ياصاحبي ليه القصايد بلا احساس
 

[poem=font=",6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا صاحبي ليه القصايد بلا احساس=متى يعود الشعر بعض اعتباره
متى يصوغ احساس هالناس للناس=باجمل بحر واقوى بيان وعباره
مشاعر ٍ تبني المعاني على ساس=تهز عالمنا وترسم شعاره
شف العرب من المنامه إلى فاس=تآكل بعض والجار يغدر ابجاره
أحلامنا تمشي على درب الأفلاس=ماعندنا قدره نثبت مساره
أفكارنا ماهي على خير نبراس=ماهي تعدى حد ذيك المناره
صرنا سوات البن في وسط محماس=من بعد وسع الدار صرنا ابمغاره
وحتى الحسد يسري كما فعل عمواس=من هو يصيبه صار دربه قشاره
صار العدو السوس ينخر بالأضراس=ماله دواء بالصيدله والعطاره
لاحت مزون الشر من فوق الأطعاس=تضرب صواعقها علينا مثاره
ياقوة الله صابني اليوم وسواس=من وضعنا اللي بان فيه افتقاره
وين الخليج اللي لهم عالي الساس=يوم الملا كله وضع لاعتباره
ذكره يسلي خاطري يرفع الراس=بنيت له قصر ٍ رفيع ٍ جداره
واليوم ياوجدي عليكم توجّاس=وجد الكسير اللي حدته الجباره
تبغون مني كلمه ٍ بين الاقواس=كل العرب راحو صراحة خساره
كم مجلس ٍ وثق على بيض قرطاس=ون جيت لم الحق منسي قراره
صرنا مثل خرب ٍ بمخلاب قرناس=شال الاماني كلها في مساره
زرع التواصل بيننا صار يباس=ياكيف يقوى والاماني مُعاره
دقو علينا الغرب زفات الأعراس=سرنا معاهم في صريح العباره
وأنا بقول الشعر باشباه عباس=اللي حضن غدر الخيانه بداره
يضحك ويخفي بالحشا حقد غراس=في شعبه اللي ذاق كود المراره
طفل الحجاره يشتكي ظلم الأنجاس=وعباس يوعدهم يسوق البشاره
راحت سنين العمر والحق ينداس=ذاقوا التشرد والأذى والدعاره
ذبلت زهور العز من زيغ بلاس=يسوق من جوفه خوافي شراره
يسعى لقطع الخير لاشر مراس=مايهتني دايم بليل ونهاره
والطاغيه بشار للشر غراس=بانت خوافي بسمته مستعاره
حسيبه الله هاوي ٍ قطع الأنفاس=هو مادري إن الظلم عجل ٍ مداره
بشار لو طول بك الوقت لا باس=ياقرب يوم ٍ لك يلفك غباره
الحمد الله ربنا خالق الناس=عايش بحكم اللي قوي اقتداره
لعل أبو متعب سليم ٍ من الباس=زعيم دايم مركزه بالصداره
يا خادم البيتين قدرك على الراس=عهدك يفوق الوصف زاد ازدهاره
صارت بلاده مثل عقد ٍ من ألماس=يشهد لنا من جا بلدنا زياره
شعبك يحبك والغلا ساقه ابكاس=مشاتل أفضالك لذيذه ثماره
واللي نوى للشر بالليل عساس=ناطا على راسه خبيث التجاره
حنا على أمن المملكه دوم حراس=من دونها نثبت ببرد وحراره
يسلم لنا نايف به الخير نوماس=مثل الذهب غالي ثقيل ٍ عياره
له هيبه ٍ خلت هلّ الشر محتاس=يمناه سيف ٍ من نوانا ابغاره
أفكاره اللي حدها حدّ لاأمواس=تقطع قلوب ٍ لو تفوقه شطاره
عز الله أنه في حشا الشر غطاس=جاهم من الويلات نسل الصقاره
سلمان لأمن المملكه كنه الطاس=يحمي حمى الأسلام والعز كاره
كعام من جانا عدو ٍ وبلاس=سوات نجم الجدي دوم ابمداره
مايلتفت لاهل الخيانات الانجاس=قضى عليهم سيدي في جداره
قوم ٍ تعاند له بالأقدام تنداس=والحر قالوا ينعرف من طياره
يخسا عدوه لو يطقون الأضراس =صارت نوايا حقدهم في يساره
مرحوم ياللي سيرته ترفع الراس =سلطان راع الطيب والجود جاره
شهم ٍ جمع مع حكمته قوة الباس =هاوي دروب الخير والقلب داره
الشعب في قلبه محبه ومجلاس =يعطي ضعيف ٍ واليتاما جواره
ندعليه الله كلما هب نسناس =ينجيه من يوم ٍ عسير ٍ نهاره
عساه يلبس من جديدات الألباس =في جنه ٍ فيها بهيّ الخضاره
[/poem]

رد: ياصاحبي ليه القصايد بلا احساس
 

[font="comic sans ms"][size="6"][color="darkred"][u]صح لسانك مليوووووووون ولايكفووووووووون

قصيدة جزلة من شاعر جزل

سلمت ودام حرفك يعطيك العافيه[/u][/color][/size][/font]

رد: ياصاحبي ليه القصايد بلا احساس
 

ياهلا ياعبدالمحسن

الحمد لله على السلامة

سلامات سلامات

صح لسانك

لاهنت

يعطيك العافية

دمت بخير

رد: ياصاحبي ليه القصايد بلا احساس
 

[font="arial"][size="3"][color="darkgreen"]الحمد لله على السلامة ياشاعرنا ...

جزلة يالغالي ووافيه وشاملة ..

الله يبارك فيك وفي مكبوبك ومنطوقكـ

لك تحياتي يامحسن ..[/color][/size][/font]

رد: ياصاحبي ليه القصايد بلا احساس
 

صح لسانك

جزله من جزل

تحيتي

رد: ياصاحبي ليه القصايد بلا احساس
 

جزل ومبدع
ربي يرعاكم
تحياتي

رد: ياصاحبي ليه القصايد بلا احساس
 

العمر
صح السانك
رائعة جدا
لاهنت اخي

رد: ياصاحبي ليه القصايد بلا احساس
 

[center][size="3"][font="advertisingmedium"][color="darkgreen"]عبدالمحسن العمر [/color]

نص مميز ومتقن وهادف
من شاعر رائع ومميز في حروف شعره
أبدعت وأمتعت شاعرنا الرائع
دمت ودام لنا حرفك
صح لسانك ملايين ملايين
ولك فائق تحياتي وتقديري [/font][/size][/center]

رد: ياصاحبي ليه القصايد بلا احساس
 

[size=4][color=darkgreen]صح لسانك يا عبدالمحسن [/color][/size]
[size=4][color=darkgreen][/color][/size]
[size=4][color=darkgreen] و الحمدلله على السلامه أخي الكريم[/color][/size]
[size=4][color=darkgreen][/color][/size]
[size=4][color=darkgreen] و الله يصلح احوال المسلمين ،،[/color][/size]
[size=4][color=darkgreen][/color][/size]
[size=4][color=darkgreen] تقبل مروري السريع [/color][/size]
[size=4][color=darkgreen] و صح لسانك [/color][/size]

رد: ياصاحبي ليه القصايد بلا احساس
 

[font=arial][size=4][color=purple]الحمدالله على السلامه يا عبدالمحسن[/color][/size][/font]
[font=arial][size=4][color=purple]وجعلها اخر الغيبات[/color][/size][/font]
[font=arial][size=4][color=purple]صح لسانك واحساسك[/color][/size][/font]
[font=arial][size=4][color=purple]على ما أبدعت[/color][/size][/font]
[font=arial][size=4][color=purple]تحيتي لك مع التقديري[/color][/size][/font]
[font=arial][size=4][color=purple][/color][/size][/font]
[font=arial][size=4][color=purple]0[/color][/size][/font]
[font=arial][size=4][color=purple]0[/color][/size][/font]