منتديات الفطاحله - ذات العناق _

[IMG]http://www.worldbank.org/gdln/TheStreetsofKabul/images/Tora%20Bora%202_tif.jpg[/IMG]
[RAMS]http://www.bni5aled.net/uploads/files/bnikhaled-8174b209bb.rm[/RAMS]
[SIZE="5"][FONT="Monotype Koufi"]السلام عليكم ورحمة الله وبركاته
تم حذف المقدّمة :)
[/FONT][/SIZE]
[poem=font=",6,white,bold,normal" bkcolor="black" bkimage="" border="double,7,black" type=0 line=0 align=center use=ex num="0,black""]
اجتمع لي الف مارد كنّهم ذود النيّاق=عند شيخ ٍ لا تعزوّا غنّت الحيزا نشيده
كل شيطان ٍ يظن اليوم هو يوم الفراق=انعقد ساق بساق وربّط ابليس ٍ بقيــــده
وحامت العقبان غيم ٍ في سما حق محاق=والسما كسفاً تساقط فوق اكتاف التليده
الوحوش وحشّرت والجن اقوام ٍ تساق=امّة ٍ فيهم رحابة صدْرٍ وغضبة شديدة
ماخذين من الصحابة كيف يعني الاستباق=في ميادين المنايا تصبح نفوس ٍ زهيده
يفتكون بجيش حافظ كنّه اجوال السماق=لا تواقع فوق ارض ٍ من شقى عينه تبيده
فيلق ٍ في ظل فيلق يفتق البيدا فتاق=مع كراديس ٍ تكردس انبئيهم يا رويده
العبي شمّا لشيخ ٍ من بني خالد وتاق =للمعارك مثل شوق الصايم لايام عيده
العبي شمّا وهاتي كاسة الخمر المراق=من قريحة شاعر ٍ كل الزوابع من عبيده
حيزآآآآآ حيزا حيزا حيزا حيزا عَليّ الطلاق=لا علت شاش الحليم وأوّل الشوشه قصيده
انزل الله باس خالد بن وليد ٍ والبراق =الحسام وفي يميني والبراق وفوق جيده
البراق وكرّ من يقوى يرد الاصطفاق=فارسك لا كر يجمد دم ضدّه في وريده
زلزلت ارض الجزيرة من براكين تراق=من صدور رجال شاموا عن سخافات ٍعديده
ما لكدت الجن مجهم طارق السّبع الطّباق=داهم ٍ إيوان كسرى وبْن منذر في حديده
ولا لكدت الجن مجهم طارق السّبع الطّباق=خاسف ٍ في ارض ساوى مع سدوس ٍ في شديدة
ولا لكدت الجن مجهم طارق السّبع الطّباق=حايس ٍ أرض الكنانة فاتح الشّام الجديدة
ولا لكدت الجن مجهم طارق السّبع الطّباق=عامر ٍ مأرب وقاتل كل عنسي في السّعيده
ولا لكدت الجن مجهم طارق السّبع الطّباق=راوي ٍ من دم دجله ثار ٍ لذاك الفقيده
ولا لكدت الجن مجهم طارق السّبع الطّباق=الله اكبر فوق الاقصى من بعد أسْره يعيده
ولا لكدت الجن مجهم طارق السّبع الطّباق=فاتح ٍ روما مزلزل ارض قيصر من يحيده
غير للي ما ينام وكان غفّى له فواق=مستتيب ٍ ناس حتّى يعوّدوا لْشرعة حميدة
قاتل سْجاح ٍ معفّر انف كذّاب معاق=مردي مْسيلم حنيفه لا عن ٍ آبو بديده
ضارب ٍ فالقفر سوحاً كل ارض ٍ له رفاق=في اخاديد الرّجولة كلّ اشعث من رصيده
كرّ يا حيزوم كرّ وبحْرق الهيجاء حراق=بحرق ارباب الغرور وكلّ كافر بالعقيده
شمّا لا عاش الفتى ان ما ضرب عنق النّفاق=اضربيهم بالبنان الملحمة ماهي بعيده
فرّجي عن هم قلبي اطلقي ذات العناق=القوافل سائرات ٍ رغم كلْ كلب ٍ سديده
لا حماس ٍ يوم باعت لا لاجل اهل العراق=للطلوقان العبيها لذا العمامه يا مجيده
سايق النّاس بعصاته بالملا شدّ الوثَاق=تاج راسي ذاك جدّه عاهد القوم بحفيده
اظلمي هل من مزيد ٍ اظلمي زيدي اختناق=آآخر الحمل الولادة اقترب يوم الوليده
سايمة شرقاً وغرباً محدثة خير انشقاق=هاتكه ستر الملوك وفاتكه في كل ميده
منهيه امر القطيع وعاتقه أُسد انعتاق=مُحيية ختم الرّشيد ومفنيه ختم الرّشيده
دفدفي ذات العناق وطيقي اللي ما يطاق=دفدفي شمّا فدن لك كل ّ رجّال وخريده
العبي ذات الخمار تمنطقي لي بالنّطاق=والله انّي ساتر ٍ زينك عن عقول ٍ بليده
تيهت اللي يوم ضاقت به من النّوفا وضاق=ساق منجوم القوافي من عريف اليا عميده
خبط عشواء ٍ ونبلي في النحور وفالتّراق=بل وفي التّيجان ِ صفقاً يرشق الهام ويكيده
جعبة ٍ فيها المنايا منّي لشمّا صداق=مهْر بنت الزّبرقان وشيخة الغيد الفريده
لا تنشّد في صدر ذات العناق العلم باق=دايم ٍ ما دام شعري والله ان شمّا تزيده
كان حبل الوصل مقطوع ٍ وللنا من تلاق=فاللقى في جنّة الرّحمان راغد مع رغيده
الهوى ماله طبيب ولا لداء العشق راق=اعذبه حزّة عذابه لا تزهمرنا جليده
خذ معانيها يبن جدعان ولا فيها شقاق=شرّدت جمع العراق ومجلس اشعار القصيده
عن عقيدة عن كرامة عن جيوش الانطلاق=عن هوى دار الرثاء وعن حبيبة فوق جيده
للمعاني باب سدّه ونا مغلقها غلاق=كل بيبان المعاني قفّلت ..ماهي جريده
بضعة اعوام ٍ تشوف العلم ولحنا باتفاق=والله انّي في مسار ٍ وانت ساير في ضديده
اجتمع لي الف مارد كنّهم ذود النيّاق=عند شيخ ٍ لا تعزوّا غنّت الشّما نشيده[/poem]