اعداد ما راحت من أيام وليـال=وعداد ماهلت مزون المخيلـه
يامرحبآ ترحيبت(ن) مآلها امثـال=ترقى على رؤس الجبال الطويلـه
للي لكم في داخل القلب مـنـزال=منزالكم بين الضلوع النحيلـه
ثابت ولا يهتز لو هز زلـزال=الطيب والمعروف محدن يزيلـه
راعي وفاء فالمرجله قول وافعـال=من عادته لامد مد الجزيلـه
يرزقك ربي خالق الخلق بعيـال=ويسعدك ربي في حياة(ن) جميلـه
تفداك مني يا أبيض الوجه الانـذال=وتفداك مني كل نفسن بخيلـه
الفكر من كثر الهواجيس شغـال=والقلب ينقل له حمولن ثقيلـه
الفال يابن العم نقفاه بعقـال=المعذره والله فيكم قليلـه
اخـــوكــــم / عـبـدالـلـه الـحـــربــــي