[عمر ال شيبي]

المشاركة الأصلية كتبت بواسطة الطائر المهاجر

متاهات الغرام ورحلة العاشق بلا أوطان= نهايات السنين وشمس تسحب نورها الهادي
شراعي تاه في الغربه بليلٍ والقدر ربّان= يوجهني على كيفه ولا ادري وين الابعادي
ادور في زمان الصمت من يفهم على الإنسان= يساعدني على درب العنا ما يكسر شدادي
يحب بصدق من قلبه ولا هو في الهوى فنّان= ولا له في دروب الغي لا ناقه ولا حادي
ولقيتك يا عديل الروح نبع الحب في الحرمان= لقيت الحب في قلبك عطاني الفرح واسعادي
يا اجمل بدر في ليل اشتياق المولع الولهان = يا نور الله في دنيا كئيبه لونها سادي
تلاقينا ونجم الحب يوضي في سماء الوجدان= ينادي روحك وروحي ويعلن فجر ميلادي
حبيبي كيف جمّعنا القدر من عالم النسيان= وحلمٍ ضاع يتحقق وشوفك دون ميعادي
صباح الخير ياورد الربيع وعطره الفتان= صباح الخير نسمات الصبا في البر والوادي
اشوف إنّ السفر طوّل وقلبي مرتع الأحزان= ولو حاولت اشغاله ينادي وين ياالغادي
اخاف إن السفر ياخذك مني لشاطئ السلوان = تجيني يوم متغيّر وتفرح بعض حسادي
دخيل الله أنا مقدرعلى ُبعدك فانا عطشان= عروق القلب يبّاسٍ تبي من عطفك امدادي

روعه وشجون شاعر
مشاعر مفعمه بالاحساس

قلب خضر

صح لسانك لا هنت