اقتباس:
المشاركة الأصلية كتبت بواسطة محمد بن عمار
مشاركة تحضيرية لمعاودة النشاط
عسى أن تكون بالمستوى المأمول ،،،
فتنة العشاق
أنا وإن قلت شيخات القصايد فتنة العشاق = يسوق بخاطري شعر ٍ شعوري ينظم أبياته
ونيران المعاني تشتعل في ضامري بإحراق = ويطير النوم من عيني وفكري زايد شتاته
وأشوف الحرف يتهادى وفيني حرّك الأشواق = على روض المشاعر هل ّ وبل ٍ من سحاباته
يروم القاف في صدري تناهيد ٍ من الأعماق = ويبكيه القلم ،، حبر ٍ يسطّر لي ، معاناته
أعصر الماء من اليابس وأنشّف أخضرالأوراق = على صوت ٍ سحب من داخل الوجدان ونـّاته
وأجيبه من شواهيق الغمام ، بعالي الآفاق = وأسوقه نوّ ، لرياض الحشا ،، يسقي نباتاته
وأراعي للنجوم اللي على نور القمر تنساق = تسابق في فضانا ،، سابحات ٍ مع مداراته
أبا امدح من معه زين المعاني للحكي سبّاق = ولكن القصايد !!! عاجزات ٍ عن مجازاته
يقود الصيد رعبوب ٍ يباهي في أدب وأخلاق = وله ، بصمات سجّلها الزمن داخل سجلا ّته
ومن معدن ذهب وأصل الذهب من عادته برّاق = جماله في عيون الناس وسعره في جنيهاته
مودتي لشموخكم
محمد بن عمار
|
الله عليك يا محرك المشاعر
صح لسانك لا هنت ابد