نجم الابداع=
لقيت الذيب والضبان والضبع الكبير اصحاب=ولكن الاسد ماشفت له جولات بالغابه
اشوف الليل زان وزان للطاروق فتح الباب=اذا عثمان فاضي يرجْع المعلوم لاصحابه
ههههههههههه الظاهر ابو عبدالله ماكان فاضي لي وجات الخياله=
خيالة الشعر=
عسى للضيف ترحيب ن وله فروه وله جلباب = وعسى نلقى من الدنيا ثواب ونحسب احسابه
يطيب الشعر لا منا لقينا الشعر من احباب = ولكن لا تنوض النار والنيران شبابه
نجم الابداع=
هلا يامرحبا عد السيول وعدة الانساب=على وضح النقاء يابنت حنا والوفا لابه
هلا بك والهوى يابنت ماله بالزمان اطباب=سوى قاف القصيد وصوت يطرب قلب زريابه
خيالة الشعر=
يدوم الك البقا ياشيخ واحنا بينكم اغراب = وصلنا توّنا والطير حدّ اليوم مخلابه
صحيح القاف يطربنا ولا كل الطرب اطراب = نعرف السيف والغمده ونعرف نشهر احدابه
نجم الابداع=
نزلتي اهل في دارك ومابين القلوب حراب=وللطير المهاجر قصد يوم انا ابتلشنا به
يبا قتلي ولايقدر ويفرح لالفى مخلاب= وهو مثل الحطيئه لانوى جا يفتل اشنابه
خيالة الشعر=
عرفنا نيته بيضا ولكن قام بالمشعاب = يبي يكسر مجاديفي واصلي له بمحرابه
ودام انك عرفت الطيب خلّ الطيب لك احزاب = وحنّا حزبكم لا صار حزب الطير نهّابه