الداب وشجرته ؟!! مصافحة العوده ..
 

[align=center][FONT="Arial"][SIZE="4"][COLOR="Blue"]بعد أن تلقيت مكالمه هاتفية من أخي العزيز
وشاعرنا الكبير محمد الفارس , آثرت ان اشارك اسرة ال فارس الكرام افراحهم بهذه
القصيدة الخاصة , وبسبب برنامج الحفل المعد مسبقا لم أنل شرف القائها منبريا
ولكن سنحت لي الفرصة بتقديمها اثناء الامسية التي أعقبت العشاء , انشرها
هنا لمن فاته حضور الامسية .. [/COLOR][/SIZE][/FONT]





[poem=font=",5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
هلا بالسحاب اللي تزبر وحن عصير=مع اول نجوم الصيف والريح حاشرته



تقادح سنا برقه تقل بالسماء تفجير=الى طاح وبله بالوطا ثارت غبرته



تحدر من القبله على نجد دار الخير=لوانه تعداها فلاهيب عاذرته



تساوى على اوسطها من المردمه للنير =تهادى لشرق المجمعه قص تذكرته



دخل في صميم المرحله فوق روض سدير=وغنى لها موال والبنت مسهرته



يجر اللحن جر الربابه وهدى السير=عشقها وهي بالعشق تدري وخابرته



نثر فوقها شوق السواني لذيك البير=ولا فيه وادي مابكى من مبادرته



سقاها قراح الماء وفي كفه التبذير=كشف راعي التنجيم لين احترق كرته



سكن وداي الروضه وسجل لنا تقرير=رجع للوراء تاريخ والمجد ذاكرته



على وقت ابن غشام يوم الفخر تسطير=مخاوي نصاب السيف والشعر حنجرته



تميمي عريب الساس ماناشه التطوير=فعايل يديه اللي مع الناس مظهرته



ولا زال له سطوه وخطوه مع التقدير=مدام انها تمشي على الارض باذرته



لنا في محمد راعي الطايله تصوير=ظهر نجمه اللامع وماشفت سطرته



افاخر بابن عمي ولي بالفخر تبشير=لوانه بعيد الدار جيته وزاورته



لو ان الليالي علمتني بفعل الطير=علي الحرام ان كان من قبل دورته



اسوق الركايب لين تاقف على التشهير=والى حل وقت القاف جيته وشاورته



لانه محل الروح والشرح والتفسير=هو الحلم يومني مع الناس فسرته



لعل الحيا في روضة سدير له تعبير=قصايد تميميه ولا هيب عاسرته



بعد سبعة ايام الذواري لها تعطير=الى شمها راع الهوى جاب سامرته



كتب ماكتب فوق الورق للغلا تسطير=جذبها من اقصاها على قد مقدرته



تسامر مع النجمه يبي للسهر تبرير=يكابد هموم ٍ تطعنه وسط خاصرته



شكى ماشكا من لوعة الحب والتقصير=عليه الجفاء من صاحبه دار دايرته



عليه الله اكبر كلما حل له تذكير=على شاشة القلب الخضر لاتصورته



اهل العباير لو لنا بالهوى تغيير=تراجعت عشر سنين عنها وغيرته



تفكرت في دنياي واعياني التفكير=وشاورت عقلي حول وضعي وداورته



لقيت الحلول اصعب من الشعر والتحرير=لاني عشقت الكوكب اللي تخيرته



ولا ينحني راسي ولايقبل التغرير=والى دق ناقوس الخطر ماتكابرته



ولاني من اللي يلتهي في لحوم الغير=مثل واحد ٍ بالليل يرضي بها مرته



والى جيت مجلس فيه نمام مثل عوير=كبير الكلام وطيب الافعال هاجرته



الى اخذت لي فنجال حطيتها توفير=عسى الله يخارجني من الداب وشجرته[/poem]


[media]http://up.fatahilah.com/up//uploads/b0e9cd90e1.mp3[/media]

[url=http://up.fatahilah.com/up//download.php?filename=b0e9cd90e1.mp3][color=#0000FF]للتحميل هنا [/color][/url]



[url=http://up.fatahilah.com/up//download.php?filename=b0e9cd90e1.mp3] [color=#FF0000]التحميـــــــــل[/color] [/url]

[align=center][color=#787878]تقبلوا خالص تحياتي ,,,


ناصر القزلان 19/ 5/ 1430هـ [/color][/align][/align][/align]

رد: الداب وشجرته ؟!! مصافحة العوده ..
 

[frame="3 70"][center][size="5"][color="red"][frame="9 70"]

هلا بك و ألف هلا يا ناصر

و الحمد لله على السلامة

و افي يا ناصر دائما وافي

و النعم بك و بمن ذكرته بالقصيدة و يستاهل المدح

و لا يقدر الطيبين إلا الطيبين

سلمت و صح لسانك مدد بلا عدد يا بن قزلان

تحيتي لك

،،،،،،،،،،،، [/frame][/color][/size][/center][/frame]

رد: الداب وشجرته ؟!! مصافحة العوده ..
 

صح لسانك يالغلا ولا هنت

رد: الداب وشجرته ؟!! مصافحة العوده ..
 

[font=arial narrow][size=5][color=purple]ماشاء الله

قصيده شامخه بشموخ شاعرها[/color][/size][/font]
[font=arial narrow][size=5][color=purple][/color][/size][/font]
[font=arial narrow][size=5][color=purple]والنعم بالجميع[/color][/size][/font]
[font=arial narrow][size=5][color=purple][/color][/size][/font]
[font=arial narrow][size=5][color=purple]صح قلبك ياناصر[/color][/size][/font]
[font=arial narrow][size=5][color=purple][/color][/size][/font]
[font=arial narrow][size=5][color=purple]وياهلا بك بعد غيابك[/color][/size][/font]
[font=arial narrow][size=5][color=purple][/color][/size][/font]
[font=arial narrow][size=5][color=purple]دمت ودام حرفك[/color][/size][/font]
[font=arial narrow][size=5][color=purple][/color][/size][/font]
[font=arial narrow][size=5][color=purple].[/color][/size][/font]

رد: الداب وشجرته ؟!! مصافحة العوده ..
 

[font=arial][size=4][color=navy]الفاضل ناصر القزلان......................[/color][/size][/font]
[font=arial][size=4][color=navy]لو لم يكن من فضائل الشاعر محمد الفارس سوى عودتك لنا لكان كافيا ووافيا[/color][/size][/font]
[font=arial][size=4][color=navy]والشاعر محمد الفارس اسم لمع وحفر على صفحات الصخور واعتلا قمة مجد هو أهل له[/color][/size][/font]
[font=arial][size=4][color=navy]قصيده وافيه وموفقة ومسدده في محلها ووقتها ولاغرابه اذا كان القائل ناصر[/color][/size][/font]
[font=arial][size=4][color=navy]والمناسبة مجد تميم[/color][/size][/font]
[font=arial][size=4][color=navy]شكرا على الحضور وعلى الكلمات الجميله[/color][/size][/font]
[font=arial][size=4][color=navy]تحيتي وودي[/color][/size][/font]

رد: الداب وشجرته ؟!! مصافحة العوده ..
 

ارحب ياناصر القزلان
صح الله السانك وفكرك واحساسك
جزلة من جزل
ومن كريم لمستحقها
لاهنت اخي
والله يحيك مرة اخرى بالفطاحله

رد: الداب وشجرته ؟!! مصافحة العوده ..
 

ولنعم يابو محمد بك وببني تميم
ووبمن مدحت والرجال الطيبين يستاهلون المدح
لله درك على هالمعلقة واهلا وسهلا بك
تحياتي والسلام

رد: الداب وشجرته ؟!! مصافحة العوده ..
 

صح لسانك ولا هان راسك
مدد بلا عدد ياناصر
دمت كماانت مبدعا
تحيتي الطيبة

رد: الداب وشجرته ؟!! مصافحة العوده ..
 

رائعة وشامخة
شكرا لكم
تحياتي

رد: الداب وشجرته ؟!! مصافحة العوده ..
 

[font="comic sans ms"][size="5"][color="darkred"]شاعرنا الفاضل
صح الله لسانك مليوون
ومليون النعم بالمادح والممدوح
نص وافي وابدعت فيه

لاااهنت[/color][/size][/font]