[خـرافـي]

درب الهنا ياصاحبي يوم رحتوا=الله يوصلكـم بخيـر وسلامـه
الله يشكر سعيكـم لاعتمرتـوا=والله يهنيكم بطـول الاقامـه
واليا رجعتوا قلتهـا لا تعبتـوا=لكن ترى تغشى بعضكم ملامه
اعتب عليكوا يوم رحتوا وخنتوا =خـنتوا خـويـن مايغيـر كـلامـه
انـتـم تعرفونه ولا انتم جهلتوا=لاكـن قـضـاء الاقدار هـذا مقامـه
مـن عـقـب مـاكنا معاكم وكنتوا=مثل الضـيـوف وما لـحقنا ندامه
الـضيـف حـقـه واجـبن لا علمتوا=والضـيـف لا جـانـا علينا احـتـرامـه
هاذي معاذيري ولا انتو خسرتوا=واللـه يرجعـكم بخير وسـلامـه

عبدالعزيز البدراني