أهلا هلا بك وجـد
 

ردي عليه:
[poem=font="simplified arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]

أهلا هلا بك وجـد والـرب حيّـاك=عد النجوم وعـد بـرق المخيلـه
قاف كتبتـه بالفكـر قبـل يمنـاك=يستاهـل التقديـر راع الجميـلـه
بان الشعور اللي على الطيب خاواك=واصبح علامـه للرجـال القليلـه
مرت ثلاث سنين تكتب وانا اقراك=احاول افهم فـي دروب الفضيلـه
لقيتها تمشي علـى كيـف مبـداك=منهج قويـم وانـت تكتـب دليلـه
الرجل من حرفه ولا غير شـرواك=رجل يحـب الخيـر هـذا سبيلـه
وان جيت للقيفان فالسحر بخطـاك=شاعر جمال وحـب مالـه مثيلـه
لكن ضميره حي من ويـن لاقـاك=تلقى بـه الإسـلام يشعـل فتيلـه
قلبك على الأمه جهـادك ومغـزاك=بحرف بحد السيف نسمـع صليلـه
كامل مكمل ياعسى الراس يفـداك=وتبقى ذخر نبع الفكـر سلسبيلـه
من حقنا نفخر ونمشي على خطاك=ومن حقها تفخـر بنهجـك قبيلـه
طير المهاجر ما وصل حد ممشـاك=ولا ظنتي ياصـل فـذي مستحيلـه
طوير يحـاول دام يلقـى جناحـاك=تلقفـه بالعالـي اذا تــاه ليـلـه
ماخاف طول الليل مـادام بحمـاك=ينطر معك فجـر الليـال المحيلـه
تعيش تسلم وجـد فالعيـب عـدّاك= تاج الفخر من فوق راسي اشيلـه[/poem]

من وجد الكتابه
[poem=font="simplified arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]

عثمان يا جعـل المعاليـق تفـداك=يا شاعرٍ مـا قـدر رأينـا مثيلـه
يمناك يا شيـخ التباشيـر يمنـاك=حن الفخايذ وانـت وحـدك قبيلـه
الشعر يا سيـد الرجاجيـل ينخـاك=يرجع على يـدك زمـان الفضيلـه
كل القصايد ما لقت حـد شـرواك=يشعل مصابيح الشعر مـن فتيلـه
ان جيت ناصح فالنصايـح تحفـاك=وان جيت لايم ما نطقـت الرذيلـه
وان جيت تتغزل بتوصيف ليـلاك=شككتنـا فـي وصفنـا للجميـلـه
وان جيت تمدح خالق الكون مولاك=ينصت لك الصبـح ويكبـر مقيلـه
وان جيت تشكي من تناهيد واشواك=كن الجـروح اللـي علينـا قليلـه
يسلم شعور اللي على الطيب رباك=عز الله انـه كاسـبٍ بـي جميلـه
حياك فـي قلـب المحبيـن حيـاك= قلب المحب اليـوم صايـر دليلـه
الله يعلـم يـا رفيـقـي بلـيـاك=ما للشعـر معنـى ولا فيـه حيلـه
تابع تراني ماشـيٍ نهـج ممشـاك=يا كـود الحـق راعـيٍ للطويلـه[/poem]