منتديات الفطاحله - ماني بمن يرمي بيوت الرجاجيـل،، رائعه

منتديات الفطاحله (http://ftahilah.com/index.php)

- الشعر المنقول(خاص بالشعر النبطي) (http://ftahilah.com/forumdisplay.php?f=334)

- - ماني بمن يرمي بيوت الرجاجيـل،، رائعه (http://ftahilah.com/showthread.php?t=78664)

ماني بمن يرمي بيوت الرجاجيـل،، رائعه

[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
قالو تحب وقلت بالحيـل بالحيـل=هو فيه قلب ن من عنا الحب خالي
لكن اشوف الحب من بعد ذا الجيل=ينعاف واكثرهم يعشـق الخيالـي
اما على الكرسي يجـر المواويـلي=زاعق بصوت ن يهـد الجبالـي
والا على الهاتف يـدز المراسيـل=ويقول انا هايـم بحـب الغزالـي
اللي برت حالي وذقـت الغرابيـل=وخلتني من الناس عايش الحالـي
هو مابعد شاف لحبيبـه مداهيـل=صوت ن على الجوال سبب هبالي
ياناس هذا العشق ماله تفاصيـل=الا سراب ن عقب وقت الزوالـي
اسمع كلام ن غير هرج المهابيـل=ابعترف بالحب واسـرق حلالـي
ماني بمن يرمي بيوت الرجاجيـل=وبيته قـزاز ن عرضـه للهيالـي
نظرات عينه للهوى فيـه تعديـل=الناس شرق ن والضعيف شمالـي
راح الهوى العذري وجابله تبديـل=ضعيف نفـس ويحسبنـه مثالـي
لا لا بعد ويقـول ويـن المناديـل=دمعي من الفرقا على الخد سالـي
العشق له مفهوم غير الذي قيـل=عشق الشرف عشق النقا والدلالي
واضرب مثل لوكان ماهوب تنزيل=مجنـون ليلـى عذبتـه الليالـي
ومحيسن وقبله رجـال حلاحيـل=عنتر وبن عدوان وايضا الهلالـي
ذولا رموز في الهوا جالهـم كيـل=على النقا كل فتـح لـه مجالـي
واليوم كل حط في ساحتـه خيـل=ويقول ابويه ناشدن مـن خوالـي
انسان لكنه علـى شكـل برميـل=( يشرخ ويمرخ في ذرا كل عالي )
ياللي تحطون المسامه على الفيل=ماهيب له لـو جـودت بالحبالـي [/poem]

للشاعر / شافي النتيفات