السلام عليكم ورحمة الله وبركاته
عودة لعيونكم بعد انقطاع طويل عن الشعر النبطي...
قصيدة متواضعة أرجوا ان تنال على بعضٍ من إعجابكم:
خذيني بقايا وهم واحلام منسيه = خذيني فؤادٍ ما عرف بالهوى أفراحي
خذيني مشاعر بين الاحزان مرمية = وصندوق حزنٍ صار من دون مفتاحي
شعوري واحاسيسي وأحلام ورديه = تهاوت من عْيوني وحلم الهوى راحي
حياتي عذاب و كل دمعة كما الكيه = وعايش أنا وحدي بحزني والأتراحي
ولادري زماني ليه أصبح بلا نيه = ولادري علام الوقت جاير وسفاحي
خذيني ألم وجروح واشعار وهميه = خذيني بقايا قلب تنزف به جراحي
وشوفي سهام الحزن وش فعلها فيّه = وداوي فؤادٍ يشتكي سم ذباحي
عساني ألاقي فيك رحمه وحنيه = وأغفى على كتفك وانا حيل مرتاحي
وخذيني بقايا حلم واوهام شعريه = خذيني شعورٍ بالألم ما بغى إيضاحي