لو جـت ملـوك الجـن ياناصـر علـى شانـك تطيـع=وش قولتك فيهـم وهـم طاعوك مـن ماضي الزمـان
قطيعـهـم فــي هاجـسـك يـاذيــب مايـسـمـى قـطـيـع=وافكـارهـم فــي راســك المـبـدع يسـبـب لــك جـنــان
الكون في عصرك على الساحه تحس انه وسيع=واثــر الـزمـن مـحـدود ماتـلـقـى حـيـاتـك لـــه مـكــان
أنــا أعـرفـك شـاعـر ولـكـن جمـلـة أبيـاتـك تضـيـع=بـيـن الثقـافـه الـزائـده مـاعـاد صـغـت فـيـك الاذان
الــبــدو مـاتـفـهـمـك يـانــاصــر ولا لـــــك تـسـتـمـيـع=لو عاد تسوي لك ثلاث اللسان من فوق اللسان
خليك في المعنى تحس انـك علـى المعنـى وقيـع=نستوعبـك ونـقـول حــان الـوقـت للتصفـيـق حــان
ثقـافـتـك خـلـتـك يـانـاصـر عــلــى الـسـاحــه ربــيــع=وانــت اكـبــر الـشـعـار لـكــن الـزمــن مـالــه امـــان
الناس لو جت تشتري بالسوق مـن غيـرك يبيـع=ثــقــافــة الابــــــداع بـالـمــجــان مـاتـبــغــى لـــجــــان
انتـه سعـودي والسعـودي راكـب الحـصـن المنـيـع=فـوق الفـرس لا اشتـدت الازمــان يطـلـق للعـنـان
اقـولـهـا صـــادق ولا انـــا مـنــك يـانـاصــر وجــيــع=لا والله الا مــن مـعـزة شــوق تهـتـف فـــي فـــلان
وانتـه فـلان اعـتـز مـادامـك عـلـى السـاحـه تـذيـع=وتخلـي الــي يفهـمـك يسـكـر مــن ابـداعـك مــلان
سكرة مثقـف ماسكـر مثلـك علـى الساحـه رضيـع=كـم قلـب قاسـي غصـب عـن راعيـه لعيونـك ولان
انـت الادب تبـدع ولا مثـلـك عـلـى ابـداعـك بـديـع=ولا يـطـاول شـاعـريـة هـاجـسـك مـــن كـــان كـــان
هــذي شـهـاده مــن عـلـي مــرزوق والله السمـيـع=شاعر على قـد الهجـوس الـي مـن افكـاري تبـان
مـن نسـل قحـطـان الـرجـال الــي كرامتـهـم تشـيـع=بـيـن الـعـرب تـذكـر شهامتـهـم عـلـى مــر الـزمـان