البعض من قصائد الشاعر / احمـد الجريفـاني
 

[color="black"]السلام عليكم ورحمه الله وبركاته


حبيـت اني اضع لكم بعض قصائد الشاعر الكبيـر

احمــــد الجريفـــانـــي ..

ولعلهـــا تنال على رضــاكم :[/color]


[poem=font=",6,white,normal,normal" bkcolor="gray" bkimage="" border="none,4," type=0 line=0 align=center use=ex num="0,black""]
على النصيحه عشت يا فاعل الخير=نصيحتـك خلـت بنفسـي كاابـه
كان انت فاعل خير وتحس وتغير!النصح وفق اسلوبكم وش لنا بـه!
وينك عني من قبل ما اطيح با البير=وينك عن اللـي قطعتـه الذيابـه!
لو ماانت شامت قلت لك سم يا سير=ونصرتني يوم افتقـدت القرابـه!
انته لك اسلوبك وانا مرجعي غيـر=ولا انت الذي يملي علـي الكتابـه
تعرفني مانـي بشـروى طراطيـر=مثقـف وكلـش محسـب حسابـه
وعشت الفقر واليوم ضمن الهوامير=وبنيت لي قـدر ومقـام ومهابـه
با المنتدى توكل اذا تحسب صغيـر=قانونهم با النـت قانـون غابـه!
قل لي من انته لجل تحضى بتقدير!=اكشف لثامك يـا مخفـي جنابـه!
تقول لا قابلتـك اعطيـك تفسيـر=ماني ( وغد ) ما دام فيني نجابـه!
( من اصدقاي اول ! )وتغليني كثير=وانته مثـال المرجلـه والحبابـه!
الحكي غير وفزعة الاجودي غير!=وكلن على طولـه تفصـل ثيابـه!
رد الرساله صعب يا فاعل الخيـر=مادام شخصك سكر قفـول بابـه! [/poem]



[poem=font=",6,white,normal,normal" bkcolor="black" bkimage="" border="none,4," type=0 line=0 align=center use=ex num="0,black""]
يللي نويت تنام تصبح على خيـر=خل السهر للي همومـه كثيـره
للي بنى جرحه بقلبـه مقاصيـر=يبكي غلى ديره وهو وسط ديـره
خله لمن ظم الدمـوع المحاجيـر=ما ظمها يا كود ما شاف غيـره
خله لحزنن في بلد تشوي الطيـر=والسيف فيها ما يغـادر جفيـره
خله لمن قلبه غدى كنـه الكيـر=يرجف كما رجف الخيول المغيره
نم يا بعد روحي ترى مهجتي غير=عسى الوساده تحت راسك وثيره
نم خل عشاق السهـر للمقاديـر=الصبح ينبيك الخفـى والسريـره
طيف الجروح اللي كلته المشاوير=مكسور قلبه ما لقى لـه جبيـره
ما يطربه كثر الصخب والمزامير=ولا يضيـر ان الحبيبـه فقيـره
السر لامن صار ما ياسعـه بيـر=لا تزعل ان خانتك كل العشيـره [/poem]



[poem=font=",6,,normal,normal" bkcolor="green" bkimage="" border="none,4," type=0 line=0 align=center use=ex num="0,black""]
يا الله يا غفار يا عالم اسرار=كل البشر واقدارهم في يدينه
انت الذي تكتب لنا طول الاعمار=وانت الذي تختار من حان حينه
حنا عبيدك وانت ربن للاقدار=محدن كفر بك وانت رب السفينه
يا عزوة المضيوم يا عضد الاخيار=يا الواحد اللي ما بحكمك غبينه
انك تبدل تارك الدار في دار=جنات عدن ومن لجى لك تعينه
يا واحد لذنب المخاليق غفار=تبري جروح اللي جروحه مهينه
يا عزوتي لا يترك الجرح تذكار=بي مثل ما بك والمواجع دفينه
في مهجتي مثلك غرابيل واكدار=لكن مع الوالي حبالي متينه
مرت ثلاث عقود في غبن واعسار=لكن فرجها واحدن مرتجينه
وبمفارق امي با الطعش عشت في نار=وابوي قبله كلنا فاقدينه
وحبيبتي راحت بلا سابق انذار=في عز عمري دوك روحي رهينه
عقبه يزاول لي ومليت الاسفار=اشوفها في كل ورده حزينه
من فارق الاحباب من نار في نار=نار الفراق ونار تكميل دينه[/poem]



[poem=font=",6,,normal,normal" bkcolor="darkblue" bkimage="" border="none,4," type=0 line=0 align=center use=ex num="0,black""]
شفتك معه تمشون بالسوق واغضيت=ذكرت حـبن بيننـا كـان عـذري
والله لو تدرين وش عقـب سويـت=ما طاوعك قلبك علـى شيـل وزري
انتـم تعديتـوا وانـا مـا تعديـت=عجزت اسير وضاقت الارض حدري
انتـي حسبتينـي لمحتك وقفيـت=وانـا شجوني ثايـراتن بصـدري
ردتني الصدفه لوقـتن تناسيـت=يوم ان حبك با الشرايين يجري
ايام فيها حبنا عالـي الصيـت=لا واحسايف حبنا ضـاع هـدري
نسيت وقتن فيه لا زرتك البيـت=تبدأ تهللي يا بعـد كـل عمـري
نسيت قولك يا بعـد حـيِّ و ميـت=عاهد واعاهد لا يجي منـك غـدري
نسيت حلفي يومي اقسمت واثنيـت=اني ما خونك وانت بالحـال تـدري
وعاهدتني واخلفت وانكرت واشقيت=وانا احسب انك عارفٍ ويش قـدري
يا ما على بالـي ودنيـاي عزيـت=وياما فديتك باجمل ابيـات شعـري
ياما من ابيات الغزل فيـك حطيـت=اتخيل انـك نـاوين يـوم هجـري
ظني صدق جاني خبر ويش سويت=انت برضاك اظلمت ليلي و فجـري
لا تعتذر ما لك عذر لـو ترضيـت=عمر الهوى لا ضاع ما فيـه بـدري
ولا تسكب دموع الندم والتناهيـت=وانت السبب باللي جرى لي ويجري
كان انت مستانس انا مـا تهنيـت=يشهد على شكواي دمعي وسهـري
وان كان حظك جاب لك ما تمنيـت=انا حظيظ بـزود حلمـي وصبـري
يللي علـى حـبِّ عزيـزن تعاليـت=لا تذرف دموعك على جـال قبـري [/poem]

رد: البعض من قصائد الشاعر / احمـد الجريف
 

[poem=font=",6,darkblue,normal,normal" bkcolor="skyblue" bkimage="" border="none,4," type=0 line=0 align=center use=ex num="0,black""]
اليا بغيت تجوز اربع على سـاق=قصر ثيابك وارم موس الحلاقـه
لو انت تعطي وعدتك عشرة اطباق=ولو ان جسمك فيه مليون اعاقـه
ولو انت متكبـر وحاقـد وبـواق=ولو انت ما تسوى ولاذيـل ناقـه
ولو ان ابوك اقسم وقال الولد عاق=ولو ما تزور امك وخنت الرفاقـه
ولو اشعب ينافسك في شح الانفاق=وتقول حاتم كـل جـوده حماقـه
وراع البقاله يوم قال ادفع اوراق=سدد ديونك قمت كسسرت ساقـه
مع المضاهر معظم الناس تنساق=ما يبحثون عن العلوم الدقاقه
يتصورون اللي كشف ثوبه الساق=رمز الرجوله والتقـى والرفاقـه
قدامهم قدوه وهـو سـم تريـاق=كذب عليهـم واعتبرهـا حذاقـه
ما اعم فيه اجواد تحكمهم اخـلاق=متدينيـن وعاطفتـهـم رقـاقـه
يخشون يوم الحشر وحساب خلاق=بنوا مع المعبود صـدق العلاقـه
اقصد رخمتن توج الكذب بنفـاق=عقد مع الشيطان حلف وصداقـه
اربع مهارن فيهن الحسن سـراق=في ذمته والهيس معـدوم طاقـه
الكل منهن منوتـه بعـد وفـراق =يبن الخلاص ولو يعيشـن بفاقـه
والهيس يفلي قملته تحت مشراق=لا جت حداهن تشحذه قـال قاقـه
ولا شاف ابوها مقبلن صابه ذراق=خايف يقول البنت عطني طلاقـه
يا ناس لا تخدعكم رخوم الاملاق=ما كل نبت يقـال حلـون مذاقـه
خلوا زواج البنت يحكمه ميثـاق=لا تتركون الذيـخ يحكـم وثاقـه
اما انا رجواي مـن وال الارزاق=مهره اصيله من اصطبل العراقـه
مالي ومال اوجاع راس وتعنفـاق=ابي الذي لا غبـت زاد اشتياقـه[/poem]



[poem=font=",6,white,normal,normal" bkcolor="darkblue" bkimage="" border="none,4," type=0 line=0 align=center use=ex num="0,black""]
عقب اندمال الجرح جيتي تزورين=زورة ندم والا حنين لعذابي
جيتي عقب ما ضاع من عمري سنين=ايام كنتي ما تمرين بابي
توقفي يابنت لا تستعجلين=يكفيني انه ضاع دونك شبابي
يا ما فديتك يا سود داخل العين=واهديت لك روح البيوت العذابي
يا ما مسحت دموع من فوق خدين=تخاف هجراني وتخشى غيابي
واعطيت لك عهد رجح بالموازين=ولا نقضت العهد رغم اغترابي
كنتي امل روحي وزهر البساتين=حلم ليا ضاقت دروبي سرى بي
كنتي عروس العمر نور المزايين=اخاف اكدر خاطرك في عتابي
اخشى عليك من القدر والحسودين=واقبل عليك بلهفتي والتهابي
رحتي شريتي من رصيده ملايين=لون الذهب خلى رموشك حرابي
ليته درى عن طبعك اغتر بالزين=طبع الحمامه غير طبع الغرابي
ما كنت اظن الورد يقسى على الطين=ولا ينكر الطل الرقيق السحابي
وما كنت اظن الحور تمشي بقلبين=ولا لذيذ المي يصبح سرابي
ولا يجيني يوم بقفاه تقفين=كنك حسدتيني بليلة مصابي
انا غني النفس وانتي تعرفين=قمة فخاري شيمتي وانتسابي
يللي غدرتي بي بليلة ثلاثين=شوفي على تعدادها الراس شابي
جيتي عقب ما خانك اللي تودين=هو طاب منك وخاطري منك طابي[/poem]


[poem=font=",6,,normal,normal" bkcolor="darkred" bkimage="" border="none,4," type=0 line=0 align=center use=ex num="0,black""]
طلبت عين الشمس عودٍ من الضـي=في حلكة الظلمـاء يولِّـع سراجـي
قالت لي ابشر ثم غابت عـن الحـي=وانا لعين الشمـس مازلـت راجـي
لا مر عـامٍ قلـت ابنتظـره شـوي=ياعـل صبـري ينتهـي بانفراجـي
عشرين عام انطر ولا شفت انا شي=غير الظـلام وحيرتـي واحتياجـي
عشرين عام ومهجتي جرحها نـي=اكابـد الحسـرات شربـي هماجـي
الناس قالت وشلـك بطـرد مقفـي=ماطعتهم و اليـوم صعـبٍ خراجـي
حكَّمت قلبي واثري القلـب مخطـي=الفـوت فـات ولا يفيـد احتجاجـي
حفرت قبري ياهـل العـرف بيـدي=يوم اتبـع المقفـي لمـوتٍ مفاجـي
رحت ابي اعالج قالوا الجرح مبطـي=العالـم الله كآنـك انسـان نـاجـي
وبدأ يبيع اليـاس فينـي ويشـري=وضاقت يعيني واسعـات الفجاجـي
وجيت ابي اقوم وعيّت الرجل تمشي=كني سجيـنٍ حـال دونـه سياجـي
وامسى نديمي كسرة سـراج مطفـي=لاليلي انصفنـي ولا الصبـح باجـي
عزاه مـن خـلٍ ذبحنـي واناحـي=سكناي الأرض وهو سكن برج عاجي
حسيبك الله كآنـك اسرفـت بالغـي=كيف العزيز يصير برضـاك لاجـي
ياما دعيتك ريـم وخشيـف وظبـي=ولا هقيـت انـك تعكّـر مـزآجـي
تركتني فـي قاعـة البيـر مرمـي=ولعبت بي لعـب الطفـل بالعياجـي
آخـر عـلاج العلـه الخافيـه كـي=كويتنـي واخفيـت عنـي علاجـي[/poem]




وهذه القصيده غناها الفنان حمد الطيار بـ اسم

يوم العـذارى ..


[poem=font=",6,black,normal,normal" bkcolor="silver" bkimage="" border="none,4," type=0 line=0 align=center use=ex num="0,black""]
يوم العذارى باجمل الصوت غنن=نسيت همي واستمعت الغناوي
يا حلو دق طبولهن يوم شالن=والطار صوته في دجى الليل داوي
ما منهن اللي بآخر البيت تلحن=من يوم شالن والقصيد امتساوي
كلن تقول لنفسها صوتي احسن=انا اشهد ان اللي هوى الفن غاوي
شالن ومالن واستهاضن وطربن=وقبل الطرب باعن رهيف الغطاوي
تقودهن سمراء غنوجن تفنن=حفظت قصيدن ما حفظه الخلاوي
الطار في يدها خطير يتجنن=يبكي على الفكى ولا هو بقاوي
وعلى يمينه كامل الزين والدن=غرون لحزات الطرب صار هاوي
هي منوتي واللي لها خاطري عن=عمهوجتن عوده من الزين راوي
في حسنها تخلف وتتلف وتفتن=مزيونتن تلعب بقلب الهواوي
قالت حداهن شوفن الفجر بين=قالن وعدنا الليل لاحدن يراوي
لا تعبت السمراء ولا البيض ملن=ومنهو يلوم اللي على السهر ناوي
الجو طاوعهن على ما تمنن=ليلة ربيعن ما تجي با المناوي
كل العذارى ذوق لامن تجلن=ومن يجرحنه ما لجرحه مداوي
هن راعيات الكيف والدل والفن=وهن سبة جروح الوحيد الشقاوي[/poem]

رد: البعض من قصائد الشاعر / احمـد الجريف
 

[color="purple"]ماشاء الله تبارك الله

اشعار جميله و وافيه

وجزله من شعار متمكن من الشعر

صح لسان الشاعر

وتسلم يمين شاعرنا الخلف على النقل الرائع

أجمل المنى


.[/color]

رد: البعض من قصائد الشاعر / احمـد الجريف
 

حوريه :

حياك الله اختي العزيزه
واشكرك على حظورك

لاهنتي

رد: البعض من قصائد الشاعر / احمـد الجريف
 

[font="comic sans ms"][size="5"][color="darkred"]الله
اختياراات قمة
وشااعر قصاايدة راائعه ومعانيها قيمة
فصح الله لساانه
ولاااهنت على النقل الطيب[/color][/size][/font]

رد: البعض من قصائد الشاعر / احمـد الجريف
 

داوود


سلمت ودمت


واحمد الجريفاني من الشعراء المجيدين الله يسلمه وياقاه


وله قصيده اتمنى لو انك جبتها كان تحضرك اللى فيها يقول


مانت بشبيه البدر



تحيتي وتقديري

رد: البعض من قصائد الشاعر / احمـد الجريف
 

[poem=font=",6,white,normal,normal" bkcolor="black" bkimage="" border="none,4," type=0 line=0 align=center use=ex num="0,black""]
ما أنته شبيه البدر يا مشغل البال=البدر ماله بسمتك يا حبيبي
البدر في تالي الشهر يصبح هلال=ويغيب وانت بناظري ما تغيبي
انت ربيع العمر ينبوع الآمال=عذب الكلام مولع بتعذيبي
لولا عذابك لي وجورك على الحال=ماصار في عطفك تفضل وطيبي
أحب روحك يابعد كل الأجيال=يا مالك وصلي وهجرك نصيبي
ما أزعل عليك ولو حكو عنك عذال=أقول يطفي في عذابه لهيبي
لو حال فيما بيننا نفد وجبال=أنا معك وانت بخيالي قريبي
تردني لك كلمة الواو والدال=واصبر عليك وخاطري ما يطيبي [/poem]

وهذي القصيده بناء ً على طلــب

آخوي / محمد البدراني

رد: البعض من قصائد الشاعر / احمـد الجريف
 

رفيعة شان

حياتس الله واشكرك على توااجدك


تحيتي

رد: البعض من قصائد الشاعر / احمـد الجريف
 

داااود الخلف


قصائد قمة في الروعه والإبداع من شاعر مبدع كبير


يعطيك العافيه على هذا الط ج القيم

رد: البعض من قصائد الشاعر / احمـد الجريف
 

عالي مستواها


حياك الله اختي واشكر لك تشريفك هنا

ولا شك ابو فراس شاعر كبيرر وله قامته الشعريه