[محمد اسماعيل الرفاعي]

أنا كنتا منتظرك تبادر بالكلام
أو حتّى تفضحك العيون
وكتين تصوِّب لي .. سهام
لكين سكتّا وأبيت تبوح
خليت قِليبي عليك ينـوح
جسمي انتحل وأصبح حُطـــام
وكان ممكن أبدأ وأبوح
لو في العُرف مسموح
ده أنا قلبي مهرِ جموح
لاح ليهو مركب نوح
عاش بيهو ما فقد الأمل
راجيك مؤمل ومنتظر
عارفك متيم بالغرام
بس لسه ما حكم القدر
وما داير أكون في يوم لحوح
يا راقي يا اب وجهاً صبوح
مع إني كلي بهاتي بيك
زي الفراشات للزهر
***
خليك طبيعي وما تغيب
عن عيني إيّاك تحتجب
ده الحب شعور وإحساس نبيل
ما ممكن أبداً يكون غَصِب
وأنا فيك مستّفني الطموح
زي القمر باكر تلوح
جواك يدق ناقوس هواي
وتسوي ساساقا الدرب
تلقاهو مفروش بالورود
وإسمك مسطّر في القلب

1 /1 /2011