توقيعي اختفى
 

أم فيصل ماقصرت وسوت لي توقيع الله يجزاها خير ويخليها لعين ترجيها :)
لكن المشكله وين راح هالتوقيع ؟ اختفى فجأه يمكن انتهت مدة الصلاحيه من مركزالتحميل ويمكن أحد أعجبه وسرقه؟ ويمكن أم فيصل ملغيته وبتسوي لي غيره الله أعلم <<<<<<<< واحد يلمح ;)

خخخخخخخخخخخخخ
وين احد يسرقه
لا شكل المركز اللي حملت منه قفل او انه غير مجاني مسويه دعايه لمده محدوده

لا شوي وتقولين من زينه
ترى بعلم أم فيصل عليك ياعهود

وهالحين طيب وش السواة مستحي من أم فيصل أخاف تقول لي انك قليل خاتمه ودي الأرض تبلعني ولا تسألني عنه :(

اخي الشاعر سناعيس
انا ا ن شااء الله اقول لام فيصل تسوي لك توقيع
الليله لايضيق صدرك ا نا بفزع لك
تحياتي

هلالالالالالالالالا اخوي سناعيس

ابشر والله ... تستاهل كل خيــــــر والله والخنساء بعد ما قصرت فزعت لك :)

لا تستحي وانا اختك بسوي لك واحد احسن منه ان شاء الله قرررررريب

والظاهر مركز التحميل وقف او فيه مشكله لكن خلاص مدام عندنا مركز تحميل في الفطاحله ما فيه مشاكل


الله يعافي المشرف العام ما قصر ان شاء الله ما يخرب ابد :)

بس ذكرني بالأبيات اللي تبيها في التوقيع :)

تحياتي واحترامي لك :)

[QUOTE]لا شوي وتقولين من زينه
ترى بعلم أم فيصل عليك ياعهود
[/QUOTE]
الله يصلحك لاتفسر خطأ ..اقصد استحاله احد يسرقه وشولن بينسرق والباسوورد مااحد يعرفه غيرك ..
وبعدين شرهتك على اللي يذكر التوقيع من اصله علشان يقول زين ولاشين :p

الخنساء : كفو والله يابنت الرجال
أم فيصل : غمرتينا بكرمك وبالنسبه للأبيات انتي حطي أبيات من عندك انتي شاعره فطحوليه مايستهان فيك
عهود : شكلك غايره من توقيعي القديم وقمتي تنظلين فيه لين اختفى بس التوقيع الجديد مانيب حاطه لين نعزمك على القهوه وناخذ العبس حقك :d

[QUOTE]عهود : شكلك غايره من توقيعي القديم وقمتي تنظلين فيه لين اختفى بس التوقيع الجديد مانيب حاطه لين نعزمك على القهوه وناخذ العبس حقك :d
[/QUOTE]
طيب ليش تحب ترفع الضغط اقول لك والله مااذكره تقول غايره بكيفك عاد :p
وانتظرني لاتنزل التوقيع لين اجيكم لأني ماراح اجي وان جيت بالصدفه ماني بشاربه قهوه لااني مااحبها :p

أما عاد ماتذكرينه وانتي اللي كنتي منهبله عليه .. كثري منها :eek:
وبالنسبه للقهوه اذا ماتحبينها نعطيك ملك تشك بس كلي تمر أهم شيء :rolleyes:

وعلى ذكر القهوه والتمر
فيه واحد من جماعتنا عيار ( مزاح ) شك فيه واحد من جيرانه انه ناظله ويقالك ذالجار بيسوي فيها ذكي وعزمه وجابله تمر من أحسن انواع التمور على شان يرغبه أكثر وأكل لين شبع وأخذ كل العبس وحطه في جيبه يوم انقهر راعي التمر وقاله وراك أخذت العبس يافلان قال أعجبني صراحه هالتمر وباحاول أزرعه وطلع من عند الرجال وهو داري انه بيتابعه قام ورماه في أقرب زباله وقال عاد لقطه يافلان واشبع به هههاههههه
وترى الرجال ماينظل بس جاره شكاك زياده عن اللازم زيي :D

خخخخخخخخخخخخخ
زين قلت لي علشان اسويها فيك لاانك شكاك اكثر من جاره وانا بصير عياره اكثر من قريبك وبرميه في الزباله اللي في بيتك مب برى بيتك :p
[QUOTE]أما عاد ماتذكرينه وانتي اللي كنتي منهبله عليه .. كثري منها
[/QUOTE]
والله ثم والله مااذكره لاترفع ضغطي :(

والله رجيتنا انت وتوقيعك يااخي بدال التوقيع ثلاث تواقيع بس ارفق على حالك:p

لا ما بي الا توقيعي قولي لي وش سويتي به ترى الى حد الآن المشرف العام مادرى عنك
اقربي شوي .. اذنك ..اعترفي لي وبسامحك والا باعلم الحكومه واخليهم يعاقبونك ويشلون توقيعك :cool:

خخخخخخخخخخخخخخخ
خل الحكومه تدري اصلا انا برفع عليك دعوة ظلم ..ايه لاانك ظلمتني لااخترق جد واحذفك كلك :p

>>>>>ياويلها من الحكومه ترى تمزح اصلا ماتعرف للهكرز طريق

عهود انتبهي
ترى مشرفنا عنده حساسيه ضد الهاكرز ياويلك لو تطرينهم مره ثانيه :mad:
وأنا ماظلمتك انتي اللى ظلمتي نفسك يوم تدورين حوالين توقيعي قبل مايختفي
وترى شافوك ناس كثيرين وانا كنت وقتها نايم
لكن ماعليش الله يسامحك <<<<<<<< واحد خاف من رفع الدعوه :(

:p
:p
:p

رفعت ضغطي :(

ههههههه لاحول وش فيكم :)


اخوي سناعيس والله لا اني شاعره ولا شي
انت الشاعر ما شاء الله عليك

اكتب الأبيات اللي تبيها في التوقيع وابشر بكل خير :)

اخوي سناعيس

انا سويت لك بس ما كتبت ابيات لأن والله ما عرفت اكتب شي زين

وانت قولي الأبيات وانا اضيفها على اي توقيع تبي اوكي ؟؟





[IMG]http://www.fatahilah.com/upload/23044704f8807760.jpg[/IMG]

اخوي سناعيس

قول الأبيات اللي تبيها واضيفها انا على التوقيع اللي تختاره

وتحياتي لك:)

الفاضله أم فيصل
وقع الاختيار على الرقم 3
بس ياليت يكون كل التوقيع أصغر شوي وتكون هذه الأبيات بما يعادل البنط رقم 5
يعني نفس الحجم الآن وبلون مناسب ربما بالأسود والا وش رايك
وتكون كلمة سناعيس على اليمين في الظل وتكون أصغر قليلا وبنفس اللون الأصفر

مع الشكر الجزيل من قبل ومن بعد

[poem=font="Simplified Arabic,5,,normal,italic" bkcolor="transparent" bkimage="" border="none,4," type=2 line=0 align=center use=ex num="0,black"]
في دارنا تلقا الفطاحل على الديـن=وتلقا لهم في كل الأنـواع ابـداع
فقلوبهم حب لبعضهم مـع الليـن=يشرون من يشري ويبيعون من باع [/poem]

ابشر اخوي سناعيس

في اقرب وقت ان شاء الله:)

[IMG]http://www.fatahilah.com/upload/2304472417fe5d39.jpg[/IMG]


تفضل اخوي سناعيس :)


تحياتي لك:)

مصممتنا الراقيه والكريمه الفاضله أم فيصل
أفيدك بأنني قد تزينت بتصميمك الرائع
وأشكرك على كريم تجاوبك
حاولت تحميله من مركز التحميل الموجود لدينا ولم تفلح محاولاتي ياترى ماهو السبب ؟
حاولي تشييكه واذا كان هناك خلل أرجو ابلاغ مشرفنا العام عن الخلل
وقد حملته عن طريق موقع آخر ونجحت المحاولة

تحياتي

أخوي سناعيس مره ثانيه إذا جيت بتأخذ صوره من النت لاتتعب عمرك وتحفظها ثم تحملها مره ثانيه..
بقول لك طريقه اسهل
تجي عند الصوره اللي تبيها من النت وتضغط على جهة الماوس الايسر ومن خصائص انسخ عنوان اليو ار ال واللصقه في مشاركتك او مكان تعديل توقيعك وبس أما إذا كانت في جهازك بتظطر لتحميلها ..
آسفه على المقاطعه بس حبيت انك تستفيد وتخفف على نفسك التعب

اخوووووووووي سناعيس


اولا لا شكر على واجب وانت تأمر ما تطلب

ثانيا اصلا ما يحتاج انك تحمله على طول تضغط بزر الفاره اليمين على التوقيع وتنسخ الرابط
وتحط في التوقيع

ثالثا : مركز التحميل اللي عندنا مو خربان بس هو كذا ما يطلع الصور ... اذا حملتها وخلصت روح للصورك الخاصه وتلقاها هناك فهمت ؟؟


وشكرا لك :)

اخوي سناعيس :)


اولا :)
لا شكر على واجب وانت تامر مو تطلب :)

ثانيا :
ما يحتاج انك تحمل التوقيع على طول تضغط على التوقيع االلي حطيته انا لك بزر الفاره اليمين وتنسخ الرايط وخلاص وتحطه في التوقيع

ثالثا : مركز التحميل عندنا ما فيه مشكله هو كذا ما يطلع الصوره لك لازم تروح للصورك الخاصه وتلقاه هناك متحمله عرفت كيف؟؟ :) يعني مو مثل باقي مراكز التحميل انا مثلك استغربت في البدايه :)

تحياتي لك:)

الاخت عهود
شكرا لك على التوضيح <<<<<<<<< ياشين العليمي

تحياتي

أم فيصل
مايامر عليك عدو يالكريمه
لاهنتي يالغاليه ماقصرتي
شكرا لك

تحياتي