منتديات الفطاحله - راح العمر ما ارخيت راسي لمخلوق

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - راح العمر ما ارخيت راسي لمخلوق (http://ftahilah.com/showthread.php?t=172777)

راح العمر ما ارخيت راسي لمخلوق

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
راح العمر ما ارخيت راسي لمخلوق = ولا انحنى ظهري لغير الركوعي
للي خلقني حر ما نيب معتوق = ولا نيب مملوك لسيده خشوعي
ولا ني من اللي راكض دوم في شوق= يقبل ايادي او كتوف بخضوعي
حرٍ ولد حرٍ من الاصل موثوق = على المبادي ثابتات طبوعي
شقيت دربي دون خوف من العوق= بعلمي وشغلي والامانه دروعي
حتى حربني من تعود على البوق= من كل فاسد عند سيده خدوعي
كنت احسب ان العلم يرفعك لا فوق = وان العمل باخلاص يرفعك بوعي
ولقيتني غلطان والفكر مصفوق= في وقت فيه "الواو" تضمن طلوعي
"واو" من الخدام توصلك مطفوق = من البطانه يوصلك للجذوعي
وفي ساعة تلقاك تنبت لك عروق= وتصير في منصب كثير الفروعي
يركض وراك اللي يطاوعك بشفوق= وتحط لك بيز يقيك الصدوعي
تنهب وتاخذ ماتبي الطاق مطبوق= ولا صار شي البيز شال الوجوعي
هذا الذي صاير ومعروف بالسوق= ومن لاعرف له خاسر بالبيوعي
وما دام هذي الحال ما ظني تروق = للي ضميره حي بين الجموعي
وكلت امري لخالقٍ كل مخلوق = وعلى التقاعد سرت ماني جزوعي[/poem]