البــارحه مــابيـن وحــده وثـنــتــــــيـن=انا وبــعد روحي قــطعــــنا الاشـــاره
قـلـت اوصــفـيـن الــدرب كــنك تـدليـن=تــرى الغـريــب ايتوه في وسط حاره
قـــالـت دلـيـلـه لابـغـــيـت الـدلـيـلـيـن=وخـلـك عـلى مـاقـال ســــواق طاره
بغـيت اروح ايــسار قـال ادخــل ايميـن=مـنا ومــــنا ليــــــن يمسك مـــساره
مسّــكـتـه السـيـديــن مقفي وعجلين=ســار البـــلد خـلــفــه وضــــو الاناره
يـنـزل انبــيره تـحـت مــــيـه وستـــين=قــام الجرس يضرب ونسمع انــظاره
اتــصرقــع ابلـوفه وتــركي المــوازيـن=مــن حـر مــابـه قـام تـشـتـب نـــاره
قـامـت تسولف لي بهمــس المحبـين=كـيـف اسـعـده حـبي وسار اخـتـياره
صبة لنا من تــرمـس الشاي كـاسـين=وقــالــت دقــيـــقه شب ليت الغماره
يوم التفت والرمش سلهم على العين=انا قــــدحــت الــزنـد راس السجــاره