تلذذت الغرور
 

[color="darkred"][center][size="4"][b]
.

.

.

صباحكم ورد , وطهر , ومحبه

متواضعه .. بعد غياب طويل

آمل أن تشفع لي [/b][/size][/center][/color]



[poem=font=",4,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
صباحـَـك ورد يا كل المحبه يا سميّ الحور=صباحـَـك ورد يا كل الغلا يا احلا صباحاتي

صباحـَـك دهن عود , وعطر باريسي , وريح زْهور=صباحـَـك طهر يا اجمل عالمي , واغلىْ اهتماماتي

تذكـَّرْتك معَ انسام الصباح , ومعْ طلوع النور=وعشت بجو فرحه تايهه بين انكساراتي

ذكرتك يوم اذوبك لين باحت للصدور صْـدور= واسامرك بْمشاعر طايشه , رغم انف لاءاتي

لي الله يوم قررت الغياب , ولا سمعت الشور=واناْ اتوسلـْـكْ , لكن ما تلفتّْ لـْنداءاتي

تغيب , وبَعدك القلب المريف اصبح فيافي بور=تنكَّرتْ لْغلاي , ومنك ضاقت بي فضاءاتي

وبعد اربع سنين تجيني المتكبر المغرور=وزدت الجرح جرح , وفيك ضاعت كل هقواتي

((واناْ اللي جيت لك ما نيب لا منهي ولا مامور))= وعشتك حب صادق , واعتبرتك شي من ذاتي

صباحـَـك .. وش صباحك .. غير منفى جيت له مجبور=يقدِّيني شتاتٍ موحش يْسابق متاهاتي

صباحـَـك ليل مظلم , ما يفارق وجهه الديجور =صباحـَـك ما فقدته من سروري , وابتساماتي

صباحـَـك هم عشته , لين بحت الخافي المستور =صباحـَـك ما سكـَنـِّي من شجن , واستنطق ابياتي

صباحـَـك نزف من باقي ملامح قلبي المقهور=صباحـَـك حزن من باقي شقاي ومن معاناتي

صباحـَـك غدرْ , ظلمْ , احساسْ كاذبْ , جرحْ , زيف شْعور=صباحـَـك ما احتواني من الم , واستوطن اوقاتي

ولامنّي قسيت اسأل غرورك , والا اناْ معذور=تعبت اجْمَعْكْ عشقْ , وضعت ما بين اتجاهاتي

تلذذت الغرور , وعشت في دوامته ماسور=وانا ادمنت الألم , لين استحال اجمل ملذاتي

رجعت , او ما رجعت , الوضع عادي والصدور قْبور= تغـيـَّـر .. ما تغـيـَّـر .. ما تغـيـَّـر بك قناعاتي

يبلـِّغـْكْ السلام اكبر جروحي , حلمي المكسور= يبلـِّغـْـكْ السلام اقسى دموعي واصدق آهاتي

انا ملـَّـيت من قصة عذاب الجرح والدكتور=شفي جرحي القديم , وكـثـَّـر الله خير عبراتي

تولَّم للفراق , وغنّْ عالمسحوب والمجرور=لك الله صار حبك ميّتٍ من ضمن الامواتي[/poem]


[color="darkred"][center][b][size="4"]احمد رده الحارثي[/size][/b][/center][/color]

احسنت
وشكراً لك
تحياتي