[نجم الإبداع]

سبّح القيطون مره وناداني=قلت عوذا منه مالي بتسبيحه
قالو انه مطرقه فوق سنداني=قلت ماودي بشوفه ولاريحه
قلت ودو القلب صوب اهل بعداني=في جبلهم سد ماودي ابيحه
الغزال الي غرامه قد ارداني=من عيون الموت للطرف تلويحه
جيتهم في عهد فيصل ولا امداني=الشهيد الي يشوق العرب صيحه
قالو انه شد لم اهل همداني =قلت يكفي شم عطره وتصريحه
رحت ابانشد عنه والشوق وداني=يوم ضاع الحب ضاعت مفاتيحه
ويلهم من عقبه القلب برداني=في هجير الصيف يرجف من الطيحه
لاجلهم ماقلبن الا وعاداني= حكمهم من عرش بلقيس توشيحه
كل مالقيطون سبح وناداني=قلت ماودي بشوفه وتسبيحه