[الطائر المهاجر]

قالت الحب .. قلت الحب فاجر = من مشى دربه فلا هو رابحي
قالت ْوقلبي ودمعي والمحاجر= ويش اسوي وانت عني نازحي
ياسبب بلواي يالطير المهاجر = يانزف بالقلب يبقى ذابحي
كيف تتجرا تقول انك تهاجر = وتترك اللي في غرامك سابحي
قلت انا انسان ما اعرف اتاجر= بالعواطف مثل اية جانحي
حبنا كالنور في وسط الدياجر= والفوارق تمنعه لو كاشحي
مالي جاهٍ مثلما بعض التواجر= وما لي مالٍ مثل مال الراجحي
الفقر يطعن بقلبي كالخناجر= وعاطلٍ مالي ظهر او ناصحي
ما اعرف الجوال او شكل البياجر= وبيتنا عشه بسيله طافحي
وانتي من اسره غنيه بنت هاجر= والفرق ماهوب سهل وفاضحي
افضل اني ابتعد فالفقر زاجر= فالفقر للحب خصمٍ واضحي