[عمر ال شيبي]

المشاركة الأصلية كتبت بواسطة فارس القوافي

صحيح انا انســـــــان محتاج انسان = فاقد حــنان وحالتي ( كسر خاطر )
اكتب على الغيمه سواليف الاحزان = ويضيق صدر الغيم من حزن شاعر
ويهلّ دمع الحــــــــــزن هتان هتان = يشفـــــــــق عليّه يدري الهمّ كافر
أنا الوحيد اللي عثـــــت فيه الازمان = مالي سوى دمعه ولي حظ عاثر
مكسور في نفسي وعايش بحرمان = محروم حتى من لذيذ المـــشاعر
محــــــــدٍ درى عنّي ولو كان ما كان = اكتم بصدري وانطعن بالخـــــناجر
واليوم جيت احكي وفالقـــلب بركان = ماعاد فيني صبر كم عشت صابر
ان ابستم لي الحـظ جرّيت الالحان = وان عاندت دنياي بنـــسى واكابر
يامن يجي يسـمع ونيني والاشجان = ويضمّني ضمّة حبيبٍ مــــــسافر
يامن يجينـــــــي قبل لفي فالاكفان = ويحسّ بي قبل اندفن فالمــــقابر
احتاج لي بسمه يتيمه علـــى شان = مآموت قبل افرح بلحـــظه واغادر
وصلت حدّ اليــــــأس واليأس عنوان = ملّيت من نفســــــي ولا آبيه باكر
والله انا انسان محـــــــــــتاج انسان = فاقد حنان وحالتي ( كسر خاطر )

صح لسانك وقلبي معك

لامست شجوني يالغلا


طيبه من طيب