|
ياجاهلٍ بالوضع ..أكمل
ياجاهلٍ بالوضع والوضع محتاس = ترى الكرونا جند من خالق الكون
ارسله تذكيرٍ لمن يجهل الباس= باس الولي للي على الفلس مجنون |
رد: ياجاهلٍ بالوضع ..أكمل
دكتو لو الناس تجهل فلاباس = لاكنهم يدرون وابليس له عون
البعد من الدين قمه بالإفلاس = الله يهدي الناس وبليس ملعون |
رد: ياجاهلٍ بالوضع ..أكمل
ما ظن يهديهم وهم دوم نعاس= كلٍ يشوف انه من الموت مامون
والمشكله ممن يصنّع بلا احساس=جرثومة في معمل بارض قارون من شان يستعمر ويثري بالالماس=يخلي البشر مابين جايع ومديون |
رد: ياجاهلٍ بالوضع ..أكمل
ماقدر الوالي فلا عنه متراس=تنبيه للي تايه ودوم مفتون
صارت مدنا خاليه مابها اوناس=الطرق مشلوله ولابها يدوجون |
رد: ياجاهلٍ بالوضع ..أكمل
هذي رساله لكل مسؤول او راس= ترى التسلط والظلم مايسرون
ارجع لربك قبل ما ياقع الفاس= وتصير عبره مثلما صار فرعون |
| الساعة الآن 01:29 PM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع الحقوق محفوظة لمنتديات الفطاحلة