[عمر ال شيبي]

المشاركة الأصلية كتبت بواسطة فارس القوافي

بالله خلّيني على صدرك ارتاح = تعبت من طول السهر والشقاوه
كم لي اشيل الهمّ والهمّ ذبّاح = ملّيت طعنات الهوى والقساوه
يابنت ضمّيني ترى الهمّ ينزاح = واسقي فواد المعتني بالهداوه
من يوم ما شفتك وطير السعد لاح = وتبسّمت دنيا شقاي ابصخاوه
ماراح من عمري ولا شيّ ماراح = دامي لقيت ابجيّتك لي غلاوه
نسيت من لقياك شرّي والاشباح = نسيت في حضنك سنين الخزاوه
ارتاح قلب ٍ قبل جيّتك كم ناح = حسّيت طعم ٍ غير كلّه حلاوه
ان كان حظي قبل لقياك بي طاح = اليوم قام الحظ بعد العداوه
هاتي يدينك دام عطر الهوى فاح = وش عاد باقي ننتظر يانداوه
سلّمت قلب ٍ فيه ضبّه ومفتاح = بيديك ياكلّ الحلا والطراوه
بالله خلّيني على صدرك ارتاح = تعبت من طول السهر والشقاوه

الين القول من فكر ن عطيه =يخلينا نعود في كل مره
وصح السانكم فخر وهنيه = علينا كيف ما قلنا تبارك