[عمر ال شيبي]

المشاركة الأصلية كتبت بواسطة عبدالعزيز الرقابي

قررت أنسى جرحك اليوم وآتوب=وانسى زمان ٍ عاجز ٍ لايْتذكّر
احيان انا انسى مع البعد محبوب=وهذاك محبوب ٍ نسان وتنكّر
بعض الوفا ماهو مع الناس مطلوب=راحل بعيدٍ عند الأغراب وكّر
وانا تراني شخص بلحيل طيوب=رايق مزاجي دوم صعب يتعكّر
من ديرتي سافرت والجوف مشبوب=وقلب المعنى لي بالأقفال صكّر
مشيت انا بالشام والجو به شوب=وجلست بجنينة خضارٍ أفكّر
رويان عُوده ماهو بْحيل دبدوب=ينقال له ريم ٍ وصعب ٍ أحكّر
ينساق عطره داخل الروح مسكوب=وينساق فيني عشقه اللي تشكّر
والله لولا البعد ماهو بمكتوب=حرام لأكتب له من الشعر سكّر
كتبت انا قافي على طرق مسحوب=يمكن مع الأيّام ليّ يْتذكّر

أتمنى أن تجد نافذة إلى قلوبكم
محبكم / عبدالعزيز الرقابي

صح لسانك لا هنت ابد طيبه من طيب