عطيني 500 ريال واعلمك زوجك متزوج عليك وإلا لا.!.!!!!
 

:d تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة ؟

قالت لهن باركولي تزوجت .

قالن مبروك يامديرة ولكن منهو زوجك ؟.

قالت لهن بصراحة زوجي هو زوج إحداكن .

المدرسات تكفين علميننا أي وحدة منا ؟

قالت المديرة والله ما أعلمكن .

المهم لزمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال .

وافقن المدرسات على الطريقة .

ويوم جاء بكرا وكل وحدة مزهبه معها الدراهم .

جت الأوله والثانية والثالثة والرابعة حتى العاشرة والمديرة تاخذ الدراهم .

يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة .

ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .

المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟

قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين .

المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم .

دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة .

يوم طلعت لقنها عايدية وماصار شي وفلوسها أخذتها المديرة .

قالن يابنات فيه وحده منكن ماخذت المديرة دراهمها ؟

قالن لا والله كلنا اخذت دراهمنا .

ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟

قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد .

قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا .




منقول

رد على: عطيني 500 ريال واعلمك زوجك متزوج عليك وإلا لا.!.!!!!
 

ههههههههههههه

حلوه حلوه

شكرا يالغلا عالطرح

دمتي برعاية الخالق

رد على: عطيني 500 ريال واعلمك زوجك متزوج عليك وإلا لا.!.!!!!
 

ههههههههههههههههههههههه
والله الحريم المخفة ولا من هالخبلة اللي زوجها بيتزوج عليها وماتحس ولا تنتبه
إلا إذا كانت مغفلة ونايمة على ودانها خخخخخخخخخخخخخخخخ

رد على: عطيني 500 ريال واعلمك زوجك متزوج عليك وإلا لا.!.!!!!
 

ههههههههههههههههههههههههههههههههههههههههههههههههههههههههه


والله شغله مربحه هههههههههههههههههههه

رد على: عطيني 500 ريال واعلمك زوجك متزوج عليك وإلا لا.!.!!!!
 

وشهد شاهد من أهلها ..... وبالزاتن بالموضوع وناقلته
حتى تؤكد ان الحريم بالفعل ما عندك أحد ، مقدي فيكن ربي
يوم قال شهادة حرمتين عن شهادة رجال ، وحتى تؤكد
انهن مهاف ، لهفت قورشهن وقالت ابشتري مصاحف والمصاحف توزع مجانا
والفرشة ايضا مجانا من فرع الشئون الإسلامية

رد على: عطيني 500 ريال واعلمك زوجك متزوج عليك وإلا لا.!.!!!!
 

اقول ياليتني متزوج المديره كان تناصفنا فلوسهم المهبل
والله ودي أسويها بالعمل بس ماتجي قلبتها يمين يسار مافيه فايده كل اللي معاي تماسيح

رد على: عطيني 500 ريال واعلمك زوجك متزوج عليك وإلا لا.!.!!!!
 

ههههههههههههههههههه

اكيد اهم شي الرجل بالنسبه للزوجه والله اذا تزوج احس بيطير قلبه وعقله

بس الحمد لله لعبه قووووووويه

رد على: عطيني 500 ريال واعلمك زوجك متزوج عليك وإلا لا.!.!!!!
 

والله انك صادق يا ابو عبدالله

الحريم ماحولك احد

مشكورة يا احلى كلام على النقل

بصراحه كنت متفاعل لا ابعد حد:)

لك الشكر
على ما فاض به قلمك
تحياتي

بارك الله فيك
كتبت فقرأت فاستفدنا
تحياتي واحترامي