رســــــــاله خـــــــــــــاصه !!!
 

[font=Simplified Arabic][color=#4169E1][size=5]هناك من الشعر ماتفسده المقدمات .. وهذه بلا مقدمات ولا ديباجه [/size][/color][/font]!

[poem=font="Simplified Arabic,6,darkblue,bold,normal" bkcolor="orange" bkimage="" border="solid,4,gray" type=3 line=0 align=center use=ex num="0,black"]
با نتظر,, منك الرساله! وباكر ترسلين! = حددي وينه ؟ لقانا , وحزة موعده
وأطلبي ماتشتهينه , وكل اللي تبين = حالفٍ بالله ( لجيبه ) ومن شد , ابلده
طالت الفرصه على القلب والخافق حزين= هام قلبي بين همه ومابين اجهده
والله اني ( لكعم ) الروس وابليس اللعين= التلاقي ما يحابي خشير الهدهده
فرصة بالعمر تبقى على مر السنين= من تغانمها !يذوق المصفى وأشهده
يابعد ربعي والاقصين , ياهاك الجبين = ويابعد راسي وقلبي وعمري وعدده
ان تلاقينا على خير يالوجه الحسين= غير حبك يالحبيبه من الحب اجحده
واهمسي باذني ! تحسين ولا تشعرين= بالغلا والعطف ياريف قلبي,, وآسعده
ودي اشبع ناظري منك يالدر الثمين= لين يبرد لاهب القلب والليل ارقده
كم صبرت وكم تحملت والخالق يعين = مرةٍ يازين حظي ومره ما اقرده
ياحلاوة نجد يافوح عطر الياسمين= في فؤادي شب حبك وبالنار اوقده
مايدوم العشق من دون لوعات وونين = ولايقوم البيت من دون ميده وأعمده
وان عرفتي مقصدي منك فالخافي يبين = مقصدي ! واضح وشاعرك هذا مقصده
واطلبي ما تشتهينه وكل اللي تبين = حالف بالله لجيبه ومن شد ابلده [/poem]

رد: رســــــــاله خـــــــــــــاصه !!!
 

شاعرنا المُبدع / فهد بن حنس
نص راقـي وجزل من شاعر لطالما إعتدنا أن نرى الإبداع منه
تسلم يمناك على ماخطت
سعيد جداً كوني من اوائل من يعانقون على النص الشامخ
طامعين با المزيد من روائعك
كل الوُد وتقبل تحيتي

رد: رســــــــاله خـــــــــــــاصه !!!
 

الشاعر فهد بن حنس
سلمت وسلم مطوقك
جزلة من شاعر جزل
لاهنت وبيض الله وجهك
تحياتي
وتقديري

رد: رســــــــاله خـــــــــــــاصه !!!
 

شاعرنا الرائع فهد
مدد بلا عدد صح لسانك
نص كايف وابدعت حيل بارك الله فيك

رد: رســــــــاله خـــــــــــــاصه !!!
 

[align=center][size=5][font=Courier New][color=#00008B]الشاعر المحترم ( فهد بن حنس ) ماأروعك وماأروع ابياتك التي تغزو وتستوطن الخفاق من دون استئذان او مقدمات , صح لسانك على مانثرته من درر ودمت بكل خير .[/color][/font][/size][/align]

رد: رســــــــاله خـــــــــــــاصه !!!
 

بن حنس
صح السانك واعتلاشانك
جزلة من جزل لافض وك
شكرا الك عيني

رد: رســــــــاله خـــــــــــــاصه !!!
 

[quote]واطلبـي مـا تشتهينـه وكـل الـلـي تبـيـن
حـالـف بالله لجيـبـه ومــن شــد ابـلــده [/quote]

ياسلام عليك
لقد وظفت مفردة (شد ابلده) في سياق عاطفي وهذامن محاسن الشعرالذي تسع خارطته جميع جداول وروافد الادب الذي لايقف على ساحل محدد
بارك الله فيكم
تحياتي

رد: رســــــــاله خـــــــــــــاصه !!!
 

الله الله

صح لسانك يابن حنس

شاعر مبدع وجزل

مايجي منك الا الفرائد

لاهنت

تقبل مروري

وودي

رد: رســــــــاله خـــــــــــــاصه !!!
 

فهد بن حنس

سلمه الله


بمنظوري ان المقدمات فعلا تفسد

فالقصيدة القصيدة لاتحتاج الى مقدمات فهي من تقدم نفسها ويصل بها الشاعر الى مبتغاه وتصل للمتلقي دون ادنى مقدمه او شرح ... ولكن !!!

عندما يحضر فهد بن حنس


فأن الشعر يحضر بعنفوانه وعفويته



فهد لله دررررررررررررررك



لقد قلت واجزلت



ومليون صح السانك


مليون صح السانك



تحيتي وتقديري

رد: رســــــــاله خـــــــــــــاصه !!!
 

الله .. الله عليك يابو حنس

صح الله لساااااااااانك يالقرمـ مليووووووون

و الله انك جزل

من القصائد القليلة في هذا الوقت التي تلفت الانتباه و بقوه


بوركت