منتديات الفطاحله - رائعة ونادرة من نوادر سيدي المغفور له .

منتديات الفطاحله (http://ftahilah.com/index.php)

- الشعر المنقول(خاص بالشعر النبطي) (http://ftahilah.com/forumdisplay.php?f=334)

- - رائعة ونادرة من نوادر سيدي المغفور له . (http://ftahilah.com/showthread.php?t=25578)

رائعة ونادرة من نوادر سيدي المغفور له .

[size=5][color=#008080]السلام عليكم ...
رائعة ونادرة من نوادر سيدي المغفور له
محمد بن راشد بن عمار كما هي من أرشيفي
الخاص لقلوبكم الطاهره ....[/color][/size]

[size=6][color=#FF0000]هـلّ الهـلال[/color][/size]

[poem=font="Simplified Arabic,6,darkblue,bold,normal" bkcolor="skyblue" bkimage="" border="none,4,gray" type=2 line=0 align=center use=ex num="0,black"]
هلّ الهلال وهلّت العين بدموع = هلّ وتحدّر من على الجفن مني
هلهل هماليل ٍ على الخد برجوع = هلّت وفيها مرهق المزن حنّي
حالي طواها مهايم هموم بإسبوع = ماآكل و لاأشرب من دهايا ًدهنّي
غديت بهلولا ًمن العقل مفجوع = كلّش يورّى لي بكثر التمنّي
وأشوف دايه دن* بخمسة عشرنوع = ضيم الدهر كله مع اخلاف ظنّي
وافراق حيين المصافات مرجوع = لو كدّرن عام ٍ فهن يرجعنّي
والبعد عنهم يقصر الشبر والبوع = وأيام خلاّن الرخاء ينقصني
والرجل ماخبر بفمه يلمس الكوع = ولاخبرت نجوم الضحى يظهرني
والطير لابده ولو طار بوقوع = والعجل ما يقضي لزومه يثنّي
والماء الزلالي مايوافق على الجوع = والنفس زينّها بكثر التونّي
كثر التمني ما يجي منه منفوع = إلاّ الشقا ومسرّحات الهبنّي
لولا الحيا أودعت أنا الثوب مجدوع = وأمشي كما مجنون ليلى وأغنّي
على الذي حبه بقلبي له اصدوع = مثل الصدوع اللي لها جرد شنّي
راعي ثليلاّ فوق الأمتان منسوع = لين الردوف أطرافهن يضربنّي
والخد كنه من سنا البرق منشوع = يكشف حناديس الظلام المكنّي
دق الوشيم ابها دواوير مردوع = وضّح ثنايا . مبيسمه يلعجنّي
والعنق عنق غزّيل ٍ حس بفزوع = سمع الرمات وراح كنه يسنّي
ونهدين مثل التين بالرّي مصنوع = في لبة ٍ له . توهن يظهرنّي
وثلاث له من البريسم بجالوع = فوق البريم وحدرهن ما يمنّي
وسطه دقاق وردفه الغض مرفوع = رفعة سنام حوير ٍ شكلهنّي
وفخذين للفهمين درّاج مزروع = موز ٍ على شرواه ما يوجدنّي
وعمره على ما اشوف مقبول مربوع = لاوافي ٍ أصلي ولاهوب دنّي
غرياف موز ٍ في ظلال ٍ على فوع = تشوف نسناس الهوى به يثنّي
يسبى القلوب الراسيه كره ٍ أوطوع = له روس طرّاد الهوى يخضعنّي
كنّه من الجنّة على الأرض موقوع = حوري . من الحور الذي يذكرنّي
لولا الحيا وأدري يقولون زعزوع = سلّمت له حالي . ومالي . وفنّي
وأمشي مع اللي لي يعذلون مشروع = مرضات من ظنّه على لون ظنّي
أهل المكر والحسد ما عنهم قبوع = لين إنها تصفى على غير منّي
ومن لامني يآكل عياله من الجوع = ويغيّر الله زوله . بزول جنّي
وأنا وحق اللي بالأوراق مطبوع = ما أنسى وليفي لو. ورى الشطّ عنّي[/poem]
[size=5][color=#008000]* داءً[/color][/size]

[size=6] [color=#FF0000] المرحوم / محمد بن راشد بن عما ر[/color][/size]
[size=5][color=#00008B]بواسطة الحفيد / محمد بن عمار 1430 هـ[/color][/size]