|
إلى المدعو بابن عمي
ليتك يابن عمي تعي رسالتي
قد أكون بنظري بها صائبة وقد اكون بنظرك بها خاطئة لا يهم فقد تكون بنظرك مجرد خربشات قلم فلا تتردد يداك في وضعها في سلة المحذوفات المهم ان اكتب مايختلج صدري لتقراه انت انت وحدك حينما كتب القدر علينا ان نصبح بدو... بـــــــــــــــــدو...لكننا لا نسكن في الخيام فكما تقولون نحن بدو متحضرين............(بالله اي تحضر هذا) لم اكن لألتفت لزميلاتي بالمدرسة ولا لأطفال الحارة .. حينما كانوا ينادونني بالبدوية!1 وكأن لا اسم لي غيره.. كنت خلاف أخواتي اعتز بأنني بدوية........... إلى تلك الساعة المشئومة........ أظل أتسأل لماذا؟! لماذا في عائلتنا يرددون... البنت لولد عمها........ ولد عمها أولى فيها من الغريب........ وكأن الغريب لا ينتمي للبشر!! منذ الصغر ربطوا مصيري في مصيرك......... لا اكذب عليك كنت سعيدةحينها..بحكم طفولتي او مراهقتي...فأنا لا ادري؟! كبرت وفهمت هذا الحكم الجائر.. الذي وضعه أبي وأبيك...... الذي وضعه عصبة من بدو متخلفين...... لا تسألني أي تخلف تتحدثين عنه!! فحينما تقدم لي (فلان) هل تعرف بما رد عليه ابي؟ روح أسأل فلان هو ولد عمها وحاجر عليها........ إذا مايبيها بنزوجك إياها! فقط لتجيبه بأنك تريدني رغبة في إرضاء العائلة.. ليقولوا عنك: ولد فلان رجال اخذ بنت عمه.. بالله أسألك.. هل تعتقد أنك أصبت في ذلك!!!!!! وهل بنظرهم لا يصبح الرجل رجلا الا حينما يتزوج بالمدعوة ابنة عمه!! هل تعرف يابن عمي هل تعرف لماذا الآن فقط أكره أن أكون بدويــــــــــــــــــــــة!! فأنا أكره في البدو هذا التخلف....... والتي يسمونها عادات وتقاليد..!! (عادات وتقاليد ليتها تندثر) فهل اخطئت..؟؟ هذي ثاني محاوله لي في مجال الخاطرة أتمنى انها تعجبكم |
بوح شجي يعكس واقع قد يكون مريرا على البعض
لكن التعميم بأن العادات والتقاليد جميعها لاتصلح امر قد يحتاج اعادة نظر ، فجميع الشعوب تفتخر بعاداتها وتقاليدها ، واذا كان لدينا من يرفض تزويج بنته على غير ابن عمها فهذا لايعتبر من العادات والتقاليد ، ولكن قد يكون لخوف الوالد على ابنته ، ويريد شخصا مضمونا يعرفه منذ صغره ، ولكن هذا مبرر ايضا يحتاج لإعادة النظر .. شكرا لك تحياتي |
اكييييييد بتعجبني
انا قايلتلك رايي فيها من البداية تذكرين الثانية الي اخذتها معها كانت حلوة بس مو مثل هذي وبعدين انا من النوع الي تعجبني هالمواضيع وجت على المزااااااااج ............ يمكن لاني سامعه قصص كثيرة عن زواج عيال العم ومشاااااااكلهم وان البنت ممكن تنجبرعلى ولد عمها فاحس اني انقهر لان ولد عمها زيه زي اي شاب ثاني فيه عيوب بس عموما موضوع حلو اهنيك عليه تحياااااااااتي |
المشرف العام أسعدني مرورك وتعقيبك
انا ماكتبتها الا بعد معاناة لوحدة اعرفها تزوجت ولد عمها وصار بينهم مشاكل وهواش وتخيل لاجت لابوها تشكي ولد عمها قام يهاوشها ويقول انتي مثل امك حنانه وانتي وانتي وهلم جرى وفي كل مره تكون هي الخاسر الوحيد وهذا ماشجعه يتمادى اكثر فأنا لا سمعت شيء من هالقبيل احط نفسي مكان الشخص واكتب لا اكثر ولا اقل الهنوف لان ولد عمها زيه زي اي شاب ثاني فيه عيوب انا معك بس وين اللي يفهمون؟ بس عموما موضوع حلو اهنيك عليه يسلموا |
نجود شهادتي وتم تسليمها لك من زماان
وثانيه مره بعد اقول تسلمين على الخواطر وطلعي بعد ترى عندها خواطر كثيره >>>>>>>توهقك لامن جد نزليها وأنشاء الله راح تستفيدين من الاراء وتزيد موهبتك في كتابة الخواطر اتمنى لك النجاح يانجود في كل شيء تتمنينه اختك :عهـــــــــــــــود,, |
أما أنا فأقول من عرفك صغير حقرك كبير
والله ياولد العم بعض الأحيان ماسوى حذاء البنت ومع ذلك يزوج البنت ليه ؟؟؟؟ هذا ظلم وبعض الأحيان تلقى ولد العم رجال بمعنى الكلمه ولا ياخذ بنت عمه ويردونه ثم البنت تاخذ واحد برا عايلتها يلعن الطيب من أهلها ولكن عموماً الرجال يدور الصالح لبنته ويخلي الفاسد حتى لايجي يوم يتحسف لين شاف بنته متعذبه خصوصاً أني أعرف واحد زوج بنته لولد عمه قسم بالله أن يتلفظ على أبوها الي هو عمه ويغسله بالكلام مع العلم أن الأب هو الي مصر على زواجها منه وهي رافضة وهي قمة في الجمال مووووووووت يسمونها الهنديه من جمالها تشابه ممثلات السينما الهنديه وكان ولد العم يبيها ومعتبرة ملكيه خاصه من أجل شهوته الحقير يبي زينه لكن هذي الدنيا الزين ماله نصيب :) |
اخت نجود
تسلمين على الفكره الاجتماعيه الجميله لازيد على هذا الرقي الا ان اقول يسلم فكرك وقلمك تحياتي واحترامي |
مشرفتنا الرائعه نجود
جد ابدعتي في كتابة هذه الخاطره الراائعه وانا اوافقك الراأي عن هذه العاده الي كثيير يسونها ويحسبونها شي واجب عليهم لكن تدرين عاد؟ احيانن والله احس ان البنت اذا تزوجت واحد قريب لها ويعرفونه اهله من وهو صغير احسهم بيقدرون بعض اكثر ,,,طبعا مو بكل الاحوال على حسب تفهم الاثنين لبعضهم... لكن اذا كانت البنت طبعا رافضه ولد عمها فا اكيد حرام ومالهم اي حق انهم يجبرونها عليه او على غيره لانها هي الي بتتزوج مو اهلها.. مع ان للاسف في كثاار يجبرون بناتهم على الزواج خوفاً من انها تعنس وتكبر ومحد يصير يبيها مع ان والله مو مهم انها تتزوج بس لكلمة الزواج عشان اهلها متضايقين منها او عشان كلام الناس!! الاهم انها تتزوج عن رغبتها هي وقناعتها هي بالذات بالشخص الي بتاخذه وبتكون زوجته ... لكن بالاول وبالاخير صدقييني الزواج نصيب و الي ربي كاتبه بتتزوجينه سواء ولد عمك ولا ولد اي احد يعطيكي العافيه حبيبتي على الموضوع الحلوو :) |
أسعدني مرور الجميع وتعقيبهم
الهنوف وعهود تعودت اي شيء اكتبه انتم اول من يقراه ولن اغير عادتي و الي ربي كاتبه بتتزوجينه سواء ولد عمك ولا ولد اي احد الريم القصة ومافيها اني تخيلت نفسي مكان البنت لااكثر ولااقل تسلمين على الفكره الاجتماعيه الجميله جد ابدعتي في كتابة هذه الخاطره الراائعه يسلموا |
بوح عذب ..
سلمتي وسلم حرفك .. استأذنك بنقلها لخواطر الأدب العربي |
| الساعة الآن 05:15 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع الحقوق محفوظة لمنتديات الفطاحلة