1-انا بنشدك عن بنتن تجر الصوت والموال=ولاتسمع غناها غير لامن شانت النيه
لها وسط البلد قيمه لها بالمرتفع منزال=ولاغنت ضعيف العقل منها هل عبريه

2-ولا ياويش رجلا لابغيته في لزومه مال=ودمه كل مايمشي يثره فوق حوريه

3-ونا بنشدك عن بنتن توسط في ثلاث اعيال=سكنها ستة ارجالن لهم قيمه سياسيه

4-ونا بنشدك عن رجلا بوسط ديارنا ماجال=سمعنا فيه لكن ماحكمبه بالسعوديه
انا بعطيك وصفه كل ماشفته نحيل الحال=وحيد العين في ضيفه ترى مافيه ماويه

5-ونا بنشدك عن رجلآ ترى له بالهدى مدهال=وخوه اللي مثل وصفه سكن بقصى الحناكيه

6-ونا بنشدك عن دارآ سكن في بطنها رجال=حسب عرفي يقولون انها بالرجل محميه
عطيب الفعل مايخطي ولاهو يترك العيال=رمى شره على ضيفه بعد جاهم خلاويه

7-ولاياويش رجلآ في مكانه ثابتن مازال=ووجهه يختلف ياصاحبي عن وصف حدريه
خطيرآ مابعد ياطاه لارجلي ولا خيال=ويبشر كل من له زار في روحه بلا جيه
ولو ان المطر عامين فوقه ينهمر ماسال=ولاينبت ولو لاحت عليه بروق وسميه
جميع الخلق مع زود التقدم فيه ماتحتال=ونا اقول ان دعوى من خفى سره إلاهيه

8-ولاياويش رجلا حارسآ للعود يالعقال=وعين العود بالممشى ترى دايم شقاويه
نحيل الحال يركعله على الاقفاي والاقبال=وترى ذا العود لاروح توطى جثة بنيه
وتم القاف ياراع الشهامه ياعريب الخال=ومثلك يدمح اللي فيه من زله ومن سيه