا ابو غربه كيفك

بخير ها بشر وصار بينكم يا الحبيبه

حاكيتها عشان ابي اشوفها

طيب متى بتروح تشوفها

الاسبوع الجاي

والله منت بهين يارومويو طيب وين بتتقابلون في فندق في مطعم شف تبي نصيحه رح انت وياها كوفي شوب وافطرو وخلوه فطور عمل

يا ابن الحلال فطور ايش وغذا ايش بنتقابل في عرس

عيني ياعيني ومسويه نفسه بريئه والله ماهي بهينه يعني تبي تقول انها رايحه عرس ومن هناك تطلع معك والله منت بهين يا نمس

يابن الحلال انت فاهم غلط الموضوع ومافيه انها موقعه عقد عمل مع اهل المعرس او العروسه عشان تخدم هناك

مافهمت

هماني قايلك انها تخدم في العروس خلاص عندهم عرس وانا بروح اقط وجهي واخر الليل بشوفها اذا جات تطلع من الصالة

كككككككككككككككككككككككككككككككككككككككككككككككك

يحقلك اضحك

لعن ابو الحظ والله ياعليك حظ تصدق انك مقرود وحظك تقل كنه ذكر وافريقي بعد

يعني انت تذكرني بسوقين التكاسي يقطون وجيهم في العروس يتعشون ويشيلون زباين بعد العشاء

لحظه هذي مكالمة من بنيتي

رد على: رتوش
 

هلا يبه

هلا تماضر وش لونك يمه

بخير

يبه وأنت جاي أبيك تجيب لي إغراض إبله نورة مسويه حفلة وتبنا نجيب بعض الإغراض للفصل على فكرة تسلم عليك كثير السلام

الله يسلمك ويسلمها

لحظه خليني اكتب

بس هذا

إيه يبه شف ثامر يبك

هلا ثامر وش عندك

يبه ممكن تجيب لي حجار عشان ريموت السيارة

ابشر بشر وش سويت في المدرسة

زين حليت كل الواجبات والمدرس كتب لي ملاحظه زينه

شاطر وش لون ألشينه تغريد

تذاكر تسلم عليك وتقولك لا تنسأ الكيك واليوم تبيك توديها ألمول

ابشروا من عيوني اليوم ننزل الخبر

يبه ترى لازم تعشينا في المطعم وبعدين نبي نروح المار ينا مول

ابشروا من عيوني يعني ما عاد تبون البر

إلا يبه خله يوم الخميس بس اليوم نبي الخبر الله يخليك

ما يخالف خلو راضية و نايده يجهزون أغراض البر وصندوق العزبة في الكراج تبون شي ثاني

لا شكراً

خزان تصدق أحس إن عيالك شغالين حياتك كثير

والله هم نور عيوني وما ادري وش لون بعيش بدونهم يا الله خلها على ربك اللى الله كاتبه بيصير

الله يخليك لهم

تسلم

غريب شكلي بطلع أبي أجيب أغراضهم وأريح والله يعينا على نزلت الخبر والله أنهم يقلبون سحلت راسي إذا نزلنا الخبر ما غير من مجمع لمجمع بس تصدق استأنس

الله يعينك ما عليك رح وإذا احد سئل أبي اصرفه

الساعة 1 الظهر المكان أسواق بندة العزيزة محلة ألدفي حي الفردوس

بالصدفة واثنا التسوق وبطريق الغلط يصدم عربية امرأة تتسوق

أوه أسف يوخيتي والله ما انتبه لك

ما صار إلا الخير

لا لحظة إنا بلم الأغراض ،،،

لم إغراض ألمراء وحطها في ألعربانه وهو شارد الذهن كانت امرأة في قمة الجمال والأناقة وابتسامتها كانت تزيد من مساحه الجمال الرباني على محيا ألمراء

اكرر أسفي أختي الفاضلة وأرجو المعذرة

ولا يهمك ما صار إلا الخير

أشكرك على لطفك وذوقك

شكرا

انتهى من التسوق وعند المحاسب رفض إن يتقدم على ألمراء وأعطها الدور

وبكل رقه ردة عليه شكر على لطفك

عفواً

وإثناء خروجه من السوق شافها تركب سيارة كادلايك اخضر اللون

وفي السيارة وهو يدلف إلى بيته اخذ يفكر في ألمراء وهل كوارع على قدر من الجمال كما هو حال ألمراء

وبمجرد وصوله للبيت تجاذب إطراف الحديث مع الأبناء وطلب منهم إن يتغذوا وهو راح يأخذ غفوة إلى صلاة العصر ومن ثم يتوجهون إلى الخبر

وبعد يوم حافل هاهم يعودون إدراجهم إلى الجبيل استعداداً لطلعة البر في الغد

رد على: رتوش
 

اليوم الخميس قام جميع من في البيت ثامر ذهب للمسجد برفقة أبيه

وبعد الصلاة كان الجميع على استعداد للذهاب للبر وكالعادة اخذ الأب يسأل الجميع هل جميع أغراضنا جاهز كان الرد من الجميع كل شي على مايرام وتوجهوا إلى إحدى فياض الصمان وبالتحديد فيضه أم المصران واخذت تماضر في ادخال الاحداثية الخاصة بالفيضة N2636500
E4733900 وبعدما تاكد الاب من صحة الاحداثية تحرك الركب

وصل الجميع واعجب بمنظر الفيضة والخضار

الأب وثامر يبنون الخيمة وإما البنات آخذو يتجولون في إنحاء ألفيضه والشغالتان يساعدون الأب والابن في تنزيل وتوزيع الأغراض

وبعد التجهيزات الأساسية تناول الجميع الفطور واخذ الأب في تجهيز اللحم وتتبيله

ثامر يحب المشوي بس بدون بهارات على عكس تماضر وتغريد يستمتعون بالمشوي إذا كان مبهر وبقليل من الفلفل
الشغالتان يعشقون المشوي ولكن دجاج بطريقتهم الخاصة

وبداء الأب يشوي لهم اللحم والدجاج وكان هناك صاج خاص لتجهيز ألكبده والمقلقل وهنا اخذ العيال يمزحون مع الأب ويعلقون على طريقته في تحضير ألكبده والمقلقل

وتعالات الضحكات وبعد انتهاء الشواء واستمتع الجميع بالغذا فكر الأب في جولة استكشافيه في ألفيضه وجمع الحطب وكانت الفيضة ملاءة بالسدر وبعد عودتهم من جمع الحطب دخل ثامر والأب وتماضر وتغريد في تحدي كبير في لعب كرة القدم

رد على: رتوش
 

الأب وتغريد ونايده فريق وتماضر وثامر وراضية فريق

وبعد مباراة جميلة انتهت بفوز تماضر وثامر وراضية وكان الفارق هدفين

وبعد العصر اخذ الجميع في تجميع الأغراض والاستعداد للرجوع ولكن شبت الضو والجلسة كانت جميلة للغاية فلم يرغب الأب في حرمان الأبناء من الاستمتاع كونه يعرف طريق الخروج من الصمان وكان ذلك بفضل نظام ألجي بي اس وبعد ما إن خيم الليل تحرك الجميع وفي إثناء العودة وبعد ما أيقن إن الخادمتان يغطون في النوم بجانب ثامر وتغريد

دار حوار بين الأب وتماضر وكان يرمي إلى الزواج حس بان تماضر ترفض الفكرة واستشعر الأب حزنها وبسرعة وبذكاء قال إنا امزح لا أكثر ولا اقل وعادت الابتسامة والبشاشة إلى محيا تماضر وهنا دارت سوالف و ومزاح مع الابنة وفي تمام الساعة 1 من صباح يوم ألجمعه وصل الجميع إلى منزلهم بمدينة الجبيل الصناعية

وقبل النوم تفا جاء برسالة على جواله وكانت المرسلة حليمة كوارع

وعلى الفور اتصل بها وبمجرد سماع صوتها لم يحس بتعب الرحلة

هلا حبيبتي كيف حلك وأخذت في البكاء وبعد إلحاح وبعد ما إن قدر يهديها كانت هناك مفاجئه غير سارة تنتظر خزان الأحزان

تصدق يا أبو ثامر انك تعني لي كل شي وبعد معرفتك حسيت إني إنسانه ثانية

طيب وش سبب البكاء

اتصل أبوي و قالي زوجك يبي يرجعك وهو عقل وتغير وانأ أشوف انك ترجعين له

بس أنتي قلتي انك مطلقه

صحيح هو طلقني طلقه واحده وانأ محتارة مدري وش السوات

طيب أنتي وش تبين

إنا أبي سعادة بنتي

لا يهمك إنا فهمت الباقي على العموم استخيري الله قبل كل شي

طيب وجوالك والرقم

اعتبريه هديه مني لك و إذا دارت عليكي الدواير لا تترددين في الاتصال إنا في انتظارك في أي لحظة

طيب وبخصوص بطاقة الصراف والحساب

أوعدك إن كل شي راح يستمر على ماهو علية الين ما تستقر حياتك مع زوجك وتتأكدين انه رجع إنسان ثاني

خزان حرام عليك أنت كذا تحسسني بالذنب


وضل في نقاش مع أم فهده إلى أذان الفجر وانتهى كل شي

وحينها توسد أبو ثامر الألم

رد على: رتوش
 

صباح الخير

هلا غريب صباح النور

كيف الحال

الحمد لله

أبو ثامر فيك شي أحس انك متغير سلامات صار شي بينك وبين كوارع

انس ما صار شي

اجل وش فيك

غريب تكفا خلني ها الحين بعدين نتفاهم

خير إن شاء الله وأسف إذا أزعجتك

ولا يهمك

وإثناء تنولهم الغذا في مطعم الشركة حس الغريب بضيقة صدر أبو ثامر وفتح الموضوع بهدوء وبطريقة ساخرة ومضحكة

أبو ثامر لا يكون بعد التعب والعنا وتسديد الفواتير والشريحة وجوال بكاميرا طلع شنب وجالس يقلد صوت بنية

لا يكون اللي شفته في العرس شغالتهم وقالك انه اهو ترى الشباب يسون ها الحركات

ههههههههه

إيه يا شيخ اضحك والله انك ذبلت كبدي ورفعت ضغطي ما غير مبوز ها وش السالفة

ولا شي بس انتهينا و وصلنا لطريق مسدود وكل واحد راح لحالة

وش دعوه أمس تتعرفون اليوم تفترقون هو انتو لحقتو

يا بن الحلال خلها على ربك تكفا غريب قفل الموضوع الله يخليك

افترقنا وخلاص

على راحتك واكرر أسفي لتطفلي

معليش ما جبت شي جديد

خخخخخخخخخخخخخ

أقول وش عندك العصر

سلامات لا يكون تبي تسحبني معك لحفر الباطن

الله يأخذ عمرك

بعدين ما تلقى احد يرفع ضغطك

حسبي الله عليك

وش عندك اليوم عندي موعد المستشفي ليه في شي ضروري عادي ا اجل الموعد

لا والله بس ضايق صدري و ودي انزل الخبر أو إني أروح للبحرين أبو ناصر يقول فيه أفلام جديدة نازله

أفلام ولا ولا

الله يخسسك لا والله ضايق صدري وأبي أغير جو ومن زمان عن البحرين

والله مدري وش أقولك بس تخبر العملية قربت ولازم أقابل الدكتور

الله يعين شكلي بروح لوحدي


الساعة 5:30 مساء أبو ثامر يصل إلى جسر البحرين وينهي اجر الدخول

وفي مجمع الدانه حيث السينما قام أبو ثامر بحجز مقعد خلفي ولم يكن المقعد المجاور مشغول حيث انه معتاد على الجلوس في الصفوف الخلفية وعلى يمين الصالة حيث هناك الوضعية الهرمية لتوزيع المقاعد

يبدءا الفلم في تمام الساعة الـ 6:45 مساء

وبعدما اقترب موعد الفلم كالعادة يحب إن يتسلي بالفشار وقنينة ماء

وبعد دخوله إلى الصالة واخذ الجلوس في المكان المخصص له

تجلس بجواره امرأة ولم ينظر إليها أو يسترق النظر وكان قد تردد في الجلوس بجوارها ولكن فضل إن يغير مقعده بعد ما يبدءا الفلم لكي يعطي المرأة الحرية التامة

وقبل ما يبدءا الفلم وبطريق الخطاء سقط كاس البيبسي من يدها على ثوب ابوثامر فما كان منها إلا إن تعتذر بعدما كشفت النقاب عن وجهها وحينها تسمر ابوثامر كونها امرأة السوبر ماركت واخذ يشكك في تخمينه وبلطف أخرجت محارم من حقيبتها وقدمت اعتذارها الشخصي على ما بدر فكان دهاء أبو ثامر حاضر

قال لها لا عليكي قبل أيام اسقط حاجياتك في السوبر ماركت وها أنتي اليوم تردين الدين ابتسمت وقالت صحيح أنت من كنت في السوبر ماركت
نعم ولكن إنا لم أتعرض لثيابك فلم يكن بوسعها إلا إن ضحكت وقالت في نفسه رب صدفة خير من إلف ميعاد
ودار نقاش بينهم وتعالت الضحكات واتفقا بعد الانتهاء من الفلم إن يتناولا وجبة العشاء في مطعم هادي متخصص في المأكولات البحرية فما كان منها إلا إن وافقت وقبلت الدعوة بكل امتنان



انتهت

رد على: رتوش
 

بعد رحيل أم فهد وضيقة العيش اللي يعيشها أبو فهد ولولا ابنته الكبرى لجن جنونه

ابو فهد رجل على مشارف العقد السادس من عمره

هند الابنة ألكبري لا أبو فهد تجاوزت منتصف العقد الثاني من عمرها طالبة بإحدى الجامعات

سوزان الأخت الشقيقة لا أبو فهد تعمل في مجال الخاطبة وتجميع الرؤؤس بالحلال

سوزان وهند الابنة لا يتفقان كون أفكارهم متباعدة أبو فهد المستفيد الأوحد من الخلاف

تدور إحداث القصة في منزل أبو فهد وبصحبة سوزان وهند

رد: رتوش
 

كل عام وانتو بخير إنا ضيفتك الجديدة أم صدقة من جده




























مبارك عليكم الشهر إنا أم خليفة من الشرقية





































ينعاد عليكم إنا حمده من الشمال

























شهركم مبارك إنا أم عزة من الجنوب






























كل عام وانتو بخير وشهركم مبارك إنا أم مضاوي من نجد






































شفتو اللي صاير في البلد

ايش صارير يا ام صدقه

وي وي انتو فين عا يشين يقولكم البلد قا يمة وقاعدة الرز رفعو سعروه والقوطة كمان صارت في العلا لي وكل هذا وانتو نايمين

وش عرفنا يا أم صدقة إحنا يا لله نعرف وش صاير في الفريج عشان اعرف وش صاير في البلد ، اهو بس من ها السوالف إلا قولي لي وش سويتي باللقاح اللي جابته أختي سبيشه من الحساء

لقاح ايش يامي ونخل ايش ياستي احلي من وصفات الدكاترة ما فية ايش رأيك يا حمده في الكلام

والله يبعد حي ما من علم دام ان ها العنز تدر حليب وأبو خلف مستانس مع ربعه تخبرين كل يوم عنده الشبه

ليش هو يشتكي من حاجه في با طو

باطو في عينك يا أم صدقة شبه يعني عنده الرجال يتعللون ،

ايش يتعللون هذي كمان

يعني يسمرون للصبح

وي للصبح

إيه يا مال الغنات للصبح

وديني ومعبودي لو يسويها أبو صدقة لا انتف ريشه


قسمن بالله إن الرجال قهرونا الله يطعني عنش يا أم صدقة

أنتي اتجننتي ياحرمة تطعني نفسك يا أمي حرام تروحي على نار جهنم عدل لا حساب ولاشي اصلو مين اللي بيطالع فيك ذيك الساعه

نار جهنم تأخذ عقلك ياخبله اقول الله يطعني عنش تقولين جهنم بقعا تصوعك بلا بقعا تصوعك

أم مضاوي ايش تقصد الحرمة بكلامها يختي تحسيه ملخبط طعن ومدري ايش

يومن انك ماااااتعرفين تحاااكين وش هولاااااا تتلقفين يا الرفلة هماني قا يلك اسكتي يا ألشينه

انا شينة يا البدوية دحين صرت كوخه خلاص كلامي صار ثقيل على قلوبكم

هيا قومي انتي وهيا بيتكم بلا قرف

صدج ماتستحين ولا تنتخين ياجليلة الحيا ها الحين جاين نسمر عندك تاليتها تطردينا ووووووووويه سليمة تصك

مين سليمة هذي كمان

انت يا بدوية يانجدية تعرفي سليمة

اعرف الملاس اللي يصكك مع علباك ياحضرية

رد: رتوش
 

جميل جداً إن تجد إنسان يرسم الابتسامة على محياك ويدخل الفرح والسرور على قلبك
جميل جداً إن يكون عطائك موازي لما تجنيه من حب وان كان أكثر فهذا كرم منك
جميل جداً إن تبني علاقاتك على أساس واحد لا ثاني له الصدق ومن ثم تتفرع الشفافية، الاحترام، التقدير، العطف، الحنان، الطيبة، الثقة
جميل جداً حينما تحس بأنك شخص غير قادر على تحقيق الأحلام المرجوة إن تتنحى جانب وتدع الفرصة لمن هو اقدر

وبعد جمل الجمال السابقة

الأجمل إن تحتفظ بحجم الحب وبحجم الصداقة وبحجم الحنان وبحجم الامتنان لمن تواجدوا في حياتنا ولو لأيام

رد: رتوش
 

جميل إن تبدءا الصداقة بابتسامة

والأجمل منها إن تنتهي بابتسامه

الوداع مر وبالذات وداع الاصدقاء

ولكن نجد انفسنا مجبرين

كنت اقارن بين الامس واليوم فوجدت هناك

فرق شاسع جداً

المشاعر لم تعد مشاعر والاحاسيس

ليست بافضل حال من سابقاتها

انتابني شعور غريب لم اعهده منذ امد بعيد

ولكن من اصعب المواقف على انسان

حينما ينوضع على مفترق طريق

ويجد ان احلاهم مر

لذا يصعب الاختيار والمفاضلة

بين حلاوة لقاء شائك وطعم فراق سائغ

ضغوط الحياة والعمل لعب دور قد يكون غير مباشر ولكن

لها دور رئيسي ومهم في تغير نمط حيتنا وسلوكنا

اضحينا ننظر للامور من خلال معاير قد نصعب فهمها

ولكن وجدنا انفسنا نتعامل معها بكل اريحيه

بغط النظر عن القبول او الرفض.....

08/02/05

غريب

رد: رتوش
 

عندما يغوص الشاعر في عالم الكلمات

والمفردات فمن حقه ان ينتقي منها ما يشاء

وعندما يحلق في عالم الجن وملوكهم

فمن حقنا ان نحلق معه في سماء الابداع

ولا نستمع بل نصغي

رد: رتوش
 

[color=#AC5668][align=right]أحيانا تكتبنا المشاعر وأحيانا نكتبها
يا صاحبي لا تقولي إنا شاعر وافهم بحكي المشاعر
قضيتنا شعور وإحساس مبني على ساس
عاتبني إلف مرة خطيني بعد مره بس ما أبيك تجاملني ولا مره
ربينا وتربينا على رسم مشاعرنا
عدت سنين وسنين
كان بها حرمان ، وشقى ،، وسنين الم ،، وسنين بها شفنا العجب
بعد كل هذا عدينا ،،،، وعدتنا الدنيا ،،، لعالم مجهول
تقتلني الزلة لاجات من وافي
تخنقني العبرة وهي توها عبرة
كلن يعيد وكلن يزيد وكلن يحق له يأمر وينهي ويتكلم لو بغير المفيد
إلا إنا مازال عليا الحظر قائم ،، بامر من الحاكم الوالي
ممنوع تقول
ممنوع تعبر
ممنوع تحكي حتى ولو بالمضمون
هذي هي دنيتي بها الأتراح أكثر من الأفراح
سنين شقى و حرمان،،،،، سنين الم وفراق ،،، سنين ما بها لقا ما غير بعاد[/align][/color]

[color=#808080][align=left]غريب[/align][/color]

رد: رتوش
 

جـمـــيـل

أن يـكـون لـك قـلـبـا ً

أنـت

صاحبه

ولـكـن

الأجـــمـــــل أن يـكـون لـك

صـاحـبـا ً

أنـت

قـــلـــبـــه

:)