وصية أب لأبنه
 

[size="5"][center][color="blue"]اول مصافحة اتمنى ان تحوز على رضاكم


وهي وصية لأبني محمد

اصلح الله لنا ولكم النية والذرية[/color][/center][/size]
[poem=font=",6,green,bold,normal" bkcolor="white" bkimage="" border="double,8,seagreen" type=1 line=0 align=center use=ex num="0,black""]
شيبت يا محمد وأنا فـي شبابـي =من كثر ما ايام العنـاء صافقنـي
سود الليالي والحزن عنـد بابـي =خاواهم الحظ الـردي ليـن جنـي
امشي ولا بين مع النـاس مابـي =واضحك من علومٍ قهر يضحكني
الصبر مبدأ لي ومخـرج جوابـي =قانع بمقسومـي وممشـاي قنـي
يا ما نظن وكم مـن ظـن خابـي =ويا كم علمٍ منه العقـل جنـي
لي شايبٍ فالنايفات اعتلى بـي =وهلت سحايب غيثه اللي سقنـي
رويت فكري ثـم عرفـه سرابـي =ومن بحر ميزه بالمعانـي رونـي
وان شفت وقتك يامحمـد سرابـي =خلك على دربـي ولاتحيـد عنـي
ولاطاب لك يومٍ به العيش طابي =لاتحسـب ايـام العمـر اشرقنـي
واحذر ترى الأيام فيهـا انقلابـي =تمسي غني والصبح فقرك يدنـي
واحرص على دينك تجيك الوهابي =والوالدين ابـذل لهـم كـل فنـي
والنفس حاسبها وصف الحسابـي =ترى الكتوف اقلامهـا يرصدنـي
ولاتكون يامحمـد كثيـر العتابـي =بالذات مع حيٍ معـك يسكننـي
وياك تمشي مـع رديٍ وهابـي =خلك مع اهل الطيب وبالجود ثنـي
واكرم ضيوف الله وسوق الركابي =يـم القرايـب والعوانـي وحنـي
والظلم لايطريك يـا لـه عقابـي =يا كـم ظالـم موتتـه تحزننـي
وشهادة الحـق قولهـا لاتحابـي =ومنهو زعل منها عسى ما يثنـي
وياك فالمجلـس تثـر الزهابـي =خـل العلـوم الخافيـة تستكنـي
ولاجيت مجلس لايضيع الخطابـي =خل المعانـي بالجـزل يخرجنـي
ولاتترك الفرصة ونيـل الثوابـي =في شايبٍ لقبل وغيـرك مدنـي
والجار لو دونه تقـص الرقابـي =من دون جارك خلهـن يقطعنـي
ابيك ذيب ومجلسـك مـع ذيابـي =في عالي المرقـاب مـا ينزلنـي
وان قام حظك لاتهـاب الصعابـي =بالحظ غصب لطاعتك يخضعنـي
هذي وصاتي لـك وهـذا كتابـي =لاتلحقـك فيهـا مشاريـه منـي
اشرب معانيها ويهنـى الشرابـي =تـرى العلـوم الطيبـة يثمرنـي
وياالله تلهمني طريـق الصوابـي =وتغفـر ذنـوب بكثرهـا تعبنـي
وصلاة ربي عد وبـل السحابـي =علـى محمـد قالهـا كـل سنـي [/poem]

رد: وصية أب لأبنه
 

هلا بك اخي الكريم
النشر لدينا بالإسم الثلاثي الصريح
مع ايضاح بعض روابط نشر قصائدك في الإنترنت
وحتى تستكمل المطلوب سيتم نقلها لقسم العرض
تحياتي

رد: وصية أب لأبنه
 

[quote=الطائر المهاجر;825035]هلا بك اخي الكريم
النشر لدينا بالإسم الثلاثي الصريح
مع ايضاح بعض روابط نشر قصائدك في الإنترنت
وحتى تستكمل المطلوب سيتم نقلها لقسم العرض
تحياتي[/quote]

[size="5"][center][color="royalblue"]اشكرك اخي د0عثمان على حرصكم للحفاظ على الحقوق الأدبية

واتمنى إضافة اسمي تحت الأسم المستعار

اخوك الشاعر / بخيتان البشري

وموجودة القصيدة ضمن ديوان قصائدي ................


تحيتي وإمتناني[/color][/center][/size]

رد: وصية أب لأبنه
 

سلمت
وصح لسانك
ولا هان راسك
جزلة من راس جزل
ومشكور على تعاونك
تحياتي

رد: وصية أب لأبنه
 

ارحب يابخيتان

وصح لسانك على المصافحه الطيبه

لاهنت ياشاعر

لاهنت

تقبل مروري

وتقديري

رد: وصية أب لأبنه
 

سلمت وصح لسانك

وياهلابك عند من رحب بك

شاعر قدير

لاهنت ولا هان راسك

رد: وصية أب لأبنه
 

ابيات رائعه
ابدعت واجدت
شكرا لكم
تحياتي وتقديري

رد: وصية أب لأبنه
 

صح لسانك
جزلة

صعوووووووب

رد: وصية أب لأبنه
 

[quote=الطائر المهاجر;825317]سلمت
وصح لسانك
ولا هان راسك
جزلة من راس جزل
ومشكور على تعاونك
تحياتي[/quote]

صح بدنك ولاهنت يالذيب

ودربي ودربك خضر

رد: وصية أب لأبنه
 

صح لسانك قصيده طيبه مليئه بالحكمه تقبل تحياتي