صدى صوت المري
 

السلام عليكم
الاخوه والاخوات الكرام
هذه قصيده شرفني باسنادها اخي الغالي (منصور المري)
وقد الحقها بزياره خاطفه لم اتمكن من الحديث معه الا قليلا
لوجود الوالد والاشقاء واخوان كرام
ولعدم تمكني من الكتابه في الفتره السابقه

فارجو ان يعذرني ابو محمد

وارجو ان تنال القصيدتين
على اعجابكم
لاهنتم

هذا الصوت من ابو محمد

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله يافارج على العبد همه = يابا الفضائل وابعبيده رحومي
جانا الخبر قالو فلاح بمهمه = واثره مرقد عاجزٍ مايقومي
من حادثٍ صابه وهوراح يمه = مكتوب بالألواح وهذا لزومي
من طيب راسه دس علمه بكمه = من خوف تشغلنا عليه الهمومي
مجار مما جاه من هالمطمه = وعساه سالم جعل مثله يدومي
الله ايجيره من صواديف لمه = وايعيضه الله بالصبر والعزومي
تكفى يابو عمار لارحت يمه = سلم عليه وبخسه من اعلومي
لوهومن الرديان والا الخممه= ماقلت له ماجور لو شيخ قومي
لاكن ابن منشار ذكره ايزمه = فوق الجبال النايفات محشومي
ماقط شفته غير طيبه ايهمه = ماغير بالمرسال عرف القرومي[/poem]

وهذا ردي عليه ولتعذروني على القصور

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يامرحبا بالقاف واحساس قمه=حاز الوفاء والطيب واوفى السلومي
جزل المعاني ماختلط فيه جمه=بلسم جروح وشوفه ابرى كلومي
من شيخ ماحن الخُطا وقت غمه=زار المريض وماطوته العقومي
قلنا تمون وفالك العود شمه = قدرك عزيز ولو على الحلف لومي
المري الي خاسرٍ من يذمه = راعي القداء نشريه لو غليْ سومي
عالى الشرف ياحظ دارٍ تضمه=من لابةٍ بالعز فوق النجومي
ابن الوذين الي ملا النفس همه=منصور يوم الجد يمحي الحلومي
خوي ابو عمار ماخاب سمه=صاحب فطين وما غوي كل عومي
لحظات مرت ماهتنينا بلمه = لامن ذكرت اطيافها عز نومي
يالوجه الابيض كل علمن تتمه=مثلك كريم وجعل وصلك يدومي[/poem]

رد: صدى صوت المري
 

[color=#0000FF]منصور الوذين[/color]
سلمهم الله
[color=#FF0000]فلاح ابن منشار[/color]


اولاّ الحمدلله على سلامتك يافلاح
ثانياّ صح لسانك وصح لسان منصور على هذه الدرر
وعساكم على القوه دايم ويعجل بشفاك

[color=#00008B]دمتم بخير حال[/color]

رد: صدى صوت المري
 

الله الله
صوت وصدى راااااائعين
لشاعرين كبيرين
صحت السنكم
ودمتم للإبداع رموزا
تقبلوا تحياتي واعجابي بما قرأت
أخوكم / بن ماضي

رد: صدى صوت المري
 

ياسلام ياسلام.
صحت السنتكم
لاهنتم

والسلام

رد: صدى صوت المري
 

صح ألسان الشعار المبدعين دائما

فلاح بن منشار .. منصور المري

الحمدالله على سلامتك يا فلاح ما تشوف شر

الله يجمعكم على الخير والمعزة

والطيب بفعالكم ويفوح في شعركم

تحياتي للجميع

رد: صدى صوت المري
 

[COLOR="Purple"]الحمد الله على سلامتك يافلاح

ماتشوف شر


شكرا لك وللأخ منصور

قصيدتين رائعتين من شاعرين متحابين ومتفاهمين مبدعين


الله يخليكم للمنتدى تمتعونا بشعركم الرااااائع[/COLOR]



[color=#800080]دمتم بصحة وسلامه[/color]

رد: صدى صوت المري
 

صح لسانك يابو محمد
والحمدلله على السلامه
وصح لسان منصور عزالله ماقصر
الوافي للوفيين لاهنتم جميعا

تحياتي

رد: صدى صوت المري
 

[COLOR="Blue"][I][B]
الحمد لله على السلامه يا فلاح ولا باس طهور إنشالله

وصح لسانك يامنصور المري وما قصرت يالنشمي

وصح لسانك يا فلاح وعوداًَ حميداً

تحياتي لكم وتقديري ،،،

[/B][/I][/COLOR]

رد: صدى صوت المري
 

[align=center][color=#00008B]صح لسانك المري وابن منشار

وادام المحبة بينكم دائما

تحياتي[/color][/align]

رد: صدى صوت المري
 

صح لسانك اخي الشاعرفلاح
صح لسان اخي الشاعر منصور
لاهان راسك قصيدةرائع
والله يديم المودة بينكم والحمد
علي السلامه اخوى فلاح
سلمتوا وسلم شعركم
دمتم بخير