[عبدالله راشد الثويني]

لا تخلـّـي ياغناتي .. من يبيـك = لا تخلـّـي من شكا . كثر السهر
إعتبر قلبه دخيل(ن) .. ينتخيك= يشتكي جور الخلايق .. والقهر
إن تركته للعنا ... يشره عليك = وإن حضنته يفرش دروبك .. زهـر
وإن طلبته حطْ قلبه في يديـك = لا تردّ اللي دفع قلبه ... مهر
لا تردّ اللي بروحـه مشتريـك=لو يردّ الشوق .. بعيونه ظهـر
مقبل(ن) كلـّـه .. من اللهفه إليـك=ضامي(ن) وعيونك الخجلا .. نهر
في غيابك كل مابــه ... يحتريك=كنْ يومه من بعد هجرك شهـر
ضمـّـني بالهووون .. يَرحم والديك=مابقى بي قلبْ .. يقوى للسهر