[عمر ال شيبي]

المشاركة الأصلية كتبت بواسطة حرف وشعر

ياقوافي ذوقهن كالسلسبيل= ياقراح الشعر من فيض النهر
يامزو(ن) من بديعات المثيل=يافصوص الماس فى وسط السطر
يانجوم (ن) نورت والوقت ليل=ياخيوط الشمس من بعد السحر
ياشعور (ن) فاض من فظل الجليل= يامشاعر صورت عذب الصور
ارفعيني فوق هامات النخيل= واكتبي اسمي على سطح القمر
الشعر لوكان مدعات الهبيل= كان كل الناس ابدع واشتهر
الشعركالزيت فى خيط الفتيل=او كما بدر(ن) بدا نصف الشهر
الشعر احساس بالحرف الجميل= روح تسري فى البدن قبل الحبر
الشعر عندي كما الحر الاصيل= لا دعيته بالعجل عندي حضر
اعشق النص الزنيدي والثقيل= ماتضعضع فى المباني وانكسر
واستمج الحرف فى النص الهزيل=يوم اشوفه ضاق صدري ياعمر
ياحماة الشعر ردوا بالجميل= الشعر يشكوا مطاعن بالظهر
من يدافع عنك يالبحر الطويل=والفرسدق لو يشوفك ماصبر
ولو يشوف الحال هذاك الضليل= ذا القروح اللي بشعره مشتهر
كان ترّك كل قول وكل قيل=واعتزل ياصاحبي قرض الشعر
السموحه ياشعر شعبك بخيل= اعتذرك لك واعتذر لك واعتذر
والمصيبه جاك بعد الجيل جيل= مالهم بالشعر حس ولاخبر
مير هرج (ن) بالدعاوي والطبيل= ومن حضر يبكي علي المسرح قهر
وشاعرات(ن) مالهن بالشعر طيل= مادرن كيف القوافي تنجبر
ما اعيب البنت والشعر الجزيل= كم بنت (ن) فى الشعر مثل البحر
البنات اللي سحايبهن هميل= لمطرن سالت بواديهن مطر
كنهن فى محضر الشعر الاصيل= مثل خيل السبق والفارس ضفر
مير انا عيب الجهولي والدخيل = من كلا الجنسين لا ضر ولا ضرر
من نصوص(ن) ذابلات (ن) كالذيل= مالها راس (ن) ولا وجه وظهر
او نصوص جامدات (ن) ياعطيل= والمصيبه ذي على نصف البشر
او نصوص (ن) بالركاكه تستخيل=لا قريت النص ودك تنتحر

عفا عليك ما ودّها انتحار
وصح لسانك على الطيبه

وربي كفيت ووفيت