السلام عليكم
اعذروا غيابي لظروف الحياة
ما احب المستحيل وما طلبتك مستحيل=وما ابي شيءٍ يغثك كان مثقال اشعره
ما طلبتك غير قلبك ما يحيد وما يميل= اتجاهاته لصوبي رسم خط المسطره
والله اني من فراقك كن روحي في مسيل=كن موتي قد سرابي لين حد المقبره
اذكرك يومك تقولي ياعسى عمرك طويل=وما دريتي كيف عمري في غيابك مقصره
يوم حسيتك بلحظه اقرب لنجمة سهيل=اشكي ذراعي قصيره بس عيني مبصره
يابعد روحي وربي انك الحلم الجميل=وانك بعتمة حياتي مثل ليلة مقمره
ايه ابيك وايه ابيك وما ابي غيرك بديل=باختصار الوضع يعني كن ماغيرك مره
قبل لا انسى ودي اسأل تعرفين المستحيل؟=اني ارضى شي يغثك كان مثقال اشعره
وسلامتكم