الفرحة
 

[poem=font=",6,,normal,normal" bkcolor="transparent" bkimage="" border="double,6,purple" type=0 line=1 align=center use=ex num="0,black""]
يالله ترزق خالي اليد وتعيض=
تفرج لمن من جور وقته حزيني=
الفرحة اللي لاقبلت لفها غيض=
واقفت تجر أسبابها لاتجيني=
تعب الرجاء من كل مافيه تبعيض=
ضاع العمر والحظ الأقشر خديني=
دو م ا تحذر كني أمشي على البيض=
أبغى السلامة والزمن مبتليني=
ان قلت وين البرد يفزع لي القيض=
وان قلت وين القيض بردي عويني=
للتم دربي يكنفنًه مقاريض=
واليا اتسع تهنا مع التايهيني=
دنيا كواكبها على غيري اتنيض=
لاكن تشح أنوارها دون عيني=
لاحشتها نقدي و لاجت معاريض=
دايم على باب الشقاء تحتريني=
ما زل منها زل من دون تعويض=
عارف بها البوقه من أول سنيني=
حظٍ شقي هل ينفع الحظ تمريض=
ياشين حظٍِ من صباء محتويني=
في مامضى يطفح بي الهم ويغيض=
ويحول صبرٍ به رجاء مقتفيني=
واليوم همي زم ويزم ويفيض=
وصبرٍ خبرته فيً ماعاد فيني=
ضاقت عسى عن صكة الضيق تعويض=
يالله على درب الفلاح اتهديني=[/poem]

رد: الفرحة
 

احسنت
وصح لسانك وزان حظك
نص طيب من راس طيب
تحياتي

رد: الفرحة
 

مشكور يالمهاجر شرفتني


لاعدمتك يالغلااااااااااااا

رد: الفرحة
 

[size="6"][font= ][center]ما زل منهـا زل مـن دون تعويـض[/font][/center]
[font= ][center]عارف بها البوقـه مـن أول سنينـي[/font][/center]
[font= ][center]حظٍ شقي هل ينفـع الحـظ تمريـض[/font][/center]
[font= ][center]ياشين حـظٍِ مـن صبـاء محتوينـي[/font][/center]


[/size]صح السانك..حمود
ولاهنت يالجزل..قصيده رائعه
يعطيك العافيه
تحياتى..

رد: الفرحة
 

رائعة الله يسعد قلبك ويديم عليك نعمه سلم القلب

رد: الفرحة
 

الاخ الفاضل / بعيد المدى
صح لسانك لاهنت
نص شعري رائع جدااااااااا
من شاعر متمكن
تسلم ويسلم فكرك يالغالي
تحياتي
أخـــــــوك
س / ص

رد: الفرحة
 

ابيات اكثرمن رائعه
بارك الله فيكم
تحياتي لكم

رد: الفرحة
 

صح لسانك لاهنت
تسلم ويسلم فكرك يالغالي
تحياتي

رد: الفرحة
 

بعيد المدى صح لسانك

نص وافي من وافي

يعطيك العافية يالغالي

تقديري ,,,,,,

رد: الفرحة
 

بعيد المدى صح لسانك

نص وافي من وافي

صح لسانك مدد لا عدد

دمت ودام تميزك

تقديري ,,,,,,