محاااوره بين الطائر عبدالله الثويني 26/2
 

[align=center][font=Simplified Arabic][size=4][align=justify]السلام عليكم ورحمة الله وبركاته


محا111وره بين الطائر المهاجر وعبدالله الثويني


صح لسا111نهم جميع وماقصروا


اتركم معها



الطــــــــــــــائر

هلا بك يالثوني عد مابرق عليكم لاح= هلا بك وانت بالديره ونا في راس تنوره


عبدالله الثويني

هلابك عد ماغرد حمام الورق ،، يامصباح=هلابك ياضياء الكون يالاستاذ يانوره

ترى لو غيركم ياخذ مكانك ، كرتكم ماطاح = قصورك يازعيم الجود تبقى دوم معموره


الطــــــــــــائر

عحوزٍ عندنا تشكي صداعٍ مع كثير جراح=تسمى احيان باسماءٍ كثيره منها اموره


عبدالله الثويني

ترى ماهي بمليومه كثير اللي عليكم ناح=والاموره ورب الكون يالدكتور معذوره


الطــــــــــائر

تراها من تبي هذا تبي من عودها ترتاح=اذا من هاجم بكلمه تهاجم تتقي شروره


عبدالله الثويني

ابد لا تحسب الفرقا علينا والبعـاد افراح=ترى دمعاتنا تبقى على الخلان مهدوره

سناعيس الوفاء عطره علينا بالفطاحل فاح= شبيهك بالعطاء لاشك وانت المسك وعطوره


الطــــــــــــائر

اعرفك ضب لو تغرق تعلق في طرف مسباح=فلا تعزف ربابتكم بمسحوب ومجروره


عبدالله الثويني

اعرفك كل ماقلته علينا غشمره ومزاح = وانا وياك بتغشمر ونفسي معك مسروره


الطـــــــــــــائر

اجل خلك من الهرجه وخذ مني بعض تنصاح=تدرب كود توخذ يوم كابتن ترفع الكوره


عبدالله الثويني

انا تلميذك اللي كل ماشاهد حروفك باح=حروفي دون تنصاحك فلابه شك مكسوره


الطـــــــــــــــائر

انا خلصت ماعندي واقول لك كل شي باح= ماعاد به إلا قوافي وي مجبوره


عبدالله الثويني

ابد لو قلت مهما قلت ، غلاي لقافكم ماراح=دليلي كل قيفانك على الصفحات منشوره

خفوقك مايزال اخضر ولكن تستره بوشاح=ترى لو للغلا دكتور وربي انت دكتوره


الطــــــــــــائر

طمرت الحد ما تدري بحرف واضح الإفصاح=وكتبت اللي كتبته فامسحه من كل سبوره


عبدالله الثويني

جبال طويق يالدكتور ترى ماهزهزته رياح=كتاباتك دروس(ن) ماكتبناها بطبشوره


الطــــــــــــائر

تواضع طيب يالشاعر اللي بالغزل لو ساح= شبابٍ مالقى قلبٍ يحب ويضفي ستوره



عبدالله الثويني

هي الدنيا كذا تسقي كدرها بعد كاس افراح=ونفس العبد تتماشى مع الاقدار مجبوره



الطــــــــــــائر

تمتع قبل ما تغرق ولا ينفعك مسك اللوح= ولكن بالعقل تختار خل القلب وشعوره



عبدالله الثويني

هوانا لو يعذبنا ، ترى جرح الهوى مسموح=ابضحك لجلها وافرح لو إن النفس مقهوره



الطــــــــــــائر

هواكم من يورطكم ويترك دمكم مسفوح= فلا تقرب من الديبان او تاطى على جحوره


عبدالله الثويني

كثير اللي بلاه الحب ، ذا يشكي ، وذا مجروح=حلات الحب إن كانت به النيران مسعوره

الطــــــــــــائر

ترى درب الهوى خطر فلا تركض كما المشفوح= تخير بنت رجال تسير الناس في شوره


عبدالله الثويني

انا صدرى على درب المحبه والهوى مشروح=ورجلي يانديم القاف ترى ماهي بمطيوره


الطــــــــــــائر

ترى كتابك يالكشه تورث بالعيون قروح= فخلي الحركشه عنك كفايه منّك الخوره

اخاف انك تطيح بجفرةٍ للشوك فيها شوح=وتندم من بعد مده على افعال محظوره


ودمتم بخيررررررر[/align][/size][/font][/align]

رد: محاااوره بين الطائر عبدالله الثويني
 

الله الله
الطائر المهاجر / والسمح
شاعرين جزيلن ومحاورة رائعه
لاهنتما

تحياتي

رد: محاااوره بين الطائر عبدالله الثويني
 

الله الله

صحة الالسان والابدان

محاوره رائعه وكلامها مثل الدرر

شكراً للشاعرين المبدعين ولصاحبة المستوى العالي على النقل الراقي

رد: محاااوره بين الطائر عبدالله الثويني
 

[center][glow=003333][size=6][font=comic sans ms][color=#ffffff][color="deepskyblue"]
[color=#00CCFF][size=7]
[COLOR="Plum"]صح الساان الشعراااء

وسلمت يمنااك يا عااالي

لا هنتم

موج القصيد[/COLOR][/size][/color]

[/color] [/color][/font][/size][/glow][/center]

رد: محاااوره بين الطائر عبدالله الثويني
 

الطائر ×الثويني
صج السنتكم ملايين
فتل ونقض الحقيقه انها من اروع المحاورات التي صيغت بشات الفطاحله
اعجبتني بأبياتها ومعنانيها
شكرا لعالي لنقلها هنا
ولاهانو الجميع

رد: محاااوره بين الطائر عبدالله الثويني
 

[size=5][font=Comic Sans MS][color=#8B0000][color=#FF0000]ترى ماهي بمليومه كثير اللي عليكم ناح=والاموره ورب الكون يالدكتور معذوره
الله لااا يهينكم [/color]
رااائعه راائعه جداً
فصح الله السنتكم جميــعاً
دكتووراً وسمحاً
وتعودووها
لاتكوون اول وآخر مرة
أبدعتووا


ولااااهنتوا[/color][/font][/size]

رد: محاااوره بين الطائر عبدالله الثويني
 

صحت أبدانكم والله لا يهينكم جميعاً
الصراحه تشرفت بالمحاوره مع استاذي ابو عبدالله

والشكر موصول للاخت الغاليه عالي
على حفظ المحاوره
وُدي

رد: محاااوره بين الطائر عبدالله الثويني
 

ابدعتم وامتعنم ياشعار
وصح السنتكم

رد: محاااوره بين الطائر عبدالله الثويني
 

الله الله

صحت السنة الشعار ولسانك عالي

نقل راقي

مودتي

رد: محاااوره بين الطائر عبدالله الثويني
 

صحت السنتكم
ابدعتم
محاورة ممتعة
تحية طيبة

زهرة