صيد الشات هترل والطائر1
 

7 شوال 12 يوليو 2016

[poem=font=",5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
هترل=
كان الموده يالغضي داخلك دار = اعلم ترى لك داخل القلب ديره
انا معك وافي ولا نيب مكار = لكن يالطاير عسى الامر خيره
وانا بعد ياليت لي حظ واختار = قربك واعيش العمر عيني قريره
الطائر=
من شاف وجهك ما رجى منك الاخبار=ومن سمع صوتك كنور له هديره
هترل=
للشعر فارس وللاحاسيس مضمار= وللقول معنى لا ظهر في السريره
الطائر=
يالحضرمي بياع فوله بدولار=تركض ورى الدنيا وتنسى الحفيره
ما تخاف ربٍ عالم كل الاسرار= تغش فولك بالخبز والخميره
هترل=
لا تشتكي وتقول خاين وغدار = لا جاك قولي قلت هذي كبيره
البادي اظلم وانت لا تشعل النار = مالك ومال السيف خله بجفيره
الطائر=
خابرك شراني ومن ضمن الاشرار= وانا مسالم في طريقي اسيره
يجيك ابن طامي على صهوة حمار= ويعطيك دروسٍ في الهجاوي قصيره
هترل=
هذا كلامك وانك فارس ومغوار = ياطيبهم مره ونعم العشيره
الطائر=
انا شجاع دامني خلف الاسوار=وبالمعركه انحاش دامت خطيره
هترل=
الرجل له عندي معزه ومقدار = لا تغير المعنى وتجر الجريره
اجل تميمي كيف يانسل الاحرار = دام ان مالك في البطولات سيره
الطائر=
انا خويك دام بالحرب جبار= اقدمك وانحاش تاكل فطيره
من يسمعك يحسبك للجيش جرار=عنتر ولا غيره بصهوة بعيره
هترل=
انا خويي ماهو حصني وخوار = انا خوي الذيب وقت المسيره
الطائر=
سبع البرمبه شايل سيف بتار=في معركه بالشات تسمع خريره
مايدري اني بالمعارك لي اشبار= اضرب من الكبسه واحلي بحريره
ولا شفت سكر ارتفع قلت وش صار=واثر الحلى خصمي وانا استجيره
هترل=
خلاص تمت صل على سيد الاخيار = محمد الهادي شفيع البريره[/poem]

رد: صيد الشات هترل والطائر
 

هههههههههههه
صح السنتكم
كفيتنا يادكتور
وهترررل سلم منا خلاص
ماوراك مطالب
لاهنتو جميع

رد: صيد الشات هترل والطائر
 

ههههههههههههه
مشكورين ياحلوين
تحياتي لكم

رد: صيد الشات هترل والطائر
 

صح لسانك يابو عبدالله
وتوبه منك اثاريك اقشر هههههه